Skagafjörður

Fjölbrautaskóla Norðurlands vestra var slitið í 47. skipti við hátíðlega athöfn í dag, föstudaginn 29. maí, í íþróttahúsinu á Sauðárkróki. Alls útskrifaðist 161 nemandi frá skólanum og var ríflega helmingur þeirra viðstaddur athöfnina. Selma Barðdal, skólameistari, setti athöfnina en í máli hennar kom fram að í vikunni hefði verið undirrituð viljayfirlýsiing milli ríkisins, Skagafjarðar og skólans um stækkun verknámsaðstöðu sem lengi hefur verið beðið eftir.

Félagar í Rótarýklúbbi Sauðárkróks komu færandi hendi í heimsókn í aðsetur sjúkraþjálfunar og endurhæfingar HSN á Sauðárkróki þann 21. maí síðastliðinn. Það er markmið félaga að láta gott af sér leiða sem víðast í samfélaginu. Gjöfin í ár eru þrjú þrekhjól, hugsuð fyrir alla þá fjölmörgu einstaklinga sem njóta þjálfunar og endurhæfingar hjá stofnuninni.

Meirihlutasamkomulag á milli Byggðalistans og Sjálfstæðisflokksins var undirritað í Skagafirði í dag en samræður á milli flokkanna hafa staðið yfir síðan skömmu eftir kosningar.

Fimmtudaginn 28. maí færði Sjálfsbjörg í Skagafirði endurhæfingardeildinni hjá HSN á Sauðárkróki tvær gjafir, en um er að ræða sjöttu og sjöundu gjöf félagsins til deildarinnar. Annars vegar fékk deildin nýtt MOTOmed rafmagnshjól og hins vegar leysitæki.

Í vetur hefur nýr golfskáli risið á Hlíðarendavelli á Sauðárkróki. Nú þegar styttist í opnun nýs og glæsilegs skála er fólk orðið enn spenntara og nú er mikil tilhlökkun meðal meðlima golfklúbbsins. Feykir hafði samband við Aldísi Hilmarsdóttur formann Golfklúbbs Skagafjarðar, sem sagði nánar frá verkefninu.

Sagt er frá því á heimasíðu Skagafjarðar að þau merku tímamót áttu sér stað á þriðjudaginn síðasta að Sigrún Alda Sighvats, deildarstjóri launadeildar Skagafjarðar, fagnaði 40 ára starfsafmæli hjá sveitarfélaginu. „Sigrún hóf störf 26. maí árið 1986 og hefur síðan þá unnið samfleytt í fjóra áratugi í fullu stöðugildi, að undanskilinni einni viku árið 2008 þegar hún fór í veikindaleyfi.

Erlend fjárfestingarfyrirtæki sækja stíft að fá að reisa Vindmyllugarða á Íslandi. Þarna eru meðal annars á ferðinni erlendir einkafjárfestar sem vilja mjólka verðmæti og arð út úr raforkuframleiðslu á Íslandi og umbreyta þar með íslenskri náttúru með alvarlegum afleiðingum. Fram hefur komið að sótt hefur verið um að reisa vindmyllugarða á yfir 40 stöðum á landinu.

Hin árlega sumarhátíð leikskólans Ársala á Sauðárkróki fór fram í gær. Mikið var um dýrðir þar sem grillaðar voru pylsur, andlit máluð í öllum regnbogans litum og hægt að bregða sér á hestbak. Góð mæting var á hátíðina og allir í sólskinsskapi þó hitaskúr hafi skolað himininn um tíma.

Brautskráningarathöfn Hestafræðideildar Háskólans á Hólum fór fram í blíðskaparveðri á Hólum í Hjaltadal laugardaginn 23. maí. Dagurinn hófst á glæsilegri reiðsýningu brautskráningarkandídata á aðalreiðvelli skólans, þar sem brautskráningarkandídatar í BS námi í reiðmennsku og reiðkennslusýndu hesta sem þeir hafa unnið með í náminu og hluta þeirra prófa sem þeir hafa lokið.

Spánverjinn Carlos Dominguez Requena, eða Domi, er þjálfari kvennaliðs Tindastóls í fótbolta. Hann kom fyrst til landsins sem leikmaður árið 2018 og lék alls tvö tímabil með Kormáki/Hvöt og fjögur tímabil með Tindastól. Eftir að hafa spilað með Húnvetningum í fyrra lagði hann skóna á hilluna til að snúa sér alfarið að þjálfun. Þetta er hans fyrsta tímabil með meistaraflokk og fékk Feykir hann í spjall um sumarið fram undan.