V-Húnavatnssýsla

500 milljónir í Bjargráðasjóð vegna óvenju mikilla kal- og girðingatjóna

Kristján Þór Júlíusson, sjávarútvegs- og landbúnaðarráðherra, hefur tryggt aukið fjármagn til Bjargráðasjóðs vegna óvenju mikilla kal- og girðingatjóna síðasta vetur. Veitt verður 500 milljónum aukalega í sjóðinn á árinu 2020.
Meira

Bjart framundan hjá Pure Natura

Pure Natura var stofnað 2015 og framleiðir svökölluð fæðuunnin bætiefni eða bætiefni sem unnin eru úr raunverulegum mat. „Við nýtum næringaþéttustu fæðu sem fyrirfinnst, innmat úr íslenskum lömbum, eins og lifur, hjörtu, nýru, eistu og þess háttar, en auk þess nýtum við einnig heilsujurtir í vörurnar til að styðja enn frekar við virkni þeirra. Það þekkja t.d. allir lýsi og þá eiginleika sem það inniheldur, en lýsi er einmitt líka unnið úr innmat – bara innmat úr þorski en ekki lambi,“ segir Hildur Magnúsdóttir, framkvæmdastjóri Pure Natura, í samtali við Feyki. Hildur er M.Sc. í fjármálum og alþjóðaviðskiptum frá Árósaháskóla en starfaði áður sem atvinnuráðgjafi hjá SSNV. Hún er búsett á Ríp í Hegranesi.
Meira

Viðhorf fólks gagnvart torfhúsaarfi þjóðarinnar - Vísindi og grautur

Ferðamáladeild Háskólans á Hólum hafa undanfarna vetur haldið fyrirlestraröð undir heitinu Vísindi og grautur. Vegna Covid-19 hefur þessi fyrirlestraröð verið flutt á netið í vetur og verður því aðgengileg öllum áhugasömum. Annað erindi vetrarins verður haldið miðvikudaginn 2. desember næstkomandi. Í tilkynningu frá ferðamáladeild segir að í erindinu muni Sigríður Sigurðardóttir fjalla um niðurstöður rannsóknar um viðhorf fólks gagnvart torfhúsaarfi þjóðarinnar, hvaða sess torhús hafa í hugum heimamanna og viðbrögð erlendra gesta gagnvart þeim.
Meira

Vont veður í kortunum

Veðurstofan hefur gefið út appelsínugula viðvörun vegna veðurs fyrir Faxaflóa, Breiðafjörð, Strandir og Norðurland vestra og Miðhálendi í kvöld og fram yfir miðnættið og gul viðvörun gildir fyrir Höfuðborgarsvæðið, Suðurland, Faxaflóa, Vestfirði, Strandir og Norðurland vestra og Norðurland eystra á morgun 26. nóv. frá hádegi og fram á föstudagsmorgun. Spáð er vaxandi suðaustanátt og að það þykkni upp, 18-25 m/s og snjókomu eða slyddu með köflum í kvöld og hlýnar, en sunnan 20-28 um miðnætti og úrkomuminna. Suðvestan 10-18 og él í fyrramálið, en 18-23 eftir hádegi og kólnar. Heldur hvassara annað kvöld.
Meira

Jólablað Feykis 2020 komið út

Í dag er útgáfudagur Jólablaðs Feykis og í dag og næstu daga ættu áskrifendur og allir íbúar á Norðurlandi vestra að fá hressilegt blað inn um bréfalúguna. JólaFeykir er 40 síður að þessu sinni, stútfullt af fjölbreyttu efni og auglýsingum. Það er nú þegar komið á netið þannig að þeir sem ekki geta setið á sér geta stolist í það strax.
Meira

Ekkert Covid á Norðurlandi vestra

„Það er ástæða til að fagna áfangasigri hjá okkur á Norðurlandi vestra. Tafla dagsins er einstaklega ánægjuleg og vonumst við að hún haldist svona áfram,“ segir í tilkynning frá aðgerðastjórn almannavarna á Norðurlandi vestra en hnykkt er á því að til þess að svo verði áfram þurfa allir að halda vöku sinni og huga áfram að einstaklingsbundnu sóttvörnum, „ … því að almannavarnir í þessu tilfelli byrja heima!“
Meira

Erfiðast fyrir fólk að geta ekki komið saman, hist og blandað geði við aðra

Feykir hafði samband við séra Sigríði Gunnarsdóttur, sóknarprest í Sauðárkróksprestakalli, og forvitnaðist örlítið um kirkjuhald nú á aðventu og jólum. Sigríður segir fátt benda til þess að samkomur á aðventu geti verið með sama sniði og áður. „Ég lifi í voninni að ástandið verði orðið það stöðugt um jól að fólki verði óhætt að ganga til kirkju,“ segir séra Sigríður.
Meira

Roðagyllum heiminn og Ísland líka

Það hefur aldrei verið mikilvægara en nú á tímum kóvíd-19 að vekja athygli á þeirri staðreynd að ofbeldi gegn konum hefur aukist í heiminum. Dagana 25. nóvember til 10. desember munu Alþjóðasamtök Soroptimista, ásamt fjölda annarra félagasamtaka, standa fyrir sextán daga átaki á heimsvísu sem nefnist „Orange the world“. Markmiðið er að vekja athygli á ofbeldi gegn konum undir heitinu „Roðagyllum heiminn“. Þessi litur táknar bjartari framtíð án ofbeldis.
Meira

Skorar á Reykjavíkurborg að draga til baka kröfu sína á Jöfnunarsjóð

Byggðarráð Sveitarfélagsins Skagafjarðar harmar þá stöðu sem upp er komin í málefnum Jöfnunarsjóðs sveitarfélaga en í bókun ráðsins segir að Reykjavíkurborg virðist ætla að halda til streitu kröfu á hendur Jöfnunarsjóði upp á um 8,7 milljarða króna fyrir meint vangoldin framlög úr sjóðnum. Þessari kröfu hefur þegar verið hafnað af hálfu ríkisins og hefur Sigurður Ingi Jóhannsson, samgöngu- og sveitarstjórnarráðherra, sagt að krafa borgarinnar væri ósanngjörn og óskynsamleg.
Meira

Páll Pétursson, fv. alþingismaður og ráðherra, lést í gær

Forseti Alþingis, Steingrímur J. Sigfússon, flutti minningarorð um Pál Pétursson, fyrrverandi alþingismann og ráðherra á þingfundi í morgun en Páll lést eftir erfið veikindi í gær. Páll, jafnan kenndur við Höllustaði í Blöndudal í Austur-Húnavatnssýslu, var alþingismaður Norðurlands vestra 1974–2003 fyrir Framsóknarflokkinn, félagsmálaráðherra 1995–2003 og formaður þingflokks Framsóknarflokksins 1980–1994.
Meira