Skagafjörður

Landmótið á Hólum er í fullum gangi og hefur gengið vel. Landsmótshaldarar hvert sinn hafa ákveðið svigrúm til að bjóða upp á nýjar greinar sem sýningargreinar. Á tveimur síðustu mótum hefur verið boðið upp á greinar sem tilheyra íþróttakeppnishluta keppnisflórunnar. Hestamannafélagið Skagfirðingur sem er mótshaldari á Hólum ákvað að breyta til og bjóða uppá B-flokk áhugamanna og A-flokkungmenna.

 „Nafnið er Högni Elfar Gylfason samkvæmt bestu heimildum úr kirkjubók-um,“ segir viðfangsefni Rabbsins að þessu sinni, aðspurður um nafn og síðan árgang og fjölskylduhagi. „Árið er 1968 þegar blómabörnin voru upp á sitt besta. Ég er kvæntur Moniku Björk Hjálmarsdóttur frá Korná í Lýdó. Hjá okkur býr tengdamóðir mín, Birna Hjördís Jóhannesdóttir, betur þekkt sem Lilla á Korná. Hún er ein sjö dætra Moniku frá Merkigili í Austurdal. Við búum á Korná í Lýtingsstaðahreppi hinum forna. Þar búum við með fáein hundruð skjáta, nokkra hesta og hund.“

„Landsmót hestamanna 2026 er formlega hafið á Hólum í Hjaltadal og fyrstu keppendur hafa þegar riðið inn á keppnisvöllinn,“ segir í frétt á heimasíðu Landsmóts. Keppni í barnaflokki hófst klukkan hálf níu í morgun á aðalvellinum þar sem efnilegir knapar sýndu glæsilega takta. „Sólin skín og bjart yfir mótssvæðinu. Létt er yfir keppendum og áhorfendum sem njóta þess að Landsmót sé loksins hafið í fallegu umhverfi Hóla,“ segir á síðunni.

Það var toppslagur í 3. deildinni í gær þegar Tindastólsmenn sóttu Víðismenn heim á Nesfisk-völlinn í Garðinum. Liðin voru jöfn að stigum fyrir leik en Stólarnir með toppsætið á markamun. Það var allt í járnum fram í miðjan síðar hálfleik þegar heimamenn náðu forystunni, skömmu síðar misstu Stólarnir mann af velli með rautt og heimamenn gengu á lagið. Lokatölur 3-0.

Matgæðingar vikunnar í tbl. 8 voru Steinunn Valdís Jónsdóttir og Sigurður Ingi Ragnarsson og eiga þau fjögur börn; Brynjar Loga, Kristinn Frey, Ingu Sólveigu, Veigar Þór og tengdabörnin eru tvö, Almar Atli og Kristín Lilja. Steinunn og Sigurður búa á Sauðárkróki og Steinunn vinnur í sundlauginni á Króknum og Siggi vinnur sem raflagnahönnuður á Tengli og kennir líka við Fjölbrautaskóla Norðurlands vestra.

Landsmót hestamanna hófst snemma í morgun og mikið líf verður á Hólum í Hjaltadal í vikunni. Feykir tók stöðuna á nokkrum ungum keppendum sem ætla að láta ljós sitt skína á mótinu. Í þetta sinn heyrði Feykir í Kristni Erni Guðmundssyni. Hann hefur verið að keppa í hestamennsku síðan hann man eftir sér en hann keppir í bæði A flokki ungmenna og B flokki ungmenna.

Lára Halla Sigurðardóttir flutti ásamt fjölskyldunni sinni á Sauðárkrók sumarið 2022. Áður höfðu þau búið í Reykjavík og er Lára Halla alin upp í Hafnarfirði. Hún er nýútskrifaður kennari og er umsjónarkennari 5. bekkjar í Árskóla, er gift Tjörva Björnssyni, byggingarverkfræðingi hjá Eflu verkfræðistofu en hann ólst upp á Hólum í Hjaltadal og eiga þau þrjú börn. Lára Halla hleypur eins oft og hún getur, hjólar næstum alltaf í vinnuna og núna þegar hún hefur loksins lokið við meistaraprófið hefur hún góðan tíma til að sinna prjónunum.

Súsanna Guðlaug Halldórsdóttir er fyrsti Flippaði Nemandi Vikunnar. Þið eruð kannski að velta fyrir ykkur hvað Flippaðasti nemandi vikunnar er en það er nýr þáttur í Feyki þar sem við kynnumst nemendum Fjölbrautaskóla Norðurlands vestra. Við fáum ekki bara að kynnast þeim í tengslum við skólann heldur líka á flippaðan hátt. Á Ríp 3 í Hegranesinu býr Súsanna Guðlaug en hún er dóttir þeirra Halldórs Brynjars og Hildar Þóru. Halldór er framkvæmdarstjóri í Farskólanum og Hildur er mannauðsfulltrúi hjá HSN, auk þess sem hún stofnaði fyrirtækið Pure Natura og hún rekur Tjöldum í Skagafirði. Súsanna er yngst sinni systkina en hún á tvo eldri bræður, þeir heita Magnús og Brynjar. Súsanna er algjör stuðbolti sem kemur alltaf með jákvæða og skemmtilega orku og því var tilvalið að fá hana til þess að vera fyrsti flippaði nemandinn!

Matgæðingar vikunnar í tbl. 7 voru Erna Reynisdóttir og Sindri Sigfússon á sveitabænum Breið í Lýtingsstaðahreppi hinum forna. Erna og Sindri eiga fjögur börn Óla, Jórunni, Arneyju, Sif og tengdabörnin Helgu, Baldur, Þórð og Daníel. Barnabörn Ernu og Sindra eru níu talsins sem eru öll við hestaheilsu og hvað getur maður beðið um meira, segir Erna brosandi og bætir því við að það séu forréttindi að búa í sveit.

Það styttist óðum í að þessi magnaða hestaveisla hefjist en Landsmót hestamanna er nú haldið aftur í Hjaltadalnum. Stemningin er að magnast á Hólum og bæði knapar og hestar eru meira en tilbúnir í slaginn. Feykir tók stöðuna á nokkrum ungum keppendum sem ætla að láta ljós sitt skína á mótinu. Fyrst heyrði Feykir í Hjördísi Höllu Þórarinsdóttur sem keppir fyrir Hestamannafélagið Skagfirðing.