Skagafjörður

Leikfélag Sauðárkróks frumsýnir á laugardaginn barnaleikritið Kardimommubæinn eftir Thorbjörn Egner í þýðingu Huldu Valtýsdóttur. Þýðandi söngljóða er Kristján frá Djúpalæk og leikstjóri er Sigurlaug Vordís Eysteinsdóttir.

Foreldrar barna á biðlista á leikskólanum Birkilundi boðuðu til opins fundar í Menningarhúsinu Miðgarði á mánudagskvöld. Margir komu á fundinn og sköpuðust góðar umræður um húsnæðisvanda leik- og grunnskólans í Varmahlíð. Leikskólastjóri Birkilundar sendi frá sér neyðarkall, sem birt var í Feyki, í síðustu viku og sagði starfsemina komna yfir þolmörk.

Á föstudaginn kemur, 16. október kl. 20:00 verður haldin dagskrá í sal Versins þar sem akureyskir kvæðamenn kveða, undir rímnalögum, vísur og ljóð eftir íslenskar konur. Dagskráin er vegum vegum hins nýstofnaða kvæðamannafélags Gnár í Skagafirði. Aðgangseyrir er 1500 krónur og ekki er hægt að greiða með korti. Vakin er athygli á því í augýsingu að gengið er inn að vestan í salinn.

Það var fagurt um að litast í Fljótum í gær morgun og haustlitirnir skörtuðu sínu fegursta þegar blaðamaður Feykis átti leið þar um í gær. Kyrrðin í náttúrunni er einstök á svona dögum, eins og myndirnar bera með sér.

Næst komandi laugardag fer fram fimmta og síðasta umferð ársins í Íslandsmótinu í rallý. Eknar verða fjórar sérleiðir í nágrenni Langjökuls, það er á Skjaldbreiðarvegi og Kaldadal, og má búast við hörku keppni þar sem staða í Íslandsmótinu er mjög jöfn í öllum flokkum.

Strætó festist í vegakanti á Þverárfjallsvegi í gærkvöldi. Að sögn vegfaranda var umferð var hleypt framhjá og urðu því engar tafir vegna óhappsins. Samkvæmt upplýsingum frá lögreglunni á Norðurlandi vestra hafði bílstjóri hópbifreiðarinnar gleymt að skila af sér farþega og ætlaði að snúa við er hann festist í vegakantinum.

Hinn ástsæli tónlistarmaður Geirmundur Valtýsson vinnur nú að útgáfu hljómplötunnar Skagfirðingar syngja. Líkt og nafn plötunnar gefur til kynna hefur Geirmundur fengið til liðs við sig fjölda skagfirskra tónlistarmanna.

Markaðsstofa Norðurlands er orðinn tengiliður ferðaþjónustunnar á Norðurlandi við Vegagerðina. Af því tilefni var boðað til funda um vegamál um allt Norðurland. Þann 1. október voru fundir haldnir á Sauðárkróki, Blönduósi og Hvammstanga og voru ferðaþjónustuaðilar og sveitarstjórnarfólk hvatt til að mæta og koma sínum sjónarmiðum á framfæri.

Foreldrar barna á biðlista á leikskólanum Birkilundi hafa boðað til opins fundar í Menningarhúsinu Miðgarði í kvöld og hefst fundurinn hefst kl 20:30. „Skorum við sérstaklega á fulltrúa sveitarstjórna sem hafa með þessi mál að gera til að koma og svara þeim spurningum sem brenna á foreldrum,“ segir meðal annars í fréttatilkynningu.

Það er óhætt að fullyrða að menn hafi tekið á honum stóra sinum á sviðinu í Miðgarði í gærkvöldi. Þar voru samankomnir norðlensku tenórararnir Kristján Jóhannsson, Óskar Pétursson og Árni Geir Sigurbjörnsson og sungu þeir og skemmtu, ásamt Jónasi Þóri undirleikara, fyrir fullu húsi. Það var Viðburðaríkt sem stóð fyrir tónleikunum.