Skagafjörður

Þorgeir Sveinsson og Anna Icban sem voru matgæðingar í tbl. 32, 2025, skoruðu á Atla Gunnar og Kristvinu í Álftagerði I að taka við keflinu sem og þau að sjálfsögðu gerðu og birtist í tbl. 34. Það er ekki á allra vitorði, en Atli heldur úti matar- og lífstílsblogginu "Verkfræðingurinn í eldhúsinu", og liggur því beinast við að birta tvær uppskriftir sem hann heldur mikið upp á.

Miðvikudaginn 25. febrúar nk. munu iðkendur Körfuknattleiksdeildar Tindastóls ganga í hús á Króknum milli kl. 17-19 og safna dósum og flöskum. Ef þið eruð vant við látin, en viljið gefa nokkrar dósir og/eða flöskur, þá er ykkur velkomið að setja poka fyrir utan hurðina hjá ykkur merkta Tindastól og við kippum þeim með okkur.

Eflaust hafa einhverjir rekið augun í hinn syngjandi Suður-Kóreu kappa, Noah, á samfélagsmiðlum og víðar síðustu daga. Sjá mátti hann í gærmorgun á ferð með Halldóri Gunnari í Fljótum þar sem þeir sungu saman Ég er kominn heim (Ferðalok) og svo var hann mættur á Hard Wok á Króknum þar sem hann og Árni vert sungu saman sama lag og Árni bauð honum í mat. Það verður ekki annað sagt en að svona karakterar lífgi upp á tilveruna. En hver er maðurinn?

Það bíða eflaust margir spenntir eftir að framkvæmdir hefjist við Fljótagöng en Eyjólfur Ármannsson innviðaráðherra hefur látið hafa eftir sér að þetta verkefni sé í forgangi og stefnt sé að því að hefja framkvæmdir ekki síðar en í byrjun næsta árs. Í ítarlegri fréttaskýringu í Austurfréttum er fjallað um málið en þar segir að Vegagerðin hafi sent ráðuneytinu „...minnisblað í febrúar á síðasta ári [þar sem] var gert ráð fyrir að framkvæmdir við Fljótagöng gætu hafist vorið 2028. Með breyttri forgangsröðun hefur aukinn kraftur verið settur í undirbúningsvinnu og Vegagerðin uppfært sína tímaáætlun.“

Þjálfari meistaraflokks kvenna hjá liði Tindastóls, Svanberg Óskarsson, hefur sagt upp störfum. „Við óskum honum velfarnaðar í þeim verkefnum sem hann tekur að sér í framtíðinni og þökkum honum fyrir hans störf,“ segir í yfirlýsingu frá stjórn knattspyrnudeildar Tindastóls.

„Afar óvenjulegur vægast sagt,“ var svarið sem Kristvina Gísladóttir gaf Feyki þegar spurð hvernig öskudagur hafi verið í Varmahlíðarskóla. „Ekki neinir nemendur og starfsmenn að gera sitt besta við mjög svo slæmar aðstæður. Svo það var lítið um hátíðahöld í dag,“ sagði aðstoðarskólastjórinn. Ástæðan var sú að heitavatnslögn gaf sig í skólanum og allt var á floti þegar starfsfólk mætti í skólann snemma á þriðjudagsmorgni.

Dagur leikskólans var 6. febrúar en í tilefni af honum var sett upp fjölbreytt og lifandi dagskrá hjá börnunum í leikskólum í Skagafirði. Á heimasíðu sveitarfélagsins segir að í leikskólanum Ársölum var áhersla lögð á upplifun, könnun og sköpunargleði. Börnin fengu að ferðast á milli þriggja spennandi stöðva sem vöktu mikla lukku.

 Það er öskudagur í dag og út um allar koppagrundir má sjá mislangar halarófur af börnum röltandi með poka. Gömlu góðu öskupokarnir sjást reyndar sjaldnast lengur en nú eru það plast- eða bakpokar sem duga vel undir nammi eða aðrar þær gjafir sem börnin fá í skiptum fyrir sönginn.

Síðasta umferðin í venjulegri riðlakeppni Bónus deildar kvenna fer fram nú í vikunni. Lið Tindastóls hélt suður í gær og spilaði við annað botnliða deildarinnar, Ármann. Niðurstaðan var öruggur sigur Stólastúlkna sem áttu að vísu herfilegan annan leikhluta sem varð til þess að lið Ármanns var sjö stigum yfir í hálfleik. Í síðari hálfleik gekk flest upp hjá okkar stúlkum og lokatölur 59-78.

Í gærkvöldi aðstoðuð björgunarsveitamenn fólk sem hafði setið fast uppi í Mælifellsdal í Skagafirði í nokkra klukkutíma. Þurfti fólkið að ganga tæpa 10 km í allt að 18 stiga frosti til að komast í símasamband og fá aðstoð. „Gekk björgunin vel og héldu ferðalangarnir áfram með bros á vör en frekar kaldir,“ segir í tilkynningu á Facebook-síðu Flugbjörgunarsveitarinnar í Vamahlíð en félagar þaðan voru fyrstir á vettvang.