Skagafjörður

Markaðsstofa Norðurlands, Rannsóknarmiðstöð ferðamála og Háskólinn á Hólum, undirrituðu sl. mánudag samning sín á milli um rannsóknarverkefni á áfangstaðnum Norðurlandi. Rannsóknin hefur það meginmarkmið að skoða ýmsa þætti sem varða markaðssetningu Norðurlands og þá markhópa sem sækja svæðið heim. Verkefnið er það stærsta sem ráðist hefur verið í hvað rannsóknir á ferðaþjónustu á Norðurlandi snertir og niðurstöðurnar gætu orðið fordæmisgefandi fyrir aðrar rannsóknir í landshlutanum að því er greint er frá á vef Markaðsstofu Norðurlands.

Settur hefur verið upp sjálfsafgreiðslukassi í Skagfirðingabúð sem vonir standa til að létti á afgreiðslu á mestu annatímum. Að sögn Árna Kristinssonar, verslunarstjóra, myndast t.d. oft miklar raðir við kassana í hádeginu og ætti sjálfsafgreiðslan þá að vera kærkomin. Afgreiðslukassinn er ekki flókinn að sögn Árna, þar sem hann er myndrænn og talar til viðskiptavinarins og leiðir í gegnum ferlið.

Þann 1. desember verður öld liðin frá því að Ísland fékk fullveldi frá Danakonungi og verður þess minnst í tali og tónum í Menningarhúsinu Miðgarði nk. laugardagskvöld kl. 20 undir yfirskriftinni: „Hver á sér fegra föðurland“.

Á síðasta ári var bætt við stöðugildum hjá flestum lögregluembættum um landið til að styrkja skilvirkni lögreglunnar í kynferðisbrotamálum. Þar með var hafin vinna við að hrinda í framkvæmd aðgerðaáætlun um meðferð kynferðisbrota innan réttavörslukerfisins. Sú aðgerðaáætlun felur m.a. í sér að renna styrkari stoðum undir samstarf milli lögreglu og ákæruvalds til að bæta stöðu brotaþola í kynferðisbrotamálum og styrkja réttarstöðu þeirra.

Samtök sveitarfélaga á Norðurlandi vestra taka nú þátt í alþjóðlegu samstarfsverkefni sem nýlega hlaut styrk úr sjóði Norðurslóðaverkefna. Verkefni þessu er ætlað að taka á ýmsum áskorunum sem fyrirtæki á jaðarsvæðum kunna jafnan að glíma við, svo sem smæð markaðar, fjarlægð frá markaði og einangrun. Frá þessu er sagt á vef SSNV.

Björgunarsveitirnar þrjár í Skagafirði héldu um helgina hópslysaæfingu þar sem í fyrsta skipti var notast við neyðartjald sem Isavia gaf Slysavarnarfélaginu Landsbjörg í sumar og staðsett er í Varmahlíð. Sett var á svið bílslys með sex slösuðum farþegum í tveimur bílum. Félagar úr Unglingadeildinni Trölla sáu um að leika sjúklinga og segir Ásta Birna Jónsdóttir, björgunarsveitarmaður, það mjög verðmætt fyrir björgunarsveitirnar að njóta aðstoðar þeirra á æfingum, enda gildi hið fornkveðna hvað ungur nemur gamall temur.

Íbúalýðræði og samráð við íbúa eru orð sem voru mikið notuð í aðdraganda sveitarstjórnarkosninga síðastliðið vor. Í því samhengi var meðal annars talað um þátttökuaðferðir, en þær eru nokkrar og mis bindandi. Nú í haust var tekin samhljóða ákvörðun í sveitarstjórn sveitarfélagsins Skagafjarðar að bjóða íbúum upp á opna íbúafundi þar sem rædd verður fjárhagsáætlun ársins 2019 og íbúum gefinn kostur á að koma með sínar hugmyndir um áhersluatriði í þjónustu og framkvæmdum.

Á aðfaranótt laugardags kvaddi Vala Mist Valsdóttir þennan heim en hún fæddist þann 12. janúar 2017 eftir erfiðar síðustu vikur í móðurkviði. Höfðu mæðgurnar verið í ströngu eftirliti frá því að hraðtaktur kom í ljós í mæðraskoðun á 34 viku. Stúlkan fór ásamt foreldrum sínum, Lilju Gunnlaugsdóttur og Vali Valssyni, til Svíþjóðar þar sem gera þurfti „opna hjartaaðgerð“ á henni.

Crecitinfo birti nýlega lista yfir 857 framúrskarandi fyrirtækja á landinu sem eru um 2% íslenskra fyrirtækja. Creditinfo hefur síðastliðin níu ár unnið greiningar á ýmsum þáttum varðandi rekstur og stöðu fyrirtækja á Íslandi og er meginmarkmið greiningarinnar að verðlauna þau fyrirtæki sem standa sig vel og stuðla að bættu viðskiptaumhverfi.

Jólahlaðborð Rótarýklúbbs Sauðárkróks verður haldið laugardaginn 1. desember nk. kl. 12:00 – 14:00 í íþróttahúsinu á Sauðárkróki. Jólahlaðborð þetta hefur verið fastur liður í starfi Rótarýklúbbs Sauðárkróks undanfarin ár en klúbburinn fagnar 70 ára afmæli sínu um þessar mundir.