Skagafjörður

Loksins þegar lífið virtist vera að færast í eðlilegt horf eftir kófþrungna mánuði og glimrandi gang í bólusetningum dúkkaði Covid-veiran upp á ný. Síðustu daga hefur talsvert verið um smit og eru þau um 150 síðustu tvo daga. Staðan er þannig þegar þessi frétt er skrifuð að 371 er í einangrun, 1043 í sóttkví og 1234 í skimunarsóttkví. Þrír eru á sjúkrahúsi. Sóttvarnarlæknir hefur sent heilbrigðisráðherra minnismiða með tillögum um aðgerðir og fundar ríkisstjórnin á Egilsstöðum í dag kl. 16 þar sem ákveðið verður til hvaða aðgerða verður gripið.

Nú á laugardaginn 24. júlí næstkomandi verður fjósið í Réttaholti í Blönduhlíð opið fyrir gestum, gangandi og keyrandi. Um er að ræða nýtt hátæknifjós í algerum sérflokki sem tekið var í notkun 12 .júní 2020 en ekki hefur gefist tækifæri til að hafa fjósið opið fyrr en nú sökum aðstæðna.

Klukkan 18:00 í dag verða dyrnar í Sauðá opnaðar fyrir almenningi í fyrsta sinn. Um er ræða nýjan veitingastað í minni Sauðárgils sem Feykir fjallaði nánar um fyrr í vikunni.

Gildandi sóknaráætlun landshlutans var samþykkt haustið 2019 og gildir árin 2020-2024. Að vinnunni við gerð hennar komu vel á fimmta hundrað íbúar landshlutans bæði með þátttöku í vefkönnun sem og fundum sem haldnir voru víða um landshlutann. Í áætluninni eru settar fram megin áherslur í þróun svæðisins byggt á fjórum megin málaflokkum, atvinnuþróun og nýsköpun, menningarmálum, umhverfismálum og menntamálum og lýðfræðilegri þróun. Áætlunin er leiðarljós við úthlutanir úr Uppbyggingarsjóði landshlutans sem og við skilgreiningu áhersluverkefna.

Mikil eftirspurn hefur verið eftir lóðum í Varmahlíð og margir hafa sótt um þær lóðir sem auglýstar hafa verið nýverið. Í ljósi þess áhuga hefur verið ákveðið að hraða deiluskipulagi og hönnun lóðar eins og hægt er. Stefnt er að því að úthluta nýjum lóðum með haustinu.

Undanfarin tvö sumur hefur veitingavagn undir heitinu Silli kokkur verið staðsettur fyrir utan bílaverkstæði Gylfa Ingimarssonar á Sauðárkróki. Um verðlaunavagn er að ræða því Silli Kokkur hefur verið valinn Götubiti ársins tvö ár í röð, í fyrra og nú í ár. Á bakvið vagninn stendur Sigvaldi Jóhannesson (Silli kokkur sjálfur) og kona hans Elsa Blöndal Sigfúsdóttir en hún er einmitt hreinræktaður Skagfirðingur, dóttir Vigdísar Blöndal Gunnarsdóttur og Sigfúsar Sigfússonar.

Tindastóll og Fylkir mættust í fallbaráttuslag í Pepsi Max deild kvenna á Króknum í gær. Leikurinn var því gríðarlega mikilvægur fyrir bæði lið og úr varð sæmilegasti naglbítur en eftir að Stólastúlkur náðu tveggja marka forystu í fyrri hálfleik minnkuðu Fylkisstúlkur muninn í síðari hálfleik og sóttu hart að marki Tindastóls á lokakaflanum. Gestirnir náðu þó ekki að jafna og lið Tindastóls fagnaði dýrmætum sigri og lyfti sér upp í áttunda sæti deildarinnar og þar með úr fallsæti. Lokatölu 2-1 fyrir Tindastól.

SSNV hefur ráið Ástrós Elísdóttur til sín sem verkefnisstjóra sóknaráætlunar landshlutans og atvinnuráðgjafa. Greint er frá ráðningunni á heimasíðu SSNV. Ástrós er með MA próf í ritlist frá Háskóla Íslands, BA próf í leikhúsfræður frá Listadeild Háskólans í Bologna, viðbótardiplomanámi til kennsluréttinda frá Háskóla Íslands og leiðsögumannanámi frá Leiðsöguskóla Íslands.

Stjórn körfuknattleiksdeildar Tindastóls hefur samið við nýja og efnilega leikmenn, sem og endurnýjað samninga í meistaraflokki kvenna.

Það hefur eflaust ekki farið framhjá neinum sem keyrir upp sjúkrahúsbrekkuna á Króknum að framkvæmdir hafa átt sér stað í og við gömlu hlöðuna sem stendur við rætur Sauðárgils og Litla-Skóg. Það eru þau Magnús Freyr Gíslason, arkitekt, Kolbrún Dögg Sigurðardóttir, kennari og Róbert Óttarsson, bakari sem standa á bakvið framkvæmdirnar, en þar er að búið að koma upp veitingastað sem mun opna núna á fimmtudaginn 22. júlí næstkomandi.