Íþróttir

Tvær Tindastólsstúlkur verið boðaðar á úrtaksæfingar á vegum KSÍ um helgina. Þetta eru þær María Dögg Jóhannesdóttir sem hefur verið boðuð á úrtaksæfingar hjá U16 og svo Laufey Harpa Halldórsdóttir sem hefur verið boðuð á úrtaksæfingar hjá U17 í fótboltanum.

Stjórn körfuknattleiksdeildar Tindastóls hefur komist að samkomulagi við Jose Maria Costa um að hann láti af störfum sem yfirþjálfari félagsins. Er stjórnin sammála um að leiðir Costa og stjórnar liggi ekki í sömu átt og því var komist að samkomulagi um að hann léti af störfum. Pape Seck og Mamadou Samb hafa einnig verið leystir undan samningi og leika ekki meira fyrir félagið.

Helgina 4.-5. nóvember sl. tóku 25 körfuboltakrakkar frá Tindastóli þátt í minniboltamóti Fjölnis í Grafarvogi fyrir 10-11 ára, Sambíómótinu. Í þessu móti og sambærilegum fyrirtækjamótum er gleðin og samveran í fyrirrúmi stigin ekki talin og allir vinna.

Tindastóll fékk framlágt lið Snæfells í heimsókn í Síkið í kvöld og unnu stórsigur eins og vænta mátti. Stólarnir náðu strax góðri forystu og það var augljóst frá fyrstu mínútu að gestirnir voru ekki líklegir til að veita mikla mótspyrnu. Staðan í hálfleik var 49-21 og hálfgerð þolraun fyrir áhorfendur að komast í gegnum seinni hálfleikinn sem var óskeppandi með öllu. Lokatölur 100-57.

Í kvöld fer fram leikur Tindastóls og Snæfells í Dominos deild karla í körfu. Leikurinn fer fram í Síkinu á Sauðárkróki og hefst kl. 19:15. Allir eru hvattir til að mæta á staðinn og fjölmenna á bekkina en þeir sem lengra eru geta séð leikinn í beinni útsendingu á TindastóllTV. Útsending hefst kl. 18:50.

Herdís Ólína Hjörvarsdóttir rannsóknarmaður hjá Iceprotein á Sauðárkróki varð á dögunum Evrópumeistari í Qigong 2016. Qi-gong (borið fram tsí-gong) er kínversk heilsuíþrótt byggð á 5000 ára heimildum og hefðbundnum kínverskum lækningaaðferðum.

Dregið var í 16 liða úrslitum Maltbikarsins í körfubolta í gær. Níu lið úr Dominos-deildinni voru í skálinni auk fjögurra liða úr 1. deildinni og þriggja úr 2. og 3. deild. Lið Tindastóls, sem bar sigurorð af liði KR b um helgina, fékk hörkuleik en strákarnir mæta liði Þórs Akureyri.

Blakfélagið Krækjur á Sauðárkróki skráðu sig á Íslandsmótið í blaki nú í ár og spila þar í 5. deild. Um helgina var fyrsta törnering haldin í Kórnum í Kópavogi og unnu Krækjurnar alla sína fimm leiki 2-0 og eru þar með efstar í deildinni.

Tindastólsmenn gerðu aldrei þessu vant góða ferð í DHL-höllina um helgina. Andstæðingurinn var því miður B-lið KR en leikurinn var liður í Maltbikarnum. Sigurinn var öruggur en sérstaklega léku Stólarnir góða vörn í síðari hálfleik. Lokatölur 63-101.

Það er alltaf gaman að geta sagt frá góðum árangri fyrrum knattspyrnumanna Tindastóls. Nú um helgina varð hinn írskættaði Steven Beattie bikarmeistari með liði sínu Cork í dramatískum sigri á FH-bönunum í Dundalk.