Íþróttir

Styrktarmót fyrir Ívar Elí og fjölskyldu hans verður haldið á Sauðárkróki miðvikudaginn 24. ágúst og er það jafnframt lokamót Ólafshúss-mótaraðarinnar í golfi 2016.

Það var þunnskipaður hópur Tindastólsstúlkna sem spilaði á Höfn í Hornafirði í dag þegar þær sóttu lið Sindra heim. Lið Tindastóls var yfir í hálfleik en lokatölur urðu 3–3 og jafntefli því staðreynd eftir sex sigurleiki í röð. Stigið dugði þó til að tryggja stelpunum toppsætið í C-riðli 1. deildar og sætið í úrslitakeppninni því gulltryggt.

Topplið 3. deildar, Tindastóll og Víðir í Garði, mættust á Sauðárkróksvelli í gær í rjómablíðu. Leikurinn var jafn og spennandi og bæði lið ætluðu sér klárlega sigur. Þegar upp var staðið voru það heimamenn sem sigruðu 2-0 og tryggðu sér sæti í 2. deild að ári þrátt fyrir að enn sé fjórum umferðum ólokið. Glæsilegur árangur Tindastólsmanna sem hafa nú unnið þrettán leiki í röð í deildinni og geri aðrir betur!

Á sunnudaginn verður haldið opið héraðsmót í knattspyrnu á Hvammstangavelli. Mótið hefst klukkan 14 og stendur fram eftir degi. Spilað verður í tveimur flokkum, 18-29 ára og 30 ára og eldri. Ekki verða gerðar undantekningar með yngri leikmenn en heimilt er fyrir leikmenn að spila niður um flokk. Leiktími verður tvisvar sinnum tíu mínútur. Sex leikmenn eru inná í hverju liði en hámarks leikmannafjöldi í hverju liði verður sjö manns.

Kvennalið Tindastóls tók á móti liði Sindra frá Hornafirði í C-riðli 1. deildar í gærdag. Liðin voru fyrir leikinn efst og jöfn í riðlinum með 15 stig en Stólastúlkur áttu tvo leiki inni á hin liðin. Lið Sindra reyndist lítil fyrirstaða þegar á hólminn var komið og heimastúlkur unnu öruggan 6-0 sigur.

Golfklúbbur Sauðárkróks sendi tvær sveitir í Íslandsmót golfklúbba, 15 ára og yngri, dagana 12-14 ágúst. Í tilkynningu frá Golfklúbbi Sauðárkróks kemur fram að stúlknasveit frá klúbbnum keppti á Þorláksvelli í Þorlákshöfn og drengjasveit á Selsvelli á Flúðum.

Kvennalið Tindastóls tók á móti liði Völsungs í 1. deildinni í knattspyrnu í gær. Þær húsvísku hafa oft reynst Stólastúlkum erfiðar en þær mega augljóslega muna sinn fífil fegurri því Stólastúlkurnar yfirspiluðu þær og unnu glæsilegan 6-0 sigur og tilltu sér á toppinn í C-riðli 1. deildar kvenna.

Fyrsta félagsmót Skagfirðings fór fram um helgina í tengslum við Sveitasælu á Sauðárkróki og var hörkukeppni í öllum flokkum og greinum.

Tindastólsmenn léku á SS-vellinum á Hvolsvelli í gær þar sem þeir sóttu heim lið KFR. Rangæingar hafa heldur verið að rétta úr kútnum í síðustu leikjum eftir dapurt gengi framan af sumri. Þannig skelltu þeir liði Víðis í Garði 6-1 á dögunum en þeir höfðu ekki erindi sem erfiði gegn Stólunum þó gestirnir hafi þurft að hafa verulega fyrir 0-1 sigri sínum.

Um þessa helgi, 12-13. ágúst, verður haldið félagsmót Skagfirðings, samhliða landbúnaðarsýningu og bændahátíðinni Sveitasælu. Er þetta fyrsta félagsmót Skagfirðings og fer fram á Sauðárkróki.