Skagafjörður

Stofnfundur fyrir Skagfirðing, nýtt hestamannafélag í Skagafirði, fór fram í Tjarnabæ í gærkvöldi. Að sögn Guðmundar Sveinssonar, hins nýkjörna formanns, var þetta fjölmennur og góður fundur og voru viðstaddir einu máli um að þetta væri framfaraskref fyrir hestamenn í firðinum.

Já, þið sjáið rétt. Þetta eru litirnir sem litasérfræðingarnir hafa valið sem liti ársins 2016. Þetta er reyndar í fyrsta skipti sem valdnir eru tveir litir saman. En sérfræðingarnir telja þessa tvo verða áberandi bæði í tískufatnaði og heimilisskreytingum þetta árið. Í fyrra völdu þeir vínrauðan en núna eru það Rose quarts og Serenety sem ég kalla með öðrum orðum barnableikt og barnablátt.

Síðasta liðið sem kynnt er til þátttöku í KS-Deildinni í vetur er Mustad. Liðstjóri er Sina Scholz og með henni eru Hlynur Guðmundsson, Bjarney Jóna Unnsteinsdóttir og Flosi Ólafsson. Hér er um nýtt lið að ræða sem vann sér þátttökurétt í gegnum úrtöku og hefur engin af þessum knöpum keppt áður í KS-Deildinni.

Eldvarnaátak Landssambands slökkviliðs- og sjúkraflutningamanna fór fram í grunnskólum landsins í nóvember sl. þar sem nemendur í 3. bekk fengu m.a. fræðslu um eldvarnir. Tóku þeir þátt í eldvarnagetraun slökkviálfanna Loga og Glóðar og er nú búið að draga úr réttum lausnum.

Atvinnu-, menningar- og kynningarnefnd Svf. Skagafjarðar samþykkti að styrkja Sögusetur íslenska hestsins til þátttöku á LM 2016 í Skagafirði á fundi sínum þann 12. febrúar síðastliðinn. Styrkurinn nemur kr. 1.000.000,-

Í dag er síðasta tækifæri að skrá sig á Samgönguþing MN sem haldið verður í Hofi á morgun. „Við hvetjum alla til að nota tækifærið, hlusta á fróðleg erindi og taka þátt í umræðum,“ segir í fréttatilkynningu. Fundarstjóri er Arnheiður Jóhannsdóttir, framkvæmdastjóri Markaðsstofu Norðurlands.

Fyrsta mót KS-Deildarinnar verður haldið næstkomandi miðvikudagskvöld í Svaðastaðahöllinni á Sauðárkróki og hefst kl 19:00. Keppt verður í fjórgangi. „Mikil eftirvænting er fyrir þessu fyrsta keppniskvöldi KS-Deildarinnar. Mikið hefur verið um æfingar í Svaðastaðahöllinni að undanförnu og ljóst að liðin leggja mikið undir,“ segir í fréttatilkynningu frá Meistaradeild Norðurlands.

Stofnfundur fyrir Hestamannafélagið Skagfirðing verður haldinn í Tjarnarbæ í dag, þriðjudaginn 16. febrúar, kl. 20:00. „Hestamenn í Skagafirði eru hvattir til að mæta og taka þátt í þessum tímamótum í skagfirskri hestamennsku,“ segir í auglýsingu frá sameiningarnefndinni í Sjónhorninu.

Suðvestan ofsaveður er fram undir kl. 09 til 10 á Vestfjörðum og vestantil á Norðurlandi, en dregur smám saman úr vindi með morgninum, sunnan 8-15 annað kvöld. Frost 1 til 6 stig. Á Norðurlandi er hálka á flestum vegum og víðast hvar mjög hvasst. Ófært er á Öxnadalsheiði.

Þann 3. febrúar var sjósettur fyrsti báturinn sem smíðaður er hjá fyrirtækinu Mótun á Sauðárkróki. Um er að ræða trefjaplastbát af tegundinni Gáski 1180. Ber hann nafnið Agla ÁR 79 og er í eigu fyrirtækisins AAH ehf. sem hefur aðsetur í Reykjavík.