Fréttir

Lið Tindastóls fékk kanalausa Grindvíkinga í heimsókn í Síkið í gærkvöldi og niðurstaðan var góður sigur en lokatölurnar voru 88-81. Þrátt fyrir að Stólarnir hefðu haft yfirhöndina mest allan leikinn þá var það ekki fyrr en Jaka Brodnik skellti í sjö stiga syrpu á næst síðustu mínútu leiksins sem ljóst var að heimamenn myndu hirða stigin tvö sem í boði voru.

Ákveðið hefur verið að sameina útibú Arion banka á Blönduósi við útbúið á Sauðárkróki og tekur breytingin gildi 5. maí næstkomandi, eftir því sem kemur fram í frétt á Húni.is. Í tilkynningu sem bankinn sendi viðskiptavinum sínum á Blönduósi segir að undanfarin ár hafi verið gerðar breytingar á útibúaneti bankans til að aðlaga það að nýrri nálgun í bankaþjónustu þar sem lögð sé áhersla á gott aðgengi að stafrænum þjónustuleiðum.

Síðastliðinn föstudag tóku unglingar í Húnaþingi vestra þátt í rafíþróttamóti Samfés þar sem keppt var í CS:GO og Fortnite. Samtals kepptu sjö krakkar frá Húnaþingi vestra, fjórir í CS:GO og þrír í Fortnite. Lið Órions var skipað fjórum heimamönnum, auk varamanns frá Danmörku sem hoppaði inn með skömmum fyrirvara eftir að einn liðsmaður forfallaðist. Liðið hittist í Órion þar sem komið hafði verið upp tímabundnu tölvuveri fyrir keppnina.

Nýr landsliðsþjálfari íslenska kvennalandsliðsins, Þorsteinn H. Halldórsson, hefur valið 26 leikmenn til að taka þátt í æfingum í næstu viku en allar stúlkurnar í hópnum leika á Íslandi. Einn leikmaður úr liði Tindastóls er í hópnum, Laufey Harpa Halldórsdóttir, en að öllum líkindum er hún fyrsti meistaraflokksleikmaðurinn sem er valinn í æfingahóp landsliðsins sem leikmaður Tindastóls.

Menntun á öllum skólastigum er mikilvæg fyrir alla landsmenn. Skattgreiðendur, hvort sem þeir búa í dreifbýli eða þéttbýli, eru þeir sem fjármagna menntakerfi landsins. Um þetta getum við öll verið sammála. En hvernig förum við að því gera menntun aðgengilega fyrir alla og tryggja sem mest jafnræði?

Rafrænn Feykir er nú fáanlegur í áskrift á netinu og hægt að velja um þrjár áskriftir. Í fyrsta lagi áskrift að prentútgáfunni, sem einnig gefur aðgang að rafrænum Feyki og öllum læstum fréttum á Feyki.is, í öðru lagi aðgang að rafrænum Feyki og öllum læstum fréttum á Feyki.is og loks rafrænn aðgangur að nýjasta tbl. Feykis og læstum fréttum í viku inni á Feyki.is.

Ellefti febrúar hefur gjarnan verið notaður til að beina athyglinni að neyðarþjónustu og almannavarna bæði hér á landi og víðar í Evrópu og nefndur Einn, einn, tveir dagurinn. Oft hefur dagurinn verið meira áberandi en í dag sem hlýtur að vera vegna Covit-áhrifa og sóttvarnareglna. Björgunarsveitin Skagfirðingasveit og Lögreglan á Sauðárkróki ætla í tilefni dagsins að taka rúnt um bæinn í dag.

Þá er komið að liði númer tvö sem kynnt er til leiks í Meistaradeild KS 2021 en þar er á ferðinni hið magnaða lið Hrímnis sem endaði í öðru sæti á síðasta ári. Fremstur í flokki Hrímnis fer Þórarinn Eymundsson, reiðkennari við Háskólann á Hólum og reiðmeistari FT.

Hafin er vinna við uppbyggingu fjölbýlishúss við Freyjugötu á Sauðárkróki, hið fyrsta af mörgum ef fram fer sem horfir með uppbyggingu verktakafyrirtækisins Hrafnshóls á svokölluðum Freyjugötureit. Sveitarfélagið Skagafjörður sótti um og fékk á síðasta ári úthlutað stofnframlagi f.h. húsnæðissjálfseignarstofnunar sem komið hefur verið á laggirnar, Bæjartún hses, vegna átta íbúða við Freyjugötu á Sauðárkróki en um er að ræða íbúðir fyrir fjölskyldur og einstaklinga sem eru undir tekju- og eignamörkum. Nýjatún ehf., sem er í eigu Hrafnshóls, er stofnandi Bæjartúns og tekur yfir öll réttindi og skyldur sveitarfélagsins gagnvart Húsnæðis- og mannvirkjastofnun.

Sagt var frá því hér á Feyki.is í gær að Vestmannaeyjar, Akureyri og Eyjafjörður væru þau svæði sem best koma út í heildarstigagjöf í nýrri skoðanakönnun meðal íbúa landsins á búsetuskilyrðum, hamingju og viðhorfi til síns sveitarfélags. Vífill Karlsson, annar skýrsluhöfunda, hefur tekið saman helstu niðurstöður fyrir Norðurland vestra.