Fréttir

Söngvaskáldin Kristjana Stefáns og Svavar Knútur halda tónleika í Sauðárkrókskirkju annað kvöld, 6. júlí klukkan 20.00 en tónleikarnir eru partur af tónleikaferð þeirra um landið. Fram að þessu hafa undirtektirnar verið prýðilegar.

Landsmót hestamanna á Hólum í Hjaltadal er lokið og hversdagslífið tekið við hjá hestamönnum. Veðrið var með besta móti fyrir hestana þó gestir á mótinu hafi á tímum þurft að setja upp húfur.

Lesandi hafði samband við Feyki fyrir nokkru og lýsti óánægju sinni með að hestar væru á beit í Víðishólma við Reiðhöllina Svaðastaði. Um er að ræða nyrðri hólmann í Hólmatjörn, en þar er að finna fallegt minnismerki og trjágróður. Brú liggur út í hólmann en líklegt er á hestar hafi komist þangað vegna þess að óvenju lítið vatn var orðið í tjörninni sem umlykur hólmann.

Við úthlutun menningarstyrkja frá Kaupfélagi Skagfirðinga á dögunum var meðal annars veittur styrkur til að vinna að sögu Dægurlagakeppninnar á Sauðárkróki. Keppnin var fyrst haldin 1957 og á næsta ári verða því 60 ár síðan og er stefnt á að minnast þeirra tímamóta á veglegan hátt.

Síðustu fimm ár hefur fjölskylda Maríu Hjaltadóttur frá Hvoli í Vesturhópi heiðrað minningu hennar með listsýningu sem nefnist ,,Maríudagar“. Í ár ætlar fjölskylda hennar enn á ný að efna til ,,Maríudaga“ með sýningu á ýmsum listmunum eftir nokkra listamenn.

Auglýst hefur verið eftir forstöðumanni þjónustuskrifstofu fyrir húsaleigubætur á Sauðárkróki. Um er að ræða nýja starfsstöð Vinnumálastofnunar, sem er tilkomin vegna breytinga á lögum um húsaleigubætur. Áætlað er að forstöðumaður taki til starfa 1. ágúst en starfsstöðin, sem áformað er að skapi tólf til fjórtán störf, hefji starfsemi sína um næsta áramót.

Systurnar frá Grænumýri í Blönduhlíð, Ragnhildur Sigurlaug og Sigurbjörg Svandís Guttormsdætur, 9 og 6 ára, bræddu hjörtu landsmótsgesta á Hólum í Hjaltadal. Þetta var ekki í fyrsta sinn sem þær koma fram á hátíðinni en þær unnu Söngkeppni barnanna með laginu „Líttu sérhvert sólarlag“ fyrir tveimur árum síðan.

Landsmót hestamanna á Hólum í Hjaltadal er að renna sitt skeið. Hér er kveðja frá landsmótinu til íslenska landsliðsins. Það er Hrafnhildur Gunnarsdóttir kvikmyndagerðarkona sem á heiðurinn af myndbandinu.

Það er ekki hægt að segja að veðrið hafi leikið við landsmótsgesti í gær en stemningin var þrusugóð og boðið uppá hörkuspennandi keppni. Hrannar frá Flugumýri II sigraði A-flokk gæðinga á Landsmóti á Hólum, setinn af Eyrúnu Ýr Pálsdóttur og kepptu þau fyrir Skagfirðing.

Lið Tindastóls gerði góða ferð í Garðinn á föstudagskvöldið þar sem þeir öttu kappi við lærisveina Tommy Nielsen í Víði á Nesfisk-vellinum. Um toppleik í deildinni var að ræða en bæði lið voru með 15 stig fyrir leikinn en Víðismenn höfðu spilað leik minna og voru taplausir. Þeir eru það ekki lengur því Stólarnir tóku þá 0-3.