Skagafjörður

Opið hús verður haldið í Nesi, listamiðstöð á Skagaströnd á morgun, 28. júlí frá klukkan 17:00 – 20:00.

Í sumar hefur fornleifadeild Byggðarsafns Skagfirðinga í samstarfi við bandaríska fornleifafræðinga frá Massachusetts háskóla í Boston (UMASS) unnið við rannsóknir á Hegranesinu en samstarfsverkefnið kallast Skagfirska kirkju- og byggðarsögurannsóknin. Guðný Zoëga, mannabeinafræðingur og deildarstjóri fornleifadeildar Byggðarsafns Skagfirðinga, hefur stjórnað uppgreftri við bæinn Keflavík í Hegranesi en þetta er annað sumarið af þremur sem verkefnið fer fram.

Á mbl.is í dag, segir Viggó Jónsson, sem er í sveitarstjórn Sauðárkróks að Reykjastrandarvegurinn sé í ömurlegu ástandi og að það sé „algjörlega fráleitt að fólkinu sem býr við þennan veg sé boðið upp á þetta.“

Íslenska landsliðið í hestaíþróttum hefur verið valið af Páli Braga Hólmgeirssyni, liðstjóra. Landsliðið keppir á Norðurlandamóti íslenska hestsins í Noregi, dagana 8.- 14. ágúst næstkomandi. Frá þessu er sagt í Hestafréttum.

Man einhver eftir því að einhver ríkisstjórn á Íslandi hafi tekið þá pólitísku ákvörðun að viðhalda byggð á landsbyggðinni, óháð kostnaði? Man einhver eftir því að stjórnmálamenn hafi horft á allt landið sem sinn starfsvettvang og horft lengra fram í tímann en fjögur ár? Man einhver eftir því að jákvæð umræða um landsbyggðina hafi skyggt á þá neikvæðu? Það væri gaman að vita það, svona okkur öllum til fróðleiks.

Þriðja umferð í Íslandsmótinu í rallý fór fram í Skagafirði dagana 22. og 23. júlí síðastliðinn en það var Bílaklúbbur Skagafjarðar sem átti veg og vanda að henni. Keppnin, sem er árlegur viðburður, er ávallt vinsæl hjá rallýáhugafólki enda skipulag og verklag hið besta hjá Bílaklúbbnum. Í ár voru tæplega tuttugu áhafnir mættar til leiks ásamt fylgiliði en keppnin er vinsæl útileguhelgi rallýfólks. Veður og færð gerðu áhöfnum erfitt fyrir, mikið hafði rignt dagana fyrir keppni og voru vegir því sleipir auk þess sem mikil þoka takmarkaði skyggni ökumanna.

Einn af þeim málaflokkum sem ég er að takast á við þessa dagana eru byggðamál. Þrátt fyrir góðan vilja hefur ekki tekist með fullnægjandi hætti að sporna við þeim raunveruleika að sumar byggðir í landinu þurfi stanslaust að standa í baráttu við að verja sinn hlut og berjast gegn því að þjónusta minnki og að fólki fækki.

Strákarnir okkar í U20 ára landsliði karla í körfuknattleik töpuðu í gær fyrir Svartfjallalandi í úrslitum B-deildar Evrópumótsins sem fram fór í Grikklandi og silfurverðlaun staðreynd.

Sá stórmerkilegi atburður varð í gær er íslenska U20 landslið karla sigraði Grikki í undanúrslitum í B-deild Evrópumóts landsliða U20, í Grikklandi. Og þar með er liðið komið í úrslit.

Íslenska U20 landsliðið vann í gær glæsilegan 94-54 sigur á Georgíu í átta liða úrslitum B-deildar Evrópumóts landsliða sem fram fer í Grikklandi. Tindastólsmennirnir tveir, Pétur Rúnar Birgisson og Viðar Ágústsson, stóðu heldur betur fyrir sínu og eru nú komnir í undanúrslit ásamt félögum sínum.