Skagafjörður

Þjóðminjasafn Íslands sendir nú út spurningaskrá um viðhorf almennings til torfhúsa og er henni ætlað að leiða í ljós hvaða sess torfhús skipa í hversdagslífi þjóðarinnar, minjavernd, fræðslu og ferðaþjónustu og hvort Íslendingar vilji vernda og nýta þannig hús með öðrum hætti en nú er gert. Með hugtakinu torfhús er átt við hús sem að meira eða minna leyti eru hlaðin úr torfi og grjóti.

Körfuknattleiksdeild Tindastóls hefur fundið aðstoðarmann Baldurs. Jan Bezica heitir hann og mun hann einnig þjálfa yngri flokka félagsins.

Í gærkvöldi fór fram bráðskemmtilegur leikur Tindastóls og Grindavíkur í Inkasso deild kvenna á Sauðárkróksvelli. Það vantaði svo sannarlega ekki upp á spennuna og mörkin í þessum leik því mörkin voru alls sjö. Fyrir leikinn var Tindastóll í sjötta sæti með níu stig en Grindavík í því fjórða.

Nú er tími hinna sönnu túrhesta og flengjast þeir vítt og breitt um landið. Hestamannafélagið Skagfirðingur heldur úti ferðanefnd fyrir félagsmenn og að auki við Jónsmessuferð var farin sér kvennaferð á dögunum. Um helgina stefnir nefndin á dagsferð í Reyki.

Margrét Erla Maack býður uppáhalds-skemmtikröftum sínum í þeysireið um Ísland og næstkomandi fimmtudagskvöld er stefnan sett á Sauðárkrók, en hópurinn kemur fram á skemmtistaðnum Mælifelli. Búkalú-ferðalagið er hálfnað um þessar mundir og skiptir Margrét út skemmtikröftum um hverja helgi. „Sýningin sjálf er skemmtiatriðahlaðborð – þar sem kynnir leiðir á svið mismunandi fólk sem gleður áhorfendur. Svona sýningarform er alltaf að verða vinsælla og vinsælla og býður upp á skemmtun fyrir fólk með mjög stutt athyglisspan,“ segir Margrét.

Stjórn knattspyrnudeildar Tindastóls og Yngvi Magnús Borgþórsson hafa komist að samkomulagi að Yngvi hætti störfum sem þjálfari liðsins. Í tilkynningu sem stjórn deildar sendi frá sér kemur fram að Arnar Skúli Atlason, sem var Yngva til aðstoðar undanfarnar vikur, muni taka við þjálfun liðsins á meðan leit stendur yfir að nýjum manni inn í þjálfarateymi meistaraflokks.

Þverpólitísk nefnd sem vinnur að tillögum um stofnun þjóðgarðs á miðhálendinu boðar til opinna funda um vinnu nefndarinnar. Á heimasíðu Sveitarfélagsins Skagafjarðar kemur fram að á fundunum veri farið yfir verkefni nefndarinnar fram til þessa, ásamt því að ræða lokaskrefin í vinnu hennar.

Körfuknattleiksdeild Tindastóll hefur samið við Króatíska framherjann Jasmin Perkovic. Jasmin er 38 ára gamall reynslumikill leikmaður og hefur spilað með liðum í Slóven­íu, Bosn­íu, Grikklandi, Ítal­íu og Þýskalandi. Jasmin er 2,05 metrar á hæð og er 117 kíló

Föstudagskvöldið 5. júlí mættust Afturelding og Tindastóll í Inkasso deild kvenna í blíðskapaveðri á Varmárvelli. Fyrir leikinn voru Tindastólsstúlkur í fimmta sæti með níu stig og með sigri gátu þær farið upp í þriðja sæti.

Fjölskylduhátíðin Náttúrubarnahátíð á Ströndum verður haldin í þriðja skiptið helgina 19.-21. júlí nú í sumar. Á hátíðinni fá allir gestir, bæði börn og fullorðnir, kjörið tækifæri til að finna eða rækta sitt innra náttúrubarn. Það er Náttúrubarnaskólinn sem stendur fyrir hátíðinni en hann hefur verið starfræktur síðan sumarið 2015. Náttúrubarnaskólinn stendur fyrir fjölbreyttum námskeiðum yfir sumartímann og miðar að því að fræða börn á öllum aldri um ólíkar hliðar náttúrunnar á námskeiðum sem snúast um útivist og náttúruskoðun þar sem þau læra með því að sjá, snerta og upplifa viðfangsefnin.