Fréttir

Sveitarstjórn Sveitarfélagsins mótmælir harðlega niðurstöðum úthlutunar byggðakvóta fyrir fiskveiðiárið 2016-2017 en tillaga þess efnis var samþykkt á fundi hennar í síðustu viku eftir að bókun atvinnu- menningar- og kynningarnefndar var borin upp. Niðurstaða atvinnuvega- og nýsköpunarráðuneytis hvað Skagafjörð varðar er að úthluta aðeins 19 þorskígildistonnum til Hofsóss en engum byggðakvóta til Sauðárkróks.

Í gær var fyrsti sunnudagur í aðventu og af því tilefni voru haldnar hátíðarmessur víða í kirkjum landsins. Á Sauðárkróki var messað klukkan tvö og eftir athöfn var öllum boðið í kaffi og jólaaðstoðinni færður styrkur.

Það var hátíðarstemning á Sauðárkróki þegar ljósin voru tendruð á jólatrénu á Kirkjutorgi sl. laugardag. Veðrið var prýðisgott, logn og örlítið frost enda fjölmennti fólk á torgið og skemmti sér vel.

„Ég sef ekki í draumheldum náttfötum“ er fjórða ljóðabók Eyþórs Árnasonar frá Uppsölum í Skagafirði. Í þessari bók fer hann um og skoðar ýmsar styttur og minnismerki. Bregður sér auðvitað norður í land, lítur við í Vatnsdal, stoppar á Vatnsskarði og hugar að Konráði frænda á Löngumýri. Fer svo suður aftur og endar á bekk við Tjörnina en þar situr Tómas Guðmundsson alla daga og fylgist með borginni sinni. Síðan eru inn á milli í bókinni tímalausir draumar um allt og ekkert.

Á morgun er fyrsti sunnudagur í aðventu sem markar upphaf jólaföstunnar og er jafnframt fyrsti dagur kirkjuársins. Í tilefni þessa verður haldin gæðastund fyrir börn og fullorðna í Sauðárkrókskirkju og hátíðarmessa kl. 14:00. Í hátíðarmessunni leiðir kirkjukórinn söng en sungnir verða fallegir aðventusálmar og fermingarbörn ætla að lesa ritnigarlestra. Eftir messu býður Kvenfélag Skarðshrepps til kaffisamsætis í safnaðarheimilinu.

Síðastliðin ár hef ég verið svo heppin að hafa fengið tækifæri til þess að vinna með börnum á fjölbreyttum vettvangi. Ég hef þjálfað börn á aldrinum 3-15 ára í íshokkí, séð um styrktarþjálfun hjá sama aldri, auk þess hef ég tekið að mér að þjálfa fötluð börn í sundi. Í dag er ég í fullu starfi sem íþróttafræðingur á leikskólanum Holtakot á Álftanesi. Þar sé ég um íþróttir og sundkennslu nemenda. Þessi fjölbreytilegi starfsvettvangur hefur oft fengið mig til að leita svara við einni spurningu; „Hvað er að vera barn?“

Tindastólsmenn fögnuðu sætum sigri í Þorlákshöfn í kvöld þegar þeir mættu heimamönnum í Þór í áttundu umferð Dominos-deildarinnar. Leikurinn var allan tímann fjörugur og spennandi og úrslitin réðust í blálokin þegar Pétur Birgis setti ískaldur niður flauelsþrist þegar 1,4 sekúndur voru til leiksloka. Lokatölur 92-95 fyrir Tindastól.

Jóla Tón-lystinni að þessu sinni svarar Pálína Fanney Skúladóttir frá Laugarbakka en hún starfar sem organisti og kórstjóri. Pálína er fædd á Fljótsdalshéraði viku áður en Bítlarnir hófu upptökur á plötu sinni, Help. Spurð út í tengsl við Norðurland vestra segir hún: „Ég á engar ættir að rekja hingað í Húnavatnssýslur né í Skagafjörð. Hef samt búið eitt ár í Varmahlíð ´90 - ´91 og þykir síðan mjög vænt um Skagafjörð og finn alltaf fyrir notalegri tengingu þangað. Ég hef búið 16 ár í Húnaþingi vestra og ekki laust við að ég sé orðinn þó nokkur Húnvetningur þó ræturnar séu fyrir austan.“ Aðalhljóðfæri Pálínu er kirkjuorgel en hún spilar líka á píanó og lærði söng, kórstjórn og fleira sem snýr að kirkjutónlistarnámi.

Búast má við að íslenskt jólatré muni taka sæti þeirra norsku sem hingað til hafa glatt íbúa Skagafjarðar í áratugi. Vakið hefur athygli að vinabær Svf. Skagafjarðar, Kongsberg, hefur tilkynnt að ekki komi fleiri jólatré þaðan frá og með árinu 2017.

Í morgun fór fram hin árlega friðarganga Árskóla á Sauðárkróki þar sem nemendur og kennarar mynduðu mannlega keðju upp Kirkjustíginn. Friðarljós er látið ganga á milli nemenda sem að endingu nær upp að krossi sem þá upplýsist. Á morgun verða svo jólaljósin tendruð á jólatrénu á Kirkjutorgi á Sauðárkróki og hefst sú athöfn klukkan 15:30.