Íþróttir

Króksbrautarhlaupið fór fram í blíðskaparveðri sl. laugardag en þá hlupu, gengu eða hjóluðu um 70 manns um 1500 kílómetra samanlagt. Skokkhópur Árna Stef., sem heldur utan um viðburðinn, vill koma á framfæri þökkum til fyrirtækja og einstaklingum fyrir þeirra framlag. Sérstakar þakkir fá Suðurleiðir fyrir akstur á hlaupadegi.

Lokahóf knattspyrnudeildar Tindastóls var haldið sl. laugardag og óhætt að segja að góðri uppskeru var fagnað. Bæði lið meistaraflokka, kvenna og karla, áttu góðu gengi að fagna. Srákarnir urðu deildarmeistarar 3. deildar með fádæma yfirburðum og stelpurnar unnu sinn riðil í 1. deild einnig með miklum yfirburðum.

Ástríður Helga Magnúsdóttir á Skagaströnd fékk á föstudag afhentan glæsilegan iPhone 6S Plus síma fr á Apple fyrir bestu myndina í myndakeppni UMFÍ sem fram fór á Unglingalandsmótinu í Borgarnesi um verslunarmannahelgina. Ástríður tók myndina á síðasta degi mótsins og sýnir hún tvær vinkonur horfa saman á flugeldasýninguna að lokinni síðustu kvöldvökunni á Unglingalandsmótinu.

Síðasta umferðin í 3. deildinni í knattspyrnu fór fram í dag og að sjálfsögðu kláruðu Tindastólsmenn mótið með stæl. Leikið var gegn liði Kára í Akraneshöllinni á Akranesi og sterkur 1-2 sigur þýddi að Stólarnir hafa unnið 17 leiki í röð í deildinni – engin jafntefli – og aðeins fyrsti leikur sumarsins sem tapaðist. Glæsilegur árangur!

Fyrsti leikur Tindastóls hér á Tenerife var móti Santa Cruz sem Jou Costa spilaði með á sínum yngri árum og þjálfaði svo síðar meir, [leikinn sl. miðvikudag]. Þetta lið var uppbyggt svipað og lið Tindastóls þ.e eldri hetjur sem kunna leikinn uppá 10 í bland við unga og upprennandi leikmenn með ferska fætur. Leikur Tindastóls var kaflaskiptur, vantaði áræðni í vörnina og lítið flæði í sóknarleik liðsins sem varð til þess að það hægðist heldur á leiknum sem var gegn uppleggi þjálfarans.

Aðfaranótt þriðjudagsins 13. september lögðu þrettán leikmenn og tveir þjálfarar (Aron M. Björnsson og José María Costa) körfuknattleiksdeildar Tindastóls af stað til að taka þátt í 30. Torneo de Baloncesto, gríðarsterku og sögufrægu körfuboltamóti í Höfuðborg Tenerife. Til að ferja liðið með sem bestu þægindum í flugið til Keflavíkur valdist laglegur hvítur Benz kálfur af ´91 árgerð keyrður rétt sunnan við 2 milljón kílómetra. Til að stýra herlegheitunum og tryggja verðmætan farminn var leikreyndasti leikmaður liðsins með rétt um 200 leiki, Svavar Atli Birgisson fenginn til að keyra stystu leið upp að flugvél.

Hið árlega Króksbrautarhlaup verður háð næstkomandi laugardag 17. september en þá er sprett úr spori á þjóðveginum milli Varmahlíðar og Sauðárkróks og endað við sundlaug Sauðárkróks. Rúta fer frá sundlauginni klukkan 10:30 og keyrir að Glaumbæ og geta hlauparar valið sér vegalengd og farið út hvar sem er á þeirri leið.

Sparkspekingarnir í liði Tindastóls eru ekki af baki dottnir enn þó farið sé að hausta. Í gær héldu drengirnir út í Vestmannaeyjar og léku við botnlið KFS í 3. deildinni á Týsvellinum. Eyjamenn reyndust rausnarlegir gestgjafar og hleyptu sex boltum í mark sitt og þar með ljóst að sextándi sigurleikur Stólanna í röð var gulltryggð staðreynd.

Körfuknattleikslið Tindastóls er komið á fulla ferð í undirbúningi sínum fyrir komandi Dominos-deildar átök. Nú um helgina lék liðið tvo æfingaleiki í Síkinu; fyrst töpuðu strákarnir naumlega gegn sprækum Akureyringum en unnu síðan lið Hattar frá Egilsstöðum í gærdag. Það er óhætt að fullyrða að talsverður haustbragur hafi verið á leik liðanna og sannarlega enginn sambabolti í Síkinu þrátt fyrir að sjálfur Samb léki með Stólunum.

Nú er körfuboltavertíðin að hefjast hjá yngri flokkum Tindastóls og æfingataflan klár. Byrjað verður mánudaginn 12. sept, nema hjá 1. og 2. bekk en þær hefjast 22. september.