Fréttir

Um það bil 580 hamborgar og 34 lítrar af mæjónesi runnu út af Hard Wok Cafe á Sauðárkróki í gær og söfnuðust 1.464.780 krónur fyrir fjölskyldu Völu Mistar, sem dvalið hefur í Svíþjóð vegna veikinda stúlkunnar. Í gær var fór Vala Mist í hjartaþræðingu, þar sem ósæðaboginn var stækkaður um helming.

Þann 30. mars sl. undirrituðu Félags- og skólaþjónusta Austur-Húnavatnssýslu og Trappa ehf. samning til tveggja ára sem lýtur að talmeinaþjónustu í skólum og leikskólum sveitarfélaganna og munu fyrstu börnin byrja fljótlega í talþjálfun. Sveitarfélögin í A-Húnavatnssýslu bættust þar með í stóran hóp sveitarfélaga sem nýta sér slíka þjónustu en Trappa býður upp á talþjálfun fyrir börn og fullorðna í gegnum fjarbúnað.

Rík­arður Más­son, fyrr­ver­andi sýslumaður á Sauðár­króki, lést á sjúkra­hús­inu á Sauðár­króki mánu­dag­inn 4. apríl. Hann var fæddur 29. janúar 1943 í Reykja­vík, þar sem hann ólst upp. Hann lauk stúd­ents­prófi frá MR 1964, stundaði nám í lækn­is­fræði við HÍ 1964-66 og lauk embætt­is­prófi í lög­fræði við HÍ 1975.

Þórarinn Eymundsson er sigurvegari KS-deildarinnar árið 2017 eftir síðasta mót vetrarins í gærkvöldi. Árangur Þórarins er sérlega glæsilegur þar sem þetta er þriðja árið í röð sem hann vinnur deildina. Lið Hrímnis sigraði liðakeppnina annað árið í röð en þar var Þórarinn liðstjórinn. Keppt var í tveimur greinum, slaktaumatölti og skeiði.

Sveitarstjórn Skagastrandar hefur tekið ákvörðun um að veita styrki til nemenda á framhalds- og háskólastigi að fjárhæð 20 þúsund kr. fyrir skólaárið 2016-2017. Styrkirnir eru veittir til jöfnunar á námskostnaði fjarri heimabyggð.

Í dag er mikill góðgerðardagur á Sauðarkróki þar sem safnað verður fyrir fjölskyldu Völu Mistar, ungu stúlkunnar Vals Valssonar og Lilju Gunnlaugsdóttur. Þau dvelja enn í Svíþjóð vegna veikinda Völu Mistar. Á Hard Wok er hægt að fá sérstakan styrktarhamborgara í dag þar sem ágóðinn rennur í sjóð Völu Mistar og svo ætla Kiwaniskonur að standa fyrir góðgerða Yoga þar sem aðgangseyrinn rennur til góðgerðamála í heimabyggð.

Að þessu sinni er það Ingimar Oddsson (1968) sem svarar Tón-lystinni en hann er nú búsettur á Akranesi. Ingimar var á sínum tíma einn af meðlimum stuðsveitarinnar Jójó frá Skagaströnd sem slógu rækilega í gegn með Stæltum strákum árið 1988 og sigruðu Músíktilraunir sama ár.

Veturinn rankaði nú loks við sér og ákvað að minna á að hann er enn við völd með því að senda okkur smá snjókomu í gær og fyrradag. Því eru vegir nú hálir um allan landshlutann og vissara að fara varlega. Hann hefur verið heppinn, bílsjtórinn á þessum bíl að ekki fór verr en hann lenti utan vegar í grennd við bæinn Gröf í Vestur Húnavatnssýslu.

Uppbyggingarsjóður Norðurlands vestra og Atvinnu- og nýsköpunarsjóður Norðurlands vestra vilja minna á að nú er seinna úthlutunarferlið vegna styrkveitinga úr sjóðunum fyrir árið 2017 í fullum gangi

Í gær komu félagar í Veðurklúbbnum á Dalbæ saman til fundar. Fundurinn hófst kl. 13:50 og voru fundarmenn tólf talsins. Fundinum lauk kl. 14:20. Almenn ánægja var með hvernig til tókst með veðurspá fyrir mars. Öll frávik voru innan skekkjumarka eins og fræðingarnir segja.