Fréttir

Í júlímánuði verður bryddað upp á skemmtilegum nýjungum á Hérðasbókasafni A-Húnaavatnssýslu á Blönduósi í því skyni að lífga upp á sumarið.

Baggalútur sendi frá sér nýtt lag á dögunum, Grenja, og fá þeir Sölku Sól sér til halds og trausts að syngja með Guðmundi Pálssyni. Aðrar raddir sjá Dísa Jakobs, Sigurður Guðmundsson, Karl Sigurðsson og Bragi Valdimar Skúlason. Lag og texta á Bragi Valdimar Skúlason.

Tindastólsmenn brunuðu á Húsavík í gær og spiluðu gegn liði Völsungs. Liðin voru á svipuðum slóðum í 2. deildinni fyrir leikinn en það voru heimamenn sem höfðu betur, sigruðu Stólana 2-1, eftir að Brentton Muhammad markvörður Tindastóls fékk að kíkja á rauða spjaldið um miðjan síðari hálfleik.

Vegna söfnunar sem fram hefur farið vegna náttúruhamfara á Grænlandi ákvað Sveitarfélagið Skagafjarðar að leggja söfnuninni lið með 100.000 króna framlagi. Á fundi byggðaráðs var lagður fram svohljóðandi tölvupóstur frá Sambandi íslenskra sveitarfélaga:

Í dag er alþjóðlegi bikínídagurinn og því um að gera í skella sér út í sólbað hvort sem það er sól eða rigning.......

Í gær, mánudaginn 3. júlí, var úthlutað styrkjum úr Menningarsjóði Kaupfélags Skagfirðinga. Að þessu sinni voru það 25 aðilar sem hlutu styrk úr sjóðnum til margvíslegra menningartengdra verkefna. Þórólfur Gíslason kaupfélagsstjóri og Bjarni Maronsson, stjórnarformaður KS afhentu styrkina en auk þeirra sitja þau Efemía Björnsdóttir, Einar Gíslason, og Inga Valdís Tómasdóttir í stjórn sjóðsins.

Það verður glatt á hjalla í Blönduhlíðinni um næstu helgi þegar menningarhátíðin Listaflóð á vígaslóð verður haldin á Syðstu-Grund og Kakalaskála dagana 7. og 8. júlí.

Nú styttist í Húnavökuna á Blönduósi sem hefst í lok næstu viku en þar verður ýmislegt í boði. Búið er að birta dagskrána sem hægt er að nálgast HÉR. Samkvæmt Húna.is hét hátíðin áður Matur og menning og var fyrst haldin árið 2003. Árið 2006 var ákveðið að breyta nafni hátíðarinnar og endurvekja hið góða og gilda nafn Húnavaka sem áratugum saman var fastur liður í menningarlíf Húnvetninga.

Á síðasta fundi byggðarráðs Húnaþings vestra var lagt fram bréf frá Ámundakinn ehf. dagsett 6. júní sl. þar sem félagið óskar eftir að fá að kaupa 1.693.983 hluti Húnaþings vestra í Fasteignafélaginu Borg ehf.

Það voru félagar í áhugamannafélaginu Bjarmanum frá Neskaupstað sem tóku sig til og gáfu þennan fallega útfararbíl á Samgönguminjasafnið í Skagafirði um helgina. Félagið var stofnað á sínum tíma til að halda utanum bílaútgerð fyrir útfararbíl í kaupstaðnum.