Skagafjörður

Stólastúlkurnar Inga Sólveig Sigurðardóttir og Rannveig Guðmundsdóttir framlengja við Tindastól og spila áfram með liðinu á næsta tímabili. Israel Martin, þjálfari kvenaliðs Tindastóls, lýsir yfir mikilli ánægju með að Inga og Rannveig hafi framlengt samninga sína við félagið. Hann segir það dýrmætt fyrir áframhaldandi vöxt og uppbyggingu liðsins að halda kjarnanum frá síðustu tveimur tímabilum áfram.

Auður Björk og Vala Kristín eru viðburðarstýrur Hofsós heim, sem haldin verður dagana 18. – 22. júní í ár. Stelpurnar eru báðar uppaldnar í Skagafirði og hafa búið þar meiripart ævinnar. Þær hafa verið vinkonur síðan þær voru unglingar og sinna verkefni viðburðastýru saman. Auður býr í dag á Grindum í Deildardal með Rúnari Páli og þremur börnum. Vala býr á Hofsósi með Helga Hrannari og fimm börnum þeirra. Feykir hafði samband við Auði og Völu og fékk þær til þess að svara nokkrum skemmtilegum spurningum.

Allir þrír meistaraflokkarnir spiluðu um helgina og aðeins Stólastrákarnir sóttu stig en Stólastelpur og Kormákur/Hvöt máttu þola töp. Stólastrákarnir eru því enn efstir með 19 stig en Kormákur/Hvöt datt niður um þrjú sæti og eru núna í sjöunda sæti með 11 stig. Stólastelpurnar leita enn að fyrsta sigrinum og eru á botni Lengjudeildarinnar.

Matgæðingar vikunnar í tbl. 4 voru Ólafur Atli Sindrason og Helga Sigurðardóttir en þau búa á Grófargili og eru bæði kennarar í Varmahlíðarskóla. Óli, eins og hann er oftast kallaður, er alinn upp á Breið í gamla Lýtingsstaðahreppi en Grófargil er æskuheimili Helgu.

Matgæðingur í þriðja tbl. Feykis á þessu fallega ári var Kristey Rut Konráðsdóttir. Kristey er fædd og uppalin á Sauðárkróki og vinnur sem stuðningsfulltrúi í 5. bekk í Árskóla. Einnig sækir hún fjarnám í HÍ þennan veturinn í farsæld barna og er með BS í sálfræði. Kristey þekkja eflaust margir eftir að hafa farið á leiksýningar í Bifröst en hún hefur verið viðriðin Leikfélagi Sauðárkróks síðustu árin og situr í varastjórn LS eins og staðan er í dag.

Síðast heimsótti Dagur í lífi brottfluttra hana Þórunni Ingu úr Víðidalnum sem býr með fjölskyldu sinni í Dúbaí. Við höldum okkur á heitum slóðum og tökum flugið frá Sameinuðu arabísku furstadæmunum og beinustu leið til Barselóna í Katalóníu á Spáni. Þar býr Króksarinn Sóley Björk Guðmundsdóttir, þjóðfræðingur og vínfræðingur, ásamt kærastanum sínum, Enric Quirant Campas, sem er lögfræðingur. Við komum ekki að tómum kofanum hjá Sóleyju og frásagnargleðin í góðu lagi.

Það var víða mikil gleði um liðna helgi enda sjómannadagur og Prjónagleði og ég veit ekki hvað. Þá var mikil gleði í tilefni af því að Bubbi Morthens varð sjötugur og því tilefni til stórtónleika.

Það er fótboltahelgi fram undan en ekki er nóg að yngri flokka mót er bæði á Selfossi og í Vestmannaeyjum þá eru allir meistaraflokkar Norðurlands vestra að spila um helgina. Meistaraflokkur kvenna hjá Tindastól heimsækir HK á morgun, laugardag 13. júní en Kormákur/Hvöt og meistaraflokkur karla spila bæði heimaleiki á sunnudaginn 14. júní.

Það er stinningskaldi að norðan á Króknum í dag, hitinn slagar í tíu gráðurnar en úti fyrir grillir í gráan þokubakka. Það lægir þegar líður á kvöldið og á morgun, laugardag, er gert ráð fyrir björtu veðri og stilltu og hitinn hoppar yfir í tveggja stafa tölu. Skaplegt veður verður á sunnudaginn, bjart framan af degi en þykknar upp en bjartara vestan til á Norðurlandi vestra.

Alls voru 20 kandidatar brautskráðir frá Fiskeldis- og fiskalíffræðideild og Ferðamáladeild við hátíðlega athöfn á Hólum þann 5. júní. Við sama tilefni var þess minnst að 30 ár eru liðin frá því fyrstu nemendurnir hófu nám í ferðamálafræði við Háskólann á Hólum en það nám lagði grunninn að því BS námi sem nú er í boði í ferðamálafræði við Háskólann á Hólum.