Skagafjörður

Leikfélag Sauðárkróks sýnir á Sæluviku: Á sama tíma að ári eftir Bernard Slade í leikstjórn Ingridar Jónsdóttur. Verkið sló rækilega í gegn þegar það var frumflutt í New York árið 1975. Það fór sem eldur í sinu um heimsbyggðina og stuttu síðar var gerð kvikmynd sem sömuleiðis naut mikilla vinsælda, hlaut fjölda verðlauna og var m.a. tilnefnd til fernra Óskarsverðlauna. Leikritið var tilnefnt til Tony verðlauna og hlaut Drama Desk verðlaunin sem besta leikrit ársins. Segja má að þetta sé gaman-drama leikrit um samskipti og forboðnar ástir. Karl Ágúst Úlfsson þýddi leikritið.

Atkvæðagreiðsla utan kjörfundar vegna sveitarstjórnarkosninga 16. maí 2026 Utankjörfundaratkvæðagreiðsla, vegna sveitarstjórnarkosninga þann 16. maí, hefst 17. apríl. Greiða má atkvæði utan kjörfundar á skrifstofum embættisins sem hér segir: • Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 til 15:00 • Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 til 15:00

Skagfirski kammerkórinn heldur 3. tónleika núna í vor. Kórinn varð 25 ára í fyrra og er hvergi nærri hættur. Fyrstu tónleikarnir eru í Hofsóskirkju föstudagskvöldið 17. apríl kl. 20.00, Sumardaginn fyrsta, 23. apríl verða tónleikar í félagsheimilinu Héðinsminni kl. 20.00 og síðustu tónleikarnir verða í Blönduóskirkju föstudagskvöldið 24. apríl kl. 20.00.

Það styttist í sveitarstjórnarkosningar en þær fara fram 16. maí. Stefnt er að því að gefa út kosningablað 6. maí þar sem leitast verður eftir því að gera öllum framboðslistum á Norðurlandi vestra skil. Feykir er að sjálfsögðu opinn fyrir aðsendum greinum en rétt er að benda á að netið tekur svo gott sem endalaust við en það eru viss takmörk fyrir því hverju hægt er að koma að í pappírsútgáfu Feykis.

Donni þjálfari fór með U19 landslið kvenna til Serbíu á dögunum þar sem Ísland var í riðli með heimakonum í Serbíu og einnig Finnlandi og Danmörku. Ísland gerði jafntefli í fyrsta leiknum gegn Finnlandi en vann síðan Danmörku og Serbíu og tryggði sér þar með þátttökurétt á lokamóti EM sem fram fer í Bosníu-Hersegóvínu dagana 27. júní til 10. júlí í sumar.

Eins og sagt var frá í Feyki 7.apríl Mun skáldið Eyþór Árnason frá Uppsölum verða á ferð milli kirkna í Skagafirði á Sæluviku og lesa og spjalla um ljóðlistina. Fyrsta uppákoman verður í kvöld kl: 20.00 í Hofskirkju á Höfðaströnd.

Samtök sveitarfélaga á Norðurlandi vestra og Farskólinn - miðstöð símenntunar á Norðurlandi vestra standa fyrir málþingi um stöðu og framtíð smáframleiðenda laugardaginn 18. apríl næstkomandi klukkan 10-15 í Miðgarði í Varmahlíð. Nánari dagskrá málþingsins er inni í fréttinni og skráningarlinkur.  

Hvernig verður umfjöllun um rekstur sveitarfélags að skemmtilegu lesefni? Jú, það má reyna fjalla um hann á mannamáli. Það sem þú veist væntanlega lesandi góður er að sveitarfélög fá sínar tekjur að mestu leyti beint úr vasa þínum. Það gerist með útsvari sem tekið er beint af launum þínum í formi skatts. Svo er fasteignaskattur, jafnvel lóðarleiga, innheimt af húsinu þínu. Hin ýmsu gjöld greiðir þú líka eins og sorphirðugjöld, leyfisgjöld og jafnvel leikskólagjöld o.fl. Margir greiða líka fyrir vatnið sem þeir nota og svo mætti áfram telja. Ríkið greiðir svo mótframlag í formi Jöfnunarsjóðs, en þeim sjóði er dreift á byggðir landsins.

Aðalfundur félagsins var haldinn 14.apríl við góða mætingu. Stjórnin byrjaði kvöldið á að grilla ofan í félaga og síðan var farið í gegnum hefðbundin aðalfundarstörf. Guðmundur Guðmundsson stjórnarmeðlimur gekk úr stjórn og þökkum við honum fyrir óeigingjarnt starf í þágu félagsins.

Það varð ljóst í gærkvöldi hverjir yrðu andstæðingar Tindastóls í undanúrslitum Bónus deildarinnar í körfubolta. Þá áttust við lið KR og Stjörnunnar í hreint ótrúlegum tví framlengdum leik í Vesturbænum en það fór svo að lokum að Stjarnan hafði betur, 115-118. Stólarnir, sem enduðu í öðru sæti í deildinni, mæta því Stjörnunni, sem endaði í þriðja sæti, í undanúrslitum og verður fyrsti leikur liðanna því í Síkinu.