Fréttir

Rannsóknarnefnd samgönguslysa gaf, í upphafi vikunnar, út skýrslu um atvik sem átti sér stað er brú yfir Vatnsdalsá við bæinn Grímstungu hrundi undan þunga vörubifreiðar með festivagn. Rannsókn málsins leiddi í ljós að þungi vagnlestarinnar var vel yfir leyfðri heildarþyngd ökutækja á brúnni. Við rannsóknina komu einnig í ljós ýmsir annmarkar á öryggismálum og gerir nefndin þrjár tillögur í öryggisátt sem birtar eru í skýrslunni.

Listafólk í Sólon Myndlistarfélagi á Sauðárkróki ætlar að vera með opna vinnustofu fyrir börn í Gúttó nk. sunnudag þar sem krökkum á öllum aldri verður boðið upp á að mála sín eigin listaverk með akríl á grunnaðar masónítplötur.

„Enginn stuðningur frá sveitarstjóra er sú staðreynd sem meirihluti grunnskólakennara í Skagafirði upplifði í dag,“ segir á fésbókarsíðum margra grunnskólakennara í Skagafirði eftir að fjölmennur hópur þeirra afhenti Ástu Björgu Pálmadóttur, sveitarstjóra Svf. Skagafjarðar, ályktun stjórnar Kennarasambands Norðurlands vestra um bætt kjör.

Hópur sem kallar sig Jólahúna stendur fyrir aðventutónleikum í Húnaþingi vestra og Austur-Húnavatnssýslu, þar sem tónlistarmenn úr báðum héruðum leiða saman hesta sína á fernum tónleikum.

Margir hafa veitt athygli fallegri skeifu sem nýlega var hlaðin skammt frá útsýnisskífu á Nöfunum ofan við Sauðárkróki. Skeifan er til heiðurs hinu merka skagfirska skáldi, Hannesi Péturssyni en hugmyndin fæddist hjá frænda hans Sigurði Svavarssyni, bókaútgefanda hjá Opnu bókaútgáfu.

Þróunarfélagsfræðihópur í Fjölbrautaskóla Norðurlands vestra ætlar að standa fyrir kaffihúsakvöldi til styrktar UNICEF næstkomandi fimmtudaginn 24. nóvember milli klukkan 20 og 22. Á dagskrá verða ýmis skemmtiatriði og Pub Quiz spurningaleikur.

Aðalfundur Sögufélags Skagfirðinga var haldinn á sunnudaginn. Að sögn Hjalta Pálssonar komu út tvær bækur á vegum félagsins á árinu 2015, annars vegar Skagfirðingabók og hins vegar Dagar handan við dægrin eftir Sölva Sveinsson, sem Hjalti segir að hafi hlotið mjög góðar viðtökur.

Greiðslustofa húsnæðisbóta var formlega opnuð á Sauðárkróki í gær. Greiðslustofan er til húsi á annarri hæð við Ártorg 1 og þar hafa verið ráðnir 14 starfsmenn í jafn mörg stöðugildi.

Á morgun, miðvikudaginn 23. nóvember, klukkan 17:00 flytur dr. Lára Magnúsardóttir fyrirlesturinn Málaferli vegna ófeðraðs barns á 17. öld og heimildir um réttarfar. Undanfarna miðvikudaga hafa U3A, Sögufélagið Húnvetningur og Húnvetningafélagið í Reykjavík staðið fyrir fyrirlestrum í Húnabúð, sem staðsett er í Skeifunni í Reykjavík og er hann sá síðasti í þessari lotu.

„Nú verður gerð ný atlaga að því að koma í gang námskeiði í svæðisleiðsögn fyrir Norðurland vestra, sem myndi byrja í janúar 2017,“ segir í frétt frá Farskólanum og SSNV. Á morgun, miðvikudaginn 23. nóvember, verða haldnir kynningarfundir um námið, sem hér segir: