Fréttir

Á fundi byggðaráðs Blönduósbæjar í síðustu viku var tekið fyrir erindi frá foreldrafélagið Leikskólans Barnabæjar varðandi bílastæðamál við leikskólann. Fram kom að foreldrafélagið hefði miklar áhyggjur af bílastæðamálum og færi þess að leit að þau yrðu skoðuð.

Á fundi byggðarráðs Sveitarfélagsins Skagafjarðar í gær var sammþykkt að afþakka þá launahækkun sem kjörnum fulltrúum í stjórnum, ráðum og nefndum á vegum sveitarfélagsins ber, eftir að kjararáð ákvað að hækka þingfararkaup um 44% þann 29. október síðastliðið. Viðmið um grunnlaun, þóknanir og starfstengdan kostnað eru sett sem hlutfall af þingfararkaupi hverju sinni og hefði hækkunin því leitt til hækkunar á áðurnefndum þóknunum.

Í ágúst síðastliðnum tók Lilja Gunnlaugsdóttir hjá Skrautmenum í Skagafirði þátt í vörusýningunni NY Now sem er haldin í New York á hverju ári. Hálsmenið hennar, Þoka, var valið úr 1.800 vörum í sérstakan úrslitaflokk. Sýnendur á sýningunni, sem er helguð lífsstíl og hönnun, voru 2.300 talsins og er talið að 24.000 kaupendur og meira en 400 fjölmiðlamenn hafi sótt hana heim.

Á ársþingi SSNV sem var haldið í október sl. var lög fram ályktun um opinbera þjónustu í landhlutanum. Var þess meðal annars krafist að þeir sem þurfa að sækja þjónustu á borð við heilbrigðisþjónustu fjarri heimabyggð fengju það að einhverju móti bætt.

Gunnar Bragi Sveinsson sjávarútvegs- og landbúnaðarráðherra hefur úthlutað alls 11.257 tonnum í sértækan og almennan byggðakvóta en ráðstöfunin byggir á þingsályktun 38/145, 2015-2016. Sértækur byggðakvóti Byggðastofnunar eykst um 733 tonn frá fyrra fiskveiðiári og er 5.634 tonn fiskveiðiárið 2016/2017. Stefna stjórnvalda undanfarin ár hefur verið að auka vægi sértæks byggðakvóta enda hefur hann almennt reynst vel sem byggðafestuaðgerð.

Tindastóll fékk framlágt lið Snæfells í heimsókn í Síkið í kvöld og unnu stórsigur eins og vænta mátti. Stólarnir náðu strax góðri forystu og það var augljóst frá fyrstu mínútu að gestirnir voru ekki líklegir til að veita mikla mótspyrnu. Staðan í hálfleik var 49-21 og hálfgerð þolraun fyrir áhorfendur að komast í gegnum seinni hálfleikinn sem var óskeppandi með öllu. Lokatölur 100-57.

Frá og með þessari viku mun Sjónhornið, sem hingað til hefur verið ómissandi auglýsingamiðill í Skagafirði, verða einnig borið út á öll heimili í Húnavatnssýslum.

Um þessar mundir fagnar Gísli Þór Ólafsson 10 ára útgáfuafmæli, en hans fyrsta ljóðabók, Harmonikkublús, kom út árið 2006. Í kjölfarið komu út fjórar ljóðabækur og fjórir hljómdiskar. Í bókinni,sem nefnist Safnljóð 2006-2016, er úrval ljóða og texta úr bókunum og af hjómdiskunum. Að sögn Gísla Þórs er stefnt á útgáfu eftir nokkrar vikur.

Í kvöld fer fram leikur Tindastóls og Snæfells í Dominos deild karla í körfu. Leikurinn fer fram í Síkinu á Sauðárkróki og hefst kl. 19:15. Allir eru hvattir til að mæta á staðinn og fjölmenna á bekkina en þeir sem lengra eru geta séð leikinn í beinni útsendingu á TindastóllTV. Útsending hefst kl. 18:50.

Árlegur Elínborgardagur Höfðaskóla á Skagaströnd var haldinn hátíðlegur í gær. Dagurinn er haldinn í tilefni Dags íslenskrar tungu sem er 16. nóvember á fæðingardegi Jónasar Hallgrímssonar og haldinn hefur verið hátíðlegur í skólum landsins frá árinu 1996.