Fréttir

Fjölbrautaskóli Norðurlands vestra verður settur á sal Bóknámshúss skólans mánudaginn 22. ágúst kl. 18:00. Á vef FNV kemur fram að kennsla hefst samkvæmt stundaskrá þriðjudaginn 23. ágúst kl. 08:00. Þá opnar heimavist skólans kl. 13:00 nk. mánudag. „Foreldrar nýnema eru hvattir til að mæta með börnum sínum. Aðalfundur foreldrafélags skólans verður haldinn að lokinni skólasetningu,“ segir á vefnum.

Golfklúbbur Sauðárkróks sendi tvær sveitir í Íslandsmót golfklúbba, 15 ára og yngri, dagana 12-14 ágúst. Í tilkynningu frá Golfklúbbi Sauðárkróks kemur fram að stúlknasveit frá klúbbnum keppti á Þorláksvelli í Þorlákshöfn og drengjasveit á Selsvelli á Flúðum.

Dimension of Sound er nafn sem, ef að líkum lætur, verður á allra vitorði í framtíðinni en um er að ræða íslenskt sprotafyrirtæki ungra manna sem hanna og framleiða hátalara. Fyrirtækið er staðsett á Skagaströnd en alls starfa þar átta manns. Blaðamaður Feykis heimsótti þá Ævar Baldvinsson og Kristján Rafn Rudolfsson, sem starfa hjá DOS.

Þór Hauksson Reykdal hefur verið ráðinn forstöðumaður nýrrar þjónustuskrifstofu Vinnumálastofnunar sem mun annast greiðslu húsaleigubóta. Skrifstofan verður staðsett á Sauðárkróki og mun taka til starfa á næstu vikum. Þór er með meistarapróf í lögfræði auk þess að vera með MBA gráðu í viðskiptafræði frá Háskólanum í Reykjavík. Hann hefur starfað sem sérfræðingur hjá Ríkisskattstjóra á Akureyri frá árinu 2007.

Í fréttatilkynningu frá Vís er vakin athygli á því að sundpokar svokallaðir geti verið varasamir en dæmi eru fyrir því að böndin á pokunum hafi farið utan um háls barna og þrengt að öndunarvegi.

Ég undirrituð, Hjördís Pálsdóttir í Stykkishólmi, hef ákveðið að bjóða mig fram í 5. - 7. sæti í forvali Vinstrihreyfingarinnar græns framboðs í Norðvesturkjördæmi fyrir komandi Alþingiskosningar.

Sameiginlegir framboðsfundir með frambjóðendum í prófkjöri Sjálfstæðisflokksins í Norðvesturkjördæmi verða á Norðvesturlandi, sem hér segir:

Þegar maður hefur ekki nóg að gera eru mestar líkur á að maður geri einhverja bölvaða vitleysu. Eins og ýmsir hafa sjálfsagt tekið eftir hef ég ákveðið að gefa kost á mér í forvali Vinstri grænna í Norðvesturkjördæmi. Nú er það ekki svo að von mín um að hljóta þingsæti ráði þar för. Enda svo sem ekkert líklegt að svo muni fara, hreppi ég þriðja sæti listans. Ásetningur minn snýst miklu heldur um tækifæri til að taka þátt í umræðunni og geta sett mark mitt á hana.

Framkvæmdir Vegagerðarinnar á Blöndubrú á Blönduósi eru hafnar. Á meðan á lagfæringu brúarinnar stendur verður önnur akreinin lokuð og umferð stýrt með ljósum frá 16. ágúst til 1. desember næstkomandi. Í tilkynningu frá Vegagerðinni er athygli vakin á því að akbrautin er einungis 3,0 metrar að breidd og vegfarendur eru beðnir um að gæta fyllstu varúðar.

Þó að, með því að gefa kost á mér í eitt af efstu sætunum í komandi prófkjöri VG, sé ég í raun að sækja um innivinnu í miðbæ Reykjavíkur, þá eru það málefni landsbyggðarinnar sem mest brenna á mér. Betri samgöngur, betra heilbrigðiskerfi og ljósleiðari hringinn í kringum landið eru þau mál sem ég vil setja í algjöran forgang. Þetta eru málefni landsbyggðarinnar ekki síður en höfuðborgarsvæðisins.