Skagafjörður

„Ellefta júní 2025 var ég rétt sestur upp í strætó í Mjódd á leið norður. Þá fékk ég skilaboð í símann. Þessi skilaboð urðu til þess að ég skrifaði stutta pistla sem birtust í héraðsfréttablaðinu Feykir og síðan á feisbúkk,“ skrifar Eyþór Árnason skáld frá Uppsölum í Blönduhlíð nýverið á Facebook-síðu sína. Nú er hann búinn að gefa út lítið, fallegt kver sem hann kallar Leið fimmtíu og sjö þar sem Feykispistlunum er safnað saman.

Riðufundur sem sauðfjárbóndinn Karólína Elísabetardóttir hélt í Húnaveri fyrir hönd alþjóðlegs rannsóknarhóps 30. júní var afar vel sóttur, bæði af gestum á staðnum og í streymi. Í umfjöllun á vef SSNV segir að á fundinum kynntu fremstu vísindamenn Evrópu á sviði riðurannsókna nýjustu niðurstöður rannsókna á riðu á Íslandi sem hafa verið yfirstandandi síðan 2021 og ræddu hvaða þýðingu þær geta haft fyrir framtíð íslenskrar sauðfjárræktar.

Á Landsmótum og Íslandsmótum í hestaíþróttum fara keppnishestar í gegnum heilbrigðisskoðuð sem kölluð er „Klár í keppni”. Þar er farið yfir heilbrigði hestsins. Munnurinn er skoðaður og vel er farið yfir fætur.

Meistaramót Golfklúbbs Skagafjarðar fór fram í miklu leiðindaveðri á Hlíðarendavelli dagana 1. - 4. júlí. Alls skráðu 69 keppendur sig til leiks og voru leiknar 18 holur á dag. Að móti loknu stóðu þau Hlynur Freyr Einarsson og Dagbjört Sísí Einarsdóttir uppi sem nýir klúbbmeistarar GSS, og er þetta er í fyrsta sinn sem þau vinna titilinn. Feykir heyrði í nýkrýndum meisturum.

Tvær af ástsælustu söngröddum þjóðarinnar leiða nú saman krafta sína á tónleikaþrennu sem kallast Við syngjum tvö en þar er um að ræða hin síungu Óskar Pétursson og Diddú. Þau hafa hvort um sig átt einstakan feril og glatt landsmenn um áratugaskeið með söng sínum, hlýju og einstakri sviðsframkomu. Tónleikarnir verða í Miðgarði í Skagafirði, Hofi á Akureyri og í Hörpu Reykvíkinga mánaðamótin september og október.

Landmótið á Hólum er í fullum gangi og hefur gengið vel. Landsmótshaldarar hvert sinn hafa ákveðið svigrúm til að bjóða upp á nýjar greinar sem sýningargreinar. Á tveimur síðustu mótum hefur verið boðið upp á greinar sem tilheyra íþróttakeppnishluta keppnisflórunnar. Hestamannafélagið Skagfirðingur sem er mótshaldari á Hólum ákvað að breyta til og bjóða uppá B-flokk áhugamanna og A-flokkungmenna.

 „Nafnið er Högni Elfar Gylfason samkvæmt bestu heimildum úr kirkjubók-um,“ segir viðfangsefni Rabbsins að þessu sinni, aðspurður um nafn og síðan árgang og fjölskylduhagi. „Árið er 1968 þegar blómabörnin voru upp á sitt besta. Ég er kvæntur Moniku Björk Hjálmarsdóttur frá Korná í Lýdó. Hjá okkur býr tengdamóðir mín, Birna Hjördís Jóhannesdóttir, betur þekkt sem Lilla á Korná. Hún er ein sjö dætra Moniku frá Merkigili í Austurdal. Við búum á Korná í Lýtingsstaðahreppi hinum forna. Þar búum við með fáein hundruð skjáta, nokkra hesta og hund.“

„Landsmót hestamanna 2026 er formlega hafið á Hólum í Hjaltadal og fyrstu keppendur hafa þegar riðið inn á keppnisvöllinn,“ segir í frétt á heimasíðu Landsmóts. Keppni í barnaflokki hófst klukkan hálf níu í morgun á aðalvellinum þar sem efnilegir knapar sýndu glæsilega takta. „Sólin skín og bjart yfir mótssvæðinu. Létt er yfir keppendum og áhorfendum sem njóta þess að Landsmót sé loksins hafið í fallegu umhverfi Hóla,“ segir á síðunni.

Það var toppslagur í 3. deildinni í gær þegar Tindastólsmenn sóttu Víðismenn heim á Nesfisk-völlinn í Garðinum. Liðin voru jöfn að stigum fyrir leik en Stólarnir með toppsætið á markamun. Það var allt í járnum fram í miðjan síðar hálfleik þegar heimamenn náðu forystunni, skömmu síðar misstu Stólarnir mann af velli með rautt og heimamenn gengu á lagið. Lokatölur 3-0.

Matgæðingar vikunnar í tbl. 8 voru Steinunn Valdís Jónsdóttir og Sigurður Ingi Ragnarsson og eiga þau fjögur börn; Brynjar Loga, Kristinn Frey, Ingu Sólveigu, Veigar Þór og tengdabörnin eru tvö, Almar Atli og Kristín Lilja. Steinunn og Sigurður búa á Sauðárkróki og Steinunn vinnur í sundlauginni á Króknum og Siggi vinnur sem raflagnahönnuður á Tengli og kennir líka við Fjölbrautaskóla Norðurlands vestra.