Skagafjörður

Kæmi til þess að Ísland gengi í Evrópusambandið tækju möguleikar okkar Íslendinga á að hafa áhrif á ákvarðanatöku innan þess einkum mið af íbúafjölda landsins. Þannig virkar einfaldlega kerfið innan sambandsins og hefur gert í vaxandi mæli til þessa. Þannig myndum við hafa sex þingmenn á þingi Evrópusambandsins af yfir 700 sem væri á við hálfan þingmann á Alþingi. Staðan yrði enn verri í ráðherraráðinu, valdamestu stofnun þess. Þar yrði vægi Íslands allajafna einungis á við 5% hlutdeild í alþingismanni.

Það hefur verið einmunatíð upp á síðkastið og aldrei þessu vant hafa allir landsmenn geta glaðst saman því góðviðrið hefur ekki skilið neinn útundan í þetta skiptið. Hlýjast var fyrir austan en þar var slegið hitamet í maí, ábyrgur mælir sýndi 26,8 gráðu hita nú fyrir helgi og sennilega hafa aðrir mælar sýnt miklu meiri hita.

Hljómsveitin Herramenn hélt aftur til fortíðar nú um helgina og bauð þeim sem vildu spóla til baka til eitís eina kvöldstund að koma með sér og fagna 37 árum í bransanum. Þeir Stjáni Gísla, Svabbi, Árni Þór, Birkir og Kalli Jóns höfðu víst engu gleymt og ekki að heyra annað en að þeir væru enn að spila hverja helgi. Í það minnsta segja upplýsingar Feykis að drengirnir hafi verið þéttir og engin feilnóta slegin.

Brautskráningarnemar til BS-prófs í reiðmennsku og reiðkennslu við Háskólann á Hólum munu ljúka námi sínu við skólann með glæsilegri reiðsýningu á aðalreiðvelli skólans laugardaginn 24. maí næstkomandi „Í augum flestra sem til þekkja markar reiðsýningin lokapunktinn í námi við hestafræðideild og stundin, þegar væntanlegir reiðkennarar klæðast bláa jakkanum í lok sýningar, er fyrir mörgum jafngildi brautskráningar,“ segir í frétt á vef Hóla.

Frá og með deginum í dag 19. maí verður sundlaugin í Varmahlíð lokuð vegna viðhaldsvinnu.

Fjórði leikur Tindastóls og Stjörnunnar í úrslitaeinvígiu um Íslandsmeistaratitilinn í körfubolta fór fram í kvöld í Garðabænum. Stólarnir fengu fljúgandi start en aðalmálið er víst að enda vel og það voru heimamenn í Stjörnunni sem voru sterkari á lokakaflanum og tryggðu sér þannig einn leik til. Það er því ljóst að Íslandsmeistarabikarinn fer á loft í Síkinu en aðeins spurning hvort liðið fær að taka við honum. Lokatölur í leiknum voru 91-86.

Það var mikill markaleikur þegar Stólarnir heimsóttu Hvíta riddarann í Malbikunarstöðina að Varmá í gær í þriðju umferð 3. deildar. Það var þó verra að það voru heimamenn sem gerðu fleiri mörk en lið Tindastóls og 5-3 sigurinn var Mosfellinga. Fyrir leikinn voru þetta tvö efstu lið deildarinnar en Hvíti riddarinn trónir nú á toppnum en Stólarnir duttu niður í þriðja sætið.

Stólastúlkur hafa heldur betur átt fína viku í fótboltanum. Eftir mergjaðan sigur í framlengdum bikarleik gegn Stjörnunni í Garðabæ í byrjun vikunnar þá fóru þær á annan erfiðan útivöll í dag, Víkingsvöllinn, þar sem lið Víkings beið þeirra. Heimastúlkum var spáð góðu gengi í sumar en voru líkt og Stólastúlkur með aðeins þrjú stig eftir fimm umferðir. Það var því nokkuð undir í dag og það voru gestirnir að norðan sem nýttu færin og unnu 1-4.

Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Í fréttatilkynningu frá HSN segir að þrátt fyrir áskoranir í rekstri hafi þó orðið mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn.

Þegar fara á yfir sögu Lionsklúbb Sauðárkróks s.l. 60 árin er af mörgu að taka og erfitt að velja og hafna. Á þessu tímamótum er fjöldi starfsfunda að nálgast 1000 og margt hefur drifið á daga klúbbsins á þessum tíma. Hér verður aðeins stiklað á stóru í þessu ágripi bæði í máli og myndum. Samkvæmt heimildum hafa 142 menn gengið í klúbbinn frá stofnun hans. Einn stofnfélagi hefur verið alla tíð í klúbbnum, hann Ingvar Gýgjar Jónsson, og það hlýtur að teljast einstakt. Í dag er 37 félagar skráðir í Lionsklúbb Sauðárkróks. Þegar best lét voru 53 félagar skráðir í klúbbnum, í maí 1994. En vindum okkur í upphafsár klúbbsins.