Skagafjörður

Nýlega kom út bókin Ég lít til baka sem hefur að geyma ljóðmæli Jóns K. Friðrikssonar, hestamanns og hrossaræktanda á Vatnsleysu í Skagafirði. Jón var fæddur árið 1941 en lést fyrir aldur fram árið 2004, aðeins 63 ára að aldri.

Farið verður í kristilega menningarferð að Ábæ í Austurdal sunnudaginn 31. júlí, á vegum hestamannafélagsins Skagfirðings. Þar mun Einar Kristinn Guðfinnsson flytja hugvekju, en sr. Gísli Gunnarsson verður við altarið.

Nýlega stóð Sumar TÍM fyrir námskeiði í Textílprentun, í Húsi frítímans, fyrir 1.-6. bekk. Inga Birna Friðjónsdóttir hélt utan um námskeiðið en hún lærði fatahönnun í Danmörku.

Tónlistarhátíðin Gæran verður haldin á Sauðárkróki 11.-13. ágúst. Undirbúningur er nú kominn í fullan gang en nokkur óvissa ríkti um afdrif hátíðarinnar vegna greiðsluþrots Loðskinns, en hátíðin hefur verið haldin í húsakynnum fyrirtækisins. Nú er hins vegar ljóst að hátíðin verður haldin þar, líkt og verið hefur frá upphafi.

Íslenska landsliðið U20 ára í körfuknattleik er sjóðandi heitt þessa dagana en það sigraði Pólland í æsispennandi leik í gær á EM U20 karla í Grikklandi. Leikurinn fór 62-60 og réðust úrslitin ekki fyrr en á lokasekúndum leiksins. Tveir Skagfirðingar leika með liðinu, þeir Viðar Ágústsson og Pétur Rúnar Birgisson.

Nýjasta lag Króksaranna Arnars Freys Frostasonar og Helga Sæmundar Guðmundssonar, sem skipa eina vinsælustu rappsveit landsins í dag, Úlfur Úlfur, hefur fengið frábærar viðtökur. Lagið skipar nú 16. sæti á vinsældalista Rásar tvö.

Bílaklúbbur Skagafjarðar vill vekja athygli á að nokkrir vegir í Skagafirði verða lokaðir tímabundið á morgun, föstudag og á laugardag, vegna keppni í þriðju umferð Íslandsmótsins í rallý. Lokunin er gerð með leyfi Vegagerðar og lögreglu.

Tindastólsstelpurnar fóru enga fýluferð á Vilhjálmsvöll á Egilsstöðum eða Villa Park eins og gárungarnir kalla völlinn. Þar mættu þær sameinuðu liði Fjarðarbyggðar, Hattar og Leiknis. Leikurinn reyndist hin mesta markaveisla en honum lyktaði með þremur mörkum gegn fimm, Tindastóli í vil. Nýráðinn leikmaður, Jesse Shugg skoraði þrennu í leiknum.

Hinn fjögurra vetra gæðingur, Dofri frá Sauðárkróki náði góðum árangri á nýliðnu Landsmóti hestamanna á Hólum en þar endaði hann í áttunda sæti fjögurra vetra stóðhesta. Dofri stóð þó efstur sem klárhestur. 



Opna Vodafone minningamótið um Friðrik lækni, heiðursfélaga í Golfklúbbi Sauðárkróks og einn af stofnendum GSS var haldið á laugdaginnvar í blíðskaparveðri. Alls tóku 29 keppendur þátt í mótinu en leikfyrirkomulag var höggleikur með forgjöf.