Skagafjörður

Síðastliðinn laugardag fór fram Íslandsmeistaramót ungmenna í pílukasti á Bullseye í Reykjavík en 72 keppendur mættu til leiks. Tólf krakkar frá Pílukastfélagi Skagafjarðar (PKS) tóku þátt og stóðu þau sig öll frábærlega og komu heim með fern verðlaun, eina silfurmedalíu og þrjár bronsmedalíur.

Frá því 2001 hafa sveitarfélögin átt kost á veglegum styrkjum frá ríkinu til úrbóta í aðgengismálum. Þrátt fyrir háværa umræðu um vanfjármögnun í málaflokki fatlaðs fólks fóru tæpar 120 milljónir króna forgörðum á árunum 2021-2024. Eftirspurnin eftir styrkjunum var of lítil.

Fjárhagur sveitarfélags er ekki bara samansafn talna í ársreikningi. Hann er eign íbúanna og þannig grunnurinn að allri þjónustu sveitarfélagsins, allt frá leikskólum og grunnskólum til innviðauppbyggingar og velferðarþjónustu. Sveitarfélagið innheimtir útsvar, fasteignaskatt og ýmis önnur gjöld, og ráðstafar þeim fjármunum svo til verkefna í sveitarfélaginu. Við þurfum að tryggja að umræða um fjármál sveitarfélagsins sé gagnsæ og byggð á staðreyndum. Íbúarnir eiga rétt á því að vita hvernig fjármunir eru nýttir og hvernig þeim er forgangsraðað. Undanfarið hefur umræðan um fjármál sveitarfélagsins verið nokkuð hávær. Í slíkri umræðu skiptir máli að rétt sé farið með staðreyndir. Ársreikningur ársins 2025 var samþykktur á fundi sveitastjórnar 22. apríl síðastliðinn og því hægt að byggja á þeim gögnum.

Stúlkurnar úr ÍR. mættu á Sauðárkróksvöll á sunnudaginn til að spila við Tindastól í Mjólkurbikarnum. Eins og við vitum er talsverð breyting á leikmannahóp Tindastóls. Margar uppaldar stelpur að fá tækifæri sem er auðvitað mjög jákvætt. Bryndís Rut er svolítið farin að virka eins og amma í þessu liði, með jákvæðum formerkjum auðvitað.

Sjö sóttu um nýtt embætti sýslumanns Íslands sem verður stofnað í byrjun árs 2027. Meðal umsækjenda eru tveir sýslumenn og fyrrverandi lögreglustjóri en þetta kemur fram í frétt á vef Stjórnarráðsins. Embættið var auglýst laust til umsóknar 27. mars og var umsóknarfrestur til 14. apríl en var síðan framlengdur til 21. apríl.

Nýlega birtist veiðiráðgjöf Hafró á hrefnu og langreyð en það var búið að dragast að gefa hana út sem er illskiljanlegt þar sem hún byggir á gögnum frá árinu 2024. Í stuttu máli þá felur veiðiráðgjöfin fyrir árið 2026 það í sér að ráðlegt er að draga verulega úr veiðum á bæði hrefnu og langreyð.

Landssamband hestamannafélaga hefur tekið út félagafjölda hvers hestamannafélags og koma niðurstöður fram í töflunni hér fyrir neðan, og þá jafnframt hversu marga keppendur hvert félag hefur rétt á að senda í hvern flokk gæðingakeppninnar á landsmótinu að Hólum í sumar.

Matgæðingar vikunnar í tbl 2 voru hjónin Helga Harðardóttir og Sveinn Sverrisson en þau hafa búið saman á Króknum í rúm 30 ár. Helga starfar sem sérfræðingur á þróunarsviði Byggðastofnunar og Sveinn starfar sem sjúkraþjálfari á HSN. Þau eiga tvær uppkomnar dætur, Vigdísi og Elínu, sem eru búsettar í Köben um þessar mundir.

Þeir voru heldur betur kaldrifjaðir körfuboltaguðirnir í gærkvöldi þegar Stjarnan og Tindastóll mættust í Garðabænum í öðrum leik liðanna í undanúrslitum Bónus deildarinnar. Heimamenn áttu ekkert erindi í að vinna þennan leik en það var nú samt akkúrat það sem þeir gerðu; örlögin og dómararnir búnir að reita af þeim margar helstu skrautfjaðrirnar og lá við að Gvendur á Eyrinni væri sjanghæjaður inn í ÞG Verk höllina í Garðabænum til að spila lokamínúturnar í þessum klikaða körfuboltaleik. En í sigurinn náði Stjarnan á seiglunni einni saman að því er virtist og lokatölur 105-103 eftir framlengdan leik.

Ég get ekki lengur orða bundist – við erum öll að gera okkar besta svo að Háskólinn á Hólum og Hólastaður vaxi og dafni. Í morgun birtist aðsend grein í Vísi eftir Sólrúnu Harðardóttur. Sólrún er ein þeirra fjölmörgu að mér meðtalinni sem þykir afar vænt um Hóla og ber þangað sterkar taugar. Mér finnst mjög fallegt hvernig Sólrún lýsir Hólastað í inngangi að greininni og fer yfir þá miklu og merku sögu sem Hólastaður býr yfir. Mér finnst að sama skapi sárt að lesa að Sólrún efist um raunverulegan vilja eða tilfinningar mínar til Hóla. Það er líka erfitt að lesa þær rangfærslur og upplifa vanvirðinguna fyrir þeirri vinnu sem nú er í gangi við endurreisn Hólastaðar, eflingu þjónustu við íbúa og eflingu Háskólans á Hólum.