Fréttir

Björn Líndal Traustason á Hvammstanga hefur verið ráðinn framkvæmdastjóri SSNV. Var tilkynnt um ráðningu hans í morgun á ársþingi SSNV, sem nú stendur yfir á Blönduósi. Áformað er að Björn taki til starfa um miðjan nóvember.

Gríðarleg átök urðu um rammaáætlun á síðasta þingi þegar meirihluti atvinnuveganefndar gerði það að tillögu sinni að farið yrði í fleiri virkjanakosti en verkefnastjórn þriðja áfanga hafði lagt til við ráðherra að yrðu nýttir. Sigurður Ingi Jóhannsson, þáverandi umhverfis- og auðlindaráðherra, hafði áður sett átta virkjunarkosti í flýtimeðferð og tók með því fram fyrir hendur verkefnisstjórnarinnar sem lagði einungis til að Hvammsvirkjun færi í nýtingarflokk. Meiri hluti atvinnuveganefndar kom með breytingartillögu þar sem lagt var til að fjórir kostir færu í nýtingu án lögformlegrar meðferðar í verkefnastjórninni. Áður hafði meiri hlutinn gert munnlega tillögu um að sjö virkjanakostir færðust í nýtingarflokk en hraktist undan andstöðu niður í fjóra í endanlegri tillögu sinni. Þar var meðal annars lagt til að Holtavirkjun og Urriðafossvirkjun í neðri Þjórsá, sem báðar eru í biðflokki og hafa verið mjög umdeildir virkjunarkostir, yrðu byggðar en virkjanasinnar hafa lagt mikla áherslu á að koma allri neðri Þjórsá í nýtingarflokk í því skyni að útvega orku til nýrra stóriðjuframkvæmda.

Nú er kominn í loftið fyrsti þátturinn í röð nýrra netþátta á FeykirTV sem bera yfirskriftina Fyrirmyndarfrumkvöðlar. Í þættinum er rætt við þau Ásdísi Sigurjónsdóttur, Einar E. Einarsson og Sólborgu Unu Pálsdóttur á Syðra-Skörðugili í Skagafirði.

Á fundi um húsnæðisvanda leikskólans í Varmahlíð sl. mánudagskvöld kom fram að samstarfsnefnd Akrahrepps og Svf. Skagafjarðar væri að vinna að bráðabirgðalausn sem felst í því að koma á fót smábarnadeild. Þar var sagt að viðræður væru í gangi við eigendur fyrrum pósthússins í Varmahlíð um að fá þar inni. Í fundi sæinum í gær samþykkti byggðarráð Svf. Skagafjarðar að fela sveitarstjóra að ganga frá leigusamningi við Kaupfélag Skagfirðinga um leigu á húsnæðinu.

Á síðasta fundi sveitarstjórnar Húnaþings vestra kynnti oddviti fundargerð landbúnaðarráðs frá 1. október sl. Beiðni ráðsins um einnar milljónar króna fjárveitingu vegna vetrarveiða á ref árið 2016 var vísað til fjárhagsáætlunar næsta árs en jafnframt samþykkt tillaga þar sem lögð er áhersla á að sveitarfélögum verði endurgreiddur virðisaukaskattur af refa-og minkaveiðum.

Níu ára strákur á Sauðárkróki, Hákon Snorri Rúnarsson, tók sig til á dögunum og safnaði fyrir tíu útvarpstækjum sem hann færði Heilbrigðisstofnuninni á Sauðárkróki nú í vikunni. Hákon Snorri hefur alltaf haft áhuga á að láta gott af sér leiða og gleðja aðra.

Trommarinn Kristján Kristjánsson fæddist á Siglufirði árið 1973 líkt og tvíburabróðir hans Kristinn, nema Kiddi spilar á bassa. Fjölskyldan flutti á Krókinn þegar Stjáni var níu ára og telur hann sig því meiri Króksara en Siglfirðing (!). „Ég er sonur Jóninnu Hjartardóttur hundaræktanda í Hveragerði og Kristjáns Óla Jónssonar, fyrrverandi lögregluvarðstjóra í Lögreglunni á Sauðárkróki, eða Roy eins og hann er kallaður á stöðinni. Ég spilaði á pottana hjá mömmu frá því að ég man eftir mér en færði mig svo yfir í alvöru trommur og slagverk ýmisskonar þegar ég áttaði mig á því að það væri engin framtíð í því að spila á potta endalaust með prjónunum hennar móður minnar,“ segir Stjáni sem nú hamrar húðir og járn hjá Geirmundi.

Á danska körfuboltavefnum fullcourt.dk er sagt frá því að Skagfirðingurinn og landsliðsmaðurinn Axel Kárason, sem leikið hefur með liðinu Værløse hafi gengið til liðs við Svendborg.

Vinkonurnar Sunna Björk Atladóttir og Erna Rut Kristjánsdóttir eru að opna Crossfit stöð á Sauðárkróki. Stöðin verður til húsa að Borgarflöt 5 en þær héldu fyrsta grunnnámskeiðið í íþróttasal barnaskólans við Freyjugötu um helgina. Á námskeiðinu fengu þær til liðs við sig þjálfarann Evert Víglundsson, sem sumir gætu kannast við úr Biggest loser þáttunum, en hann er yfirþjálfari og eigandi Crossfit Reykjavík. Blaðamaður Feykis spjallaði við þau að loknu námskeiði.

Eins og greint var frá á forsíðu Feykis í síðustu viku voru sextíu nemar í ferðamálafræði og landfræði við Háskóla Íslands staddir í námsferð í Skagafirði. Hópurinn dvaldi á Hólum alla vikuna og stundaði rannsóknir meðan á dvölinni stóð. Verkefnin voru valfrjáls en fólust m.a. í að taka viðtöl við fjölda fólks og afla upplýsinga um viðfangsefni tengd Skagafirði, undir umsjá Áskels Heiðars Ásgeirssonar og Egils Erlendssonar.