Skagafjörður

Þau ánægulegu tíðindi berast að söngnám sé aftur komið á dagskrá í Tónlistarskóla Skagafjarðar. Fyrir nokkrum árum var söngdeildin lögð niður í einhverjum sparnaðaraðgerðum sem gengur náttúrlega ekki upp í sönghéraðinu Skagafirði. Feykir heyrði í Kristínu Höllu Bergsdóttur sem er nýtekin við sem skólastjóri.

Atvinnulífssýning Skagafjarðar hófst í morgun en hún fer fram dagana 19.–20. september í Íþróttahúsinu á Sauðárkróki. Opið er á laugardaginn og sunnudaginn kl. 10:00–17:00. Á dagskránni eru áhugaverðar kynningar, erindi, pallborðsumræður og tónlistaratriði alla helgina.

Það er eins og árin líði hraðar eftir því sem maður verður eldri. Samt eru þetta nú alltaf annað hvort 365 eða 366 dagar og alltaf þessir 24 tímar í sólarhringnum. Og alltaf gerist eitthvað nýtt þó stundum sé eins og allt sé að gerast aftur og aftur. Skiljú?

Nemendur sem tóku þátt í ungmennaþingi Barnaheilla á Norðurlandi vestra, sem fram fór í bóknámshúsi FNV á Sauðárkróki, kalla eftir meiri kynfræðslu og opnara samtali um náin sambönd og ofbeldi meðal unglinga. Í frétt á vef SSNV segir að um 75 ungmenni úr 10. bekk frá öllum sex grunnskólum á Norðurlandi vestra og Fjölbrautaskólanum á Norðurlandi vestra tóku þátt í vinnustofunni, þar sem þátttakendur voru beðnir um að miðla sinni reynslu og upplifun.

SSNV segir frá: 14 fjölbreytt nýsköpunarverkefni af öllu landinu hafa verið valin til þátttöku í viðskiptahraðlinum Startup Landið. Hraðallinn er sérstaklega hannaður til að efla atvinnulíf, verðmætasköpun og nýsköpun á landsbyggðinni. Startup Landið er viðskiptahraðall sem veitir frumkvöðlum og smáfyrirtækjum utan höfuðborgarsvæðisins tæki, fræðslu og sérfræðiaðstoð til að færa hugmyndir sínar á næsta stig. Á næstu mánuðum munu þátttakendur sækja stífar vinnustofur, fá leiðsögn frá reynslumiklum mentorum og vinna að mótun viðskiptamódela, fjármögnun og markaðssetningu.

Barna og Unglingaráð knattspyrnudeildar Tindastóls er að fara að stað með Fótboltaæfingar hjá fyrir stráka á framhaldsskólaaldri. Markmið æfinga er að strákar komi saman og spili fótbolta (óháð getu eða fyrri reynslu) og hafi gaman af því að mæta!

Á Gránumóum ofan Sauðárkróks standa miklar byggingar sem upphaflega voru byggðar sem fóðurframleiðslustöð fyrir loðdýrarækt. Loðdýrin heyra sögunni til en byggingarnar eru í eign KS. og þar hefur verið unnið rúmlega síðasta árið að þróun á gæludýrafóðri úr aukaafurðum frá sauðfjárslátrun. Sigfús Snorrason sem er kjötiðnaðarmaður að mennt hefur stýrt þessu starfi og haft með sér þrjá aðstoðarmenn. Talsvert mikill tæknibúnaður hefur verið keyptur fyrir starfsemina og er nú svo komið að fyrstu afurðir eru að verða tilbúnar til sölu.

Venju samkvæmt voru aflafréttir í Feyki vikunnar og þar var meðal annars sagt frá því Arnar HU1 hafi landað á Króknum á dögunum en heildarmagn afla um borð var um 550 tonn. Þar af um 192 tonn af gullkarfa, um 160 tonn af ýsu, um 103 tonn af þorski og um 67 tonn af ufsa og eitt hvalhræ.

Sumarið hjá Júdódeild Tindastóls var afar annasamt og viðburðaríkt. Það hófst með SumarTím-námskeiðum sem í fyrsta sinn voru haldin í nýju húsnæði deildarinnar. Á síðasta ári féllu námskeiðin niður vegna endurbóta á dójóinu. Í kjölfarið hélt yfirþjálfari deildarinnar til Póllands þar sem hann lauk tveggja ára JIDP-námi, alþjóðlegu þjálfaranámi í júdó fyrir einstaklinga með þroskahömlun.

Fréttir berast af því að enn þurfi að breyta fyrirkomulagi á því hvernig alþingismenn skiptast milli kjördæma. Á vef Stjórnarráðsins, stjornarradid.is má lesa: „Dómsmálaráðherra hefur sent forseta Alþingis bréf með skýrslu starfshóps um aukið jafnræði og þingsætadreifingu. Hópurinn var skipaður í október á síðasta ári og skilaði endanlegri skýrslu til ráðuneytisins í júlí sl. Í bréfinu leggur ráðherra til að stofnuð verði þingmannanefnd til að fjalla um tillögur starfshópsins.