Íþróttir

Hversu gaman ætli það sé að vinna leik í Pepsi Max deildinni? Það er örugglega eitthvað sem Stólastúlkur hafa verið búnar að láta sig dreyma um lengi og í dag – í öðrum leik Tindastóls í Pepsi Max – rættist draumurinn. Það voru Blikabanarnir í liði ÍBV sem mættu á Krókinn og efalaust voru Eyjastúlkur fullar af sjálfstrausti eftir sigurinn á Íslandsmeisturum Breiðabliks í síðustu umferð. En þær komust lítt áleiðis í dag gegn heilsteyptu og einbeittu Tindastólsliði sem ætlaði sér stigin þrjú frá fyrstu mínútu. Lokatölur 2-1 fyrir Tindastól og sigurinn var sanngjarn.

Um síðustu helgi tóku fjórir keppendur badmintondeildar Tindastóls þátt í mótum á vegum Badmintonfélags Hafnafjarðar. Í færslu Freyju Rutar Emilsdóttur á Facebooks-síðu deildarinnar segir að á laugardeginum hafi Emma Katrín tekið þátt í Bikarmótinu en þau Ingi Þór, Sigmar Þorri og Júlía Marín í Snillingamótinu daginn eftir.

Tindastóll og Höttur/Huginn mættust á Sauðárkróksvelli í 3. deildinni í knattspyrnu í dag í ágætu veðri. Þetta var fyrsti leikur Tindastóls í deildinni en gestirnir höfðu áður borið sigurorð af liði Sindra. Leikurinn var ágætlega spilaður á köflum, tvívegis náðu heimamenn forystunni en það var gestirnir sem voru snarpari og sköpuðu sér betri færi og fór svo að þeir renndu austur með stigin þrjú með sér. Lokatölur 2-3.

Kvennalið Tindastóls hóf leik í úrslitakeppni 1. deildar kvenna í körfubolta í dag og var leikið í TM Hellinum gegn heimastúlkum í ÍR. Breiðhyltingar enduðu í öðru sæti deildarkeppninnar en lið Tindastóls í áttnda. Heimastúlkur voru sterkari í fyrri hálfleik og leiddu með 18 stigum í hálfleik en Stólastúlkur bitu betur frá sér í síðari hálfleik og náðu að klóra örlítið í bakkann. Lokatölur 80-66.

Talsverðar umræður sköpuðust á samfélagsmiðlum í kjölfar körfuboltaleiksins sem fram fór í Síkinu síðastliðið mánuudagskvöld. Voru margir hneykslaðir, sárir og svekktir og sumir jafnvel reiðir yfir því að leikurinn hafi farið fram þrátt fyrir að samfélagið í Skagafirði væri hálf lamað og í lás sökum Covid-19 hópsmits. Fólki fannst þetta óábyrgt og beindist ergelsið að KKÍ og jafnvel Tindastól. Samkvæmt upplýsingum Feykis var ákvörðun um að leikurinn færi fram tekin í samráði við Almannavarnir daginn fyrir leik og var allra mögulegra varúðarráðstafana gætt.

Í gær bættist Sylvía Birgisdóttir í hóp Stólastúlkna en leikmannaglugginn lokar um næstu helgi og enn er unnið að því að styrkja hópinn fyrir átökin í Pepsi Max deildinni. Sylvía kemur til Tindastóls frá Stjörnunni á láni.

Síðasta umferðin í Dominos-deildinni var spiluð í kvöld og fengu Tindastólsmenn lið Stjörnunnar í heimsókn í galtómt Síkið. Sigur hefði tryggt heimamönnum spennandi einvígi við lið Þórs Þorlákshöfn í úrslitakeppninni en úrslit kvöldsins fóru á þann veg að lið Tindastóls endaði í áttunda sæti deildarinnar og spilar því við Keflavík í átta liða úrslitum. Það þýðir auðvitað að leikurinn gegn Stjörnunni tapaðist og þrátt fyrir að leikurinn hafi verið ágæt skemmtun og spennandi þá var þetta undarlega andlaust hjá heimamönnum. Lokatölur 96-102 eftir framlengingu.

Lið Fjölnis b og Tindastóls mættust í 16. umferð 1. deildar kvenna í körfubolta í Grafarvoginum í gær. Stólastúlkur þurftu að sigra til að færa sig í huggulegra sæti fyrir úrslitakeppnina framundan en það fór svo að heimastúlkur reyndust sterkari og lið Tindastóls sem var í fjórða sæti fyrir skömmu endaði í áttunda sæti en með jöfn mörg stig og liðin þrjú fyrir ofan. Lokatölur voru 88-70.

Í gær hófst keppni í 3. deild Íslandsmótsins í knattspyrnu en lið Tindastóls átti að mæta liði KFG í Garðabænum í dag en samkvæmt vef KSÍ hefur leiknum nú verið frestað og fer ekki fram í dag vegna Covid-ástands í Skagafirði. Feykir hafði í gær samband við Hauk Skúlason, þjálfara Tindastóls, og spurði út í leikmannamál en Stólunum hefur borist liðsauki í þremur nýjum leikmönnum og tveimur sem ekki hafa spilað langalengi með liði Tindastóls.

Það vakti athygli á dögunum þegar það fréttist að íslensk hljómsveit hefði tekið sig til og ákveðið að styrkja Aftureldingu í Mosfellsbæ með því að setja nafnið sitt, Kaleo, framan á búninga klúbbsins. Einhverjir töldu að um tímamót væri að ræða. Skömmu síðar fréttist svo að Ed Sheeran hefði gert svipaðan díl við sitt heimafélag, Ipswich Town, en kannski fyrir fleiri krónur. Þetta þóttu auðvitað gömul tíðindi í Skagafirði.