Skagafjörður

Forseti Íslands, Guðni Th. Jóhannesson, flytur ræðu á sameiginlegri Hóla og Barokkhátíðinni um næstu helgi en hátíðin fer fram á Hólum í Hjaltadal.

Tindastóll fékk í kvöld lið Reynis Sandgerði í heimsókn á Sauðárkróksvöll í 3. deildinni. Fyrir leikinn voru Stólarnir í toppsæti deildarinnar en Reynir í fjórða sæti og því eitt af þeim liðum sem vill nálgast toppliðin tvö. Sú varð ekki í raunin því Tindastólsmenn höfðu betur, 2-1, og vonir Sandgerðinga um sæti í 2. deild nánast úr sögunni. Stólarnir stefna aftur á móti hraðbyri upp um deild.

Karlalið meistaraflokksliðs Tindastóls tekur á móti Reyni S. á Sauðárkróksvelli, í þriðju deildinni í kvöld klukkan 19:00.

Ég undirritaður Lárus Ástmar Hannesson, í Stykkishólmi, býð mig fram í 1. – 2. Sætið á lista í forvali Vinstri hreyfingarinnar græns framboðs í Norðvesturkjördæmi, fyrir komandi Alþingiskosningar. Ég hef tekið virkan þátt í starfi VG um árabil, verið varaþingmaður frá 2013. Ég hef setið í bæjarstjórn Stykkishólms í tíu ár, verið forseti bæjarstjórnar í 4 ár, um tíma formaður bæjarráðs og bæjarstjóri í lok síðasta kjörtímabils. Ég er búfræðingur og kennari að mennt.

Þriggja vikna frestur til að skila inn umsögnum um lokaskýrslu 3. áfanga rammaáætlunar um verndar- og orkunýtingaráætlun, rann út í gær, 3. ágúst. Þó nokkrar umsagnir bárust frá aðilum tengdum Skagafirði. Hér fyrir neðan er samantekt um umsagnirnar en þær eru einnig að finna á vefsíðu rammaáætlunar.

Hin árlega helgistund í Grafarkirkju á Höfðaströnd verður sunnudagskvöldið 7. ágúst og hefst stundin kl. 20.00. Það er sr. Halla Rut Stefánsdóttir sem þjónar fyrir altari.

Þann 14. júlí síðastliðinn eignuðust þau Hjálmar Björn Guðmundsson og Ingibjörg Signý Aadnegard á Blönduósi yndislegar tvíburastelpur. Fljótlega kom í ljós að önnur þeirra er með hjartagalla og þurfti hún að fara nokkurra daga gömul með pabba sínum og föðurömmu til Lundar í Svíþjóð. Hún fór í aðgerð 2. ágúst og gekk hún vel en sama dag flugu mamma hennar, tvíburasystir, Guðjón stóri bróðir þeirra og móðuramma til Svíþjóðar.

Búminjasafnið í Lindabæ í Skagafirði var til umfjöllunar á N4 í gær.

Nú er EM ævintýrið í algleymingi og hversdagsleiki sumarsins tekinn við. Garðurinn sleginn, útveggirnir málaðir, sumarhúsaferðir og sólbað, svona þegar sú gula nennir að fara fram úr. Fótboltadrengirnir okkar eru jafnvel komnir niður á jörðina eftir að hafa svifið um á töfraskýji í Frakklandi. Einn þeirra er frá Sauðárkróki en það er auðvitað hann Rúnar Már Sigurjónsson. Blaðamaður Feykis spurði hann um ævintýrið í Frakklandi og nýjan samning sem hann gerði við svissneska knattspyrnuliðið Grasshopper.

Hestamannafélagið Skagfirðingur ætlar að viðhalda siðum fyrirrennara sinna og býður félagsmönnum sínum og gestum uppá þriggja daga ferð, aðra helgina í ágúst. Farið verður um Vatnsnes og Vesturhóp í Húnaþingi Vestra. Lagt verður af stað föstudaginn 12. ágúst kl.13:00 frá Tjörn á Vatnsnesi, riðið inn Katadal yfir Heiðargötur og endað á náttstað á Syðri-Þverá.