Skagafjörður

Á kjördæmisþingi VG sem fram fór um liðna helgi var kjörin ný stjórn kjördæmisráðsins. Steinunn Rósa Guðmundsdóttir á Sauðárkróki var kjörin formaður en aðrir í stjórn eru Rún Halldórsdóttir á Akranesi og Bjarki Þór Grönfeldt í Borgarnesi.

Kvenna- og karlalið Tindastóls gerðu góð ferð austur á Vopnafjörð á laugardaginn þar sem liðinn spiluðu við heimamenn- og konur í liði Einherja og höfðu sigur í báðum viðureignum. Strákarnir unnu gríðarlega mikilvægan sigur en lið Tindastóls og Einherja voru með jafn mörg stig í 2.-3. sæti fyrir leikinn.

Á vef Skagfirðingafélagsins er sagt frá því að Skagfirðingar eigi sína fulltrúa í leikmannahópnum á EM í Frakklandi. Fyrsti leikur íslenska liðsins fer fram í kvöld og því ekki úr vegi að fara yfir hverjir þessir Skagfirðingar eru.

Olíuflutningabíll fór útaf veginum í Blönduhlíð í gærkvöldi, eins og greint hefur verið frá á feyki.is. Samkvæmt upplýsingum frá Skeljungi slapp ökumaðurinn með skrámur þegar bíllinn hafnaði á hvolfi utan vegar við Höskuldsstaði. Aðgerðir á slysstað gengu vel og búið að koma bílnum af vettvangi. Öll hreinsun var kláruð um kl. 02 í nótt.

Aðalfundur kjördæmisráðs VG í Norðvesturkjördæmi fór fram á Hvanneyri síðastliðinn laugardag, þann 11. júní. Á fundinum var samþykkt að fram fær forval vegna komandi alþingiskosninga, miðað er við að forvalið fari fram seinnipartinn í ágúst næstkomandi og kosið verði um röðun í sex efstu sæti listans.

Sameiginlegt úrtökumót Þyts, Neista, Glæsi og Skagfirðingi fyrir komandi Landsmót hestamanna var haldið á Hólum um helgina. „Feikna sterk úrtaka í öllum flokkum og spennandi að vita hvort ekki einhverjir sem eru þarna og komast ekki sem fulltrúar síns félags verði í þeim aukasætum sem eru í A-flokk og B-flokk. Þetta kemur allt í ljós á næstu dögum. En Skagfirðingar og Húnvetningar mæta sterkir á Hóla,“ segir í fréttatilkynningu frá Skagfirðingi.

Mikil mildi þykir að ekki fór verr er olíuflutningabíl valt skammt frá bænum Höskuldsstöðum í Blönduhlíð í Skagafirði á sjöunda tímanum í kvöld. Ökumaður olíubílsins slapp án teljandi meiðsla en eins og sjá má á meðfylgjandi myndskeiði er bíllinn gjörónýtur. Lögregla og slökkviliðsmenn hjá Brunavörnum Skagafjarðar voru að störfum þegar blaðamanni Feykis bar að í kvöld.

Allt tiltækt lið Brunavarna Skagafjarðar, frá Sauðárkróki og Varmahlíð, er að störfum við Höskuldsstaði í Blönduhlíð þar sem olíubíll fór útaf um kl. 18:30 í kvöld og liggur þar á hvolfi utan vegar. Að sögn Vernharðs Guðnasonar slökkviliðsstjóra hjá Brunavörnum Skagafjarðar slapp ökumaður olíubílsins án teljandi meiðsla.

Sveitarstjórn Sveitarfélagsins Skagafjarðar samþykkti þann 8. júní síðastliðinn að auglýsa tillögu að deiliskipulagi lóðanna Skagfirðingabrautar 51 og Ártorgs 1 á Sauðárkróki en samkvæmt vefsíðu sveitarfélagsins er skipulagssvæðið um 3 ha að stærð og afmarkast af Skagfirðingabraut, Hegrabraut, Sauðármýri og Ártorgi. Deiliskipulagstillagan felur í sér heimild til aukins byggingarmagns á lóðunum og breytinga á innbyrðis lóðarmörkum.

Dagskrár Jónsmessuhátíðarinnar á Hofsósi hefst á fimmtudagskvöldið með formlegri opnun á myndlistarsýningu Hallrúnar Ásgrímsdóttur frá Tumabrekku. Á föstudaginn og laugardaginn verður svo fjölbreytt dagskrá þar sem allir ættu að finna eitthvað við sitt hæfi.