Skagafjörður

Cruise Iceland hefur undanfarna daga ferðast um landið með sérstökum ráðgjafahópi sem samanstendur af fulltrúum frá sjö stórum skemmtiferðaskipafélögum. Skagafjarðarhafnir tóku á móti hópnum og kynntu fyrir gestunum það fjölbreytta framboð sem samfélagið í Skagafirði hefur upp á að bjóða.

Íslenskur sjávarútvegur er einn þeirra grunnþátta sem haldið hafa lífi í íslendingum frá landnámi til dagsins í dag ásamt því að auka hag og velsæld þjóðarinnar. Þar að baki er mikill fjöldi fólks sem lagt hefur á sig mikla og óeigingjarna vinnu við hættulegar aðstæður, en það vill stundum gleymast í þjóðfélagsumræðunni og pólitíkinni.

Tindastólsmenn skelltu sér suður í gær og mættu galvaskir á KR-völlinn í Vesturbæ Reykjavíkur. Þar beið þeirra lið KV eða Knattspyrnufélag Vesturbæjar. Stólarnir voru á toppi 3. deildar fyrir leik en heimamenn höfðu unnið þrjá en tapað tveimur og hafa eflaust ætlað að bæta einum sigurleik í sarpinn. Þeim varð ekki kápan úr því klæðinu því gestirnir voru sprækir og höfðu sigur 1-4 eftir að hafa nýtt uppbótartímann vel.

Nú nýverið kynnt Þorbjörg S. Gunnlaugsdóttir domsmálaráðherra fyrirhugaða breytingu á skipulagi lögreglu sem lúta m.a.að því að fækka lögregluembættum úr níu í fjögur eða fimm. Breytingarnar munu eiga að miða að því að styrkja lögreglu á landsvísu. Á fundi stjórnar SSNV þann 3. júní sl. lýsti stjórn samtakanna áhyggjum af þeim áhrifum sem mögulegar breytingar á skipulagi lögregluembætta kunna að hafa á þjónustu, störf og stjórnsýslu í landshlutanum.

Föruneyti Fornverkaskólans hélt fyrir skemmstu til Kýpur til að taka á móti Evrópsku menningarminjaverðlaununum / Europa Nostra-verðlaununum, virtustu menningararfsverðlaunum Evrópu. Verðlaunin voru afhent við hátíðlega athöfn þann 28. maí sl. í bæjarleikhúsi Nikósíu á Kýpur. Fornverkaskólinn var í hópi 30 sigurvegara sem hlutu viðurkenningu fyrir framúrskarandi menningararfsverkefni í Evrópu. Samkvæmt Europa Nostra sóttu um 500 sérfræðingar, sjálfboðaliðar, áhugafólk og stuðningsaðilar verðlaunaafhendinguna.

Donni þjálfari U19 landsliðs Íslands í kvennaboltanum leiddi sínar stúlkur til sigurs gegn liði Noregs í vináttulandsleik í dag en leikurinn endaði 2-3. Skagstrendingarnir Birgitta Rún og Elísa Bríet voru báðar í byrjunarliðinu og gerðu sér lítið fyrir og skoruðu báðar sín fyrstu mörk fyrir U19 landsliðið á fjögurra mínútna kafla um miðjan fyrri hálfleik.

Sagt er frá því á vef Landsbankans að Króksarinn Helgi F. Margeirsson hefur tekið við sem útibússtjóri Landsbankans á Sauðárkróki. Hann hefur starfað í útibúinu frá árinu 2009, lengst af sem viðskiptastjóri fyrirtækja. Helgi er öllum að góðu kunnur og má sennilega fullyrða að þekktastur sé hann fyrir að setja niður þrista með liði Tindastóls.

Taplausa lið Tindastóls mætir á KR-Völlinn í dag, laugardaginn 6. júní, kl. 16:00, í sjöttu umferð 3. deildar karla. Eftir fyrstu fimm umferðirnar eru Stólarnir efstir með fjóra sigra og eitt jafntefli.

Pálína Ósk Ómarsdóttir keypti Aðalgötu 10a af Stefáni Pedersen ljósmyndara árið 2021 og ásamt vinkonu sinni Stefaníu Ósk Pálsdóttur sem að keypti sig inn í verkefnið með Pálínu en þær hafa þekkst lengi. Þær gerðu upp húsið og opnuðu snyrti- og fótgerðastofuna Eden. Núna rekur hún fyrirtækið La Belle Beauty sem að var að opna verslun í sama húsi.

Aðfaranótt þriðuudags stóð lögregla að umfangsmiklu verkefni við að fylgja gríðarstórum húsum um þjóðveg 1 frá Víðidal í V- Húnavatnssýslu og austur að Engimýri í Öxnadal. Verkefnið hófst eitt að nóttu og lauk um sex tímum síðar eða kl. 7 að morgni. Samkvæmt upplýsingum Feykis voru húsin, sem voru tvö talsins, um níu metrar að breidd og því vandaverk að koma þeim alla leið á leiðarenda.