Fréttir

Skagfirðingurinn Reynir Snær Magnússon hlaut, ásamt félögum sínum í hljómsveit Rúnars Eff, tvenn tónlistarverðlaun í Texas. Auk þeirra tveggja fyrrnefndra eru þeir Valgarður Óli Ómarsson, Hallgrímur Jónas Ómarsson og Stefán Gunnarsson í bandinu. Hafa þeir ferðast um Tennesse og Texas, þar sem þeir stoppuðu í Nashville, Memphis, Austin, Houston og Jefferson.

Dregið var í átta liða úrslit Maltbikarsins í höfuðstöðvum KKÍ í hádeginu í dag. Lið Tindastóls var að sjálfsögðu í hattinum eftir glæsilegan sigur á Valsmönnum á Hlíðarenda í gær. Líkt og í fyrri umferðum dróst lið Tindastóls gegn úrvalsdeildarliði en Stólarnir mæta ÍR-ingum og verður spilað í Síkinu annað hvort 10. eða 11. desember.

Þessa dagana stendur SSNV fyrir kynningu á rafrænni umsóknargátt fyrir Uppbyggingarsjóð Norðurlands vestra ásamt námskeiði í umsóknargerð í samstarfi við Nýsköpunarmiðstöð Íslands. Námskeiðin verða á þremur stöðum á svæðinu og verður það fyrsta haldið í dag á Sauððárkróki. Námskeiðin verða sem hér segir:

Um helgina fór fram fyrsta umferðin í deildakeppni Íslandsmótsins í blaki á Siglufirði og í Kórnum í Kópavogi. Krækjurnar á Sauðárkróki gerðu góða ferð til Siglufjarðar, kepptu í 3. deildinni og unnu alla sína leiki

Það hryggir Feyki að þurfa að greina frá því að þátttaka liðs Skagafjarðar í Útsvari Sjónvarpsins reyndist frekar endaslepp þennan veturinn. Andstæðingarnir sem skipuðu lið Vestmannaeyja reyndust þegar upp var staðið hafa fengið fleiri stig í keppni sveitarfélaganna síðatliðið föstudagskvöld og sigruðu raunar af nokkru öryggi. Lokatölur voru 56-28 fyrir Eyjamenn.

Tindastóll og Valur áttust við í 16 liða úrslitum Maltbikarsins í kvöld og var leikið á Hlíðarenda. Stólarnir léku vel í kvöld og náðu strax ágætri forystu. Valsmenn reyndu að klóra sig inn í leikinn fyrir hlé en Stólarnir gáfu ekkert eftir og síðan var bara sýning í síðari hálfleik. Sigtryggur Arnar og Hester voru frábærir í leiknum með alls 66 stig en lokatölur voru 70-104.

Karlakór Bólstaðarhlíðarhrepps gerði sér lítið fyrir í gærkvöldi þegar hann tók þátt í seinni undanúrslitaþætti Kóra Íslands á Stöð 2 og söng sig til þátttöku í úrslitaþættinum. Kórinn söng lagið Gæfa hestamannsins sem er eftir stjórnanda kórsins, Skarphéðin Einarsson, við texta Benedikts Blöndals Lárussonar og stóð sig með slíkum ágætum að þjóðin kaus hann áfram í úrslitin í símakosningunni. Þess má geta að kórinn er nú eini fulltrúi landsbyggðarinnar í keppninni. Feykir óskar kórnum til hamingju með árangurinn.

Brunavarnir Skagafjarðar hafa auglýst eftir varaslökkviliðsstjóra en starfið er laust frá og með 1. desember 2017. Varaslökkviliðsstjóri er staðgengill slökkviliðsstjóra og ber hann ábyrgð á faglegri starfsemi Brunavarna Skagafjarðar í samvinnu við yfirmann sinn. Svavar Atli Birgisson hefur verið ráðinn slökkviliðsstjóri frá og með 1. desember og tekur við af Vernharð Guðnasyni sem verið hefur í árs leyfi.

Nýlega héldu Alzheimersamtökin opinn fræðslufund á Sauðárkróki. Sirrý Sif Sigurlaugardóttir er fræðslu- og verkefnastjóri hjá samtökunum en þess má geta að móðir hennar er Sigurlaug Jónsdóttir frá Flugumýri. Hún segir aðsókn á fundinn hafa verið mjög góða en það voru fulltrúar samtakanna hér á svæðinu, þær María Ásgrímsdóttir, félagsliði, og Helga Sigurbjörnsdóttir, aðstandandi einstaklings með heilabilun, sem sáu um undirbúning og skipulag fundarins.

Þá er komið að undanúrslitum hjá Karlakór Bólstaðarhlíðarhrepps í þætti Stöðvar 2, Kórar Íslands en hann verður í beinni útsendingu í kvöld klukkan 19:10. Þarna munu örlög þeirra kóra, sem komist hafa áfram í keppninni, ráðast en með þinni hjálp gæti það gerst.