Skagafjörður

Þegar þessi Feykir mælir með þáttur birtist þá var sumar (var í tbl. 20 sem kom út í lok maí) og stutt í Þjóðhátíðardaginn en nú er komið haust og við ætlum að kalla þetta hausttertur í staðinn. Það er jafn mikið tilefni að hræra í eina tertu nú eins og þá. Þegar ég fór á stúfana í maí þá fann ég þessa girnilegu marengstertu á gotterí og gersemar þar sem nýja Bíó kroppið frá Nóa Siríus var notað í uppskriftina. Seinni tertan er frá Alberteldar.is og er rommkúluterta sem Álfhildur Jónsdóttir frá Ísafirði á heiðurinn af. Nú er bara að setja á sig svuntuna og skella í tertu. - Njótið

Það voru ekki bara Tindastólsmenn sem spiluðu í dag í fótboltanum því hin meistaraflokksliðin á Norðurlandi vestra spiluðu sína síðustu leiki í Íslandsmótum sumarsins. Á Blönduósi lutu heimamenn í gras gegn Grafarvogspiltum og í Hafnarfirði var það Sara Dögg Gunnarsdóttir sem stjórnaði aðgerðum þegar lið Hauka vann nokkuð öruggan 14-0 sigur gegn Stólastúlkum.

Það var mikið undir á Sauðárkróksvelli í dag þegar lið Tindastóls tók á móti deildarmeisturum Víðis í lokaumferðinni. Stólarnir urðu að vinn leikinn til að eiga séns á að komast upp í 2. deild en þurftu að treysta á að grannarnir í KF næðu að halda aftur af liði KH. Leikurinn var hinn fjörugasti og liðin skoruðu samtals átta mörk og lokatölur 4-4. Lið KH náði hins vegar í sigur á Ólafsfirði og því hefði sigur Stóla ekki komið að gagni. Það blasir því við enn eitt ár í 3. deildinni.

Það gengur norðaustan strengur yfir landið og honum fylgdi nokkur kuldi og úrkoma og það þýddi að víða til fjalla snjóaði. Aðstæður á fjallvegum hér norðanlands voru því ekki upp á það besta og víða var hálka eða hálkublettir á fjallvegum. Þannig mátti sjá á umferd.is að það voru hálkublettir á Þverárfjallsvegi fram yfir hádegi í dag en nú eru allir vegir greiðfærir.

Lionsklúbbur Skagafjarðar var stofnaður 20. apríl 1987. Því er næsta ár 2027 afmælisár, 40 ára. Núna eru starfandi 24. félagar í klúbbnum. Eins og lionsklúbba er siður lætur Lionsklúbbur Skagafjarðar ýmislegt gott af sér leiða. Eitt er það sem hefur vakið verðskuldaða athygli en það er hið mikla landgræðslustarf sem að klúbbmeðlimir hafa staðið í í mörg ár. Feykir hafði samband við einn af félögunum og ekki þann sísta en það Bjarni Maronsson í Varmahlíð. Bjarni tók því ljúflega að svara nokkrum spurningum:

Matgæðingur vikunnar í tbl. 19 var Ævar Marteinsson á Mánagötunni á Hvammstanga en hann býr með Herdísi Harðardóttur og eiga þau saman þrjú börn. Ævar sér að mestu leyti um eldamennsku á sínu heimili og finnst rosalega gaman að grilla, hvort sem það er á gaseða kolagrilli og þá sérstaklega þegar veðrið er gott.

Sveitarfélagið Skagafjörður blæs til atvinnulífssýningar helgina 19. – 20. sept. Síðast var haldin sambærileg sýning árið 2023 og þá komu á milli 4.000 og 5.000 gestir. Núna er greinilega kominn tími á nýja sýningu því allt sýningarpláss er upppantað. Það verður fjölbreytt flóra fyrirtækja af svæðinu með kynningar á sinni starfssemi, stór og smá.

Fyrsti æfingaleikurinn í körfunni var spilaður í Síkinu í gærkvöldi og var vel mætt að venju. Andstæðingarnir voru lið Hattar frá Egilsstöðum sem vann sér sæti í Bónus deildinni í vor og úr varð hinn fjörugasti leikur. Það fór svo að Stólarnir höfðu betur, unnu leikinn 118-104, en leikurinn var óvenju langur því spilaðar voru 4x12 mínútur svo þjálfararnir gætu gefið leikmönnum góðar mínútur.

Síðastliðinn miðvikudag, 9. september, var haldinn á Sauðárkróki aðalfundur Drangeyjar - smábátafélags Skagafjarðar. Var hann mjög vel sóttur og á hann mættu einnig nýr formaður Landssambands smábátaeiganda Kjartan Páll Sveinsson og nýr framkvæmdastjóri Bryndis Ósk Jökla Björnsdóttir. Meðfylgjandi eru ályktanir fundarins:

Ungmennum á aldrinum 16–25 ára býðst nú tækifæri til að taka þátt í alþjóðlega Erasmus+ verkefninu The Nordic Youth Project, sem unnið er í samstarfi Húnaklúbbsins á Hvammstanga, aðila í Skotlandi og Finnlandi. Markmið verkefnisins er að virkja ungt fólk í byggða- og samfélagsþróun og skapa vettvang fyrir fræðslu, nýsköpun og frumkvöðlastarf. Þátttakendur frá löndunum þremur munu vinna saman, skiptast á reynslu og ræða meðal annars virka samfélagsþátttöku og hvernig ungt fólk getur haft áhrif á ákvarðanatöku í sínum samfélögum.