Það var lagið

Hvað er betra en þessi snilldarsmellur á góðum föstudegi þegar 17. júní nálgast og sólin skín. "Walk This Way" er lag bandarísku rokkhljómsveitinni Aerosmith samið af Steven Tyler og Joe Perry. Lagið var upphaflega haft á B hlið plötunnar Toys in the Attic frá 1975 og náði 10. sæti á Billboard listanum snemma árs 1977.

Það styttist í janúarmánuði og veðrið minnir allt eins á sumarið en veturinn. Það er því upplagt að gera gott sumarpartí og því er lagið að þessu sinni Body Moves með gleðisveitinni bandarisku, DNCE.

Hin ágæta hljómsveit The Killers hefur haft það fyrir venju síðustu árin að gefa út jólalag árlega og nú fyrir jólin kom út safnplata með þessum lögum. Þar er meðal annars að finna þetta ágæta lag, Another Christmas in LA, sem þeir flytja ásamt Dawes.

Hljómsveitin OK Go, sem ættuð er frá Chicago en gerir nú út frá Los Angeles, hefur ekki beinlínis tröllriðið vinsældalistum heimsins. Og þrátt fyrir að rokktónlist þeirra sé oft á tíðum hin áheyrilegasta þá eru það í raun myndböndin sem þeir gera við lögin sín sem vekja mesta athygli.

Christine and the Queens hafa vakið talsverða athygli upp á síðkastið en er í raun sviðsnafn frönsku listakonunnar Héloise Letissier. Verk hennar sameina tónlist, dans, listmyndbandagerð, teikningar og ljósmyndun.

Einn alflottasti sólsöngvari allra tíma, Daryl Hall, er sjötugur í dag. Hall er að sjálfsögðu frægastur fyrir að vera stóri ljóshærði gaurinn í einum vinsælasta dúett allra tíma, Hall & Oates, sem áttu sitt blómaskeið á hinum sígildu eitís-tímum.

Snillingurinn Lady Gaga er komin á ferðina aftur og nú nýlega skellti hún hinu eiturhressa lagi, Perfect Illusion, út á alnetið ásamt tilheyrandi myndbandi. Það er alltaf gaman af þessari mögnuðu fjöllistakonu.

Lissie er frábær bandarísk tónlistarkona sem hefur kannski ekki alveg náð að slá í gegn. Hún hefur gefið út þrjár sólóplötur og nokkrar EP með ágætum ábreiðum. Hún er í uppáhaldi á Feyki.

Hljómsveitin Kaleo úr sveit Mosfells hefur verið í meikinu í USA síðustu misserin. Ekki er laust við að örlítið hafi hlaupið á snærið hjá þessu sterka bandi á dögunum þegar kynningarherferð vegna nýs sjónvarpsþáttar þeirra stjörnufóstbræðra Martin Scorsese og Mick Jagger, Vinyl, fór á yfirsnúning. Þannig var myndband við lag þeirra, No Good, notað sem eitt helsta kynningarefni sjónvarpsþáttarins.

Hinn magnaði listamaður, David Bowie, lést 10. janúar og hafði aðeins örfáum dögum áður sent frá sér sína nýjustu sólóplötu, Black Star. Bowie naut gríðarlegrar virðingar í tónlistarheiminum, var oft líkt við kamelljón því hann virtist geta tileinkað sér hinar ólíkustu tónlistarstefnur og gert að sínum. Lagið að þessu sinni er Let's Dance af samnefndri plötu sem var hans vinsælasta þó hún þætti kannski ekki hans besta.