Fréttir

Nýnemar í Fjölbrautarskóla Norðurlands vestra mættu til leiks í morgun á nýnemakynningu sem stendur yfir en skólinn verður svo settur á morgun.

Það komu margir góðir gestir á Krókinn til að taka þátt í Unglingalandsmótinu um verslunarmannahelgina. Fjórar körfuboltastúlkur í Val á aldrinum 14-15 ára ákváðu rétt áður en mótið skall á að drífa sig norður. Svo skemmtilega vildi til að þrjár þeirra eiga ættir að rekja á Krókinn. Feykir fékk Elmu Kristínu Stefánsdóttur til að svara nokkrum spurningum og við byrjuðum á að spyrja hver hún væri.

Í Dalatúninu á Sauðárkróki býr Helgi Sigurjón Gíslason en hann er sonur þeirra Gísla Rúnars og Valborgar Jónínu. Helgi er yngstur sinna systkina en hann á tvær eldri systur, þær Þóreyju Elsu og Sigurlínu Erlu, og þrjá eldri bræður, þá Þorstein Elí, Guðmar Frey og Magnús Eyþór. Helgi kláraði sitt fyrsta ár í FNV núna í vor en hann hefur tekið virkan þátt í félagslífinu þar sem hann var hluti af svokallaðri Veiðinefnd, en sú nefnd var dugleg að halda viðburði utan skóla fyrir nemendur.

Búið er að framlengja umsóknarfrest vegna Skúnaskralls – barnamenningarhátíðar Norðurlands vestra, en tekið verður við umsóknum til og með 24. ágúst. Eins og vonandi öllum er kunnugt mun barnamenningarhátíðin Skúnaskrall fara fram dagana 21. október til 4. nóvember 2026 undir yfirskriftinni Öll saman. Hátíðin er haldin á vegum SSNV í góðu samstarfi við sveitarfélögin á Norðurlandi vestra og er markmið hennar að börn og ungmenni á svæðinu fái að njóta fjölbreyttrar og vandaðrar menningardagskrár í sínu nærumhverfi.

Skipulagsnefnd Skagafjarðar samþykkti samhljóða á fundi sínum í síðustu viku að leggja til við sveitarstjórn að veita framkvæmdaleyfi fyrir lagningu reiðvegar frá austari vatnabrú Héraðsvatna við Lón upp að Siglufjarðarvegi. Nefndin fagnaðo um leið umsókninni sem miðar að því að auka öryggi hestamanna sem og annarra vegfarenda um svæðið.

Gleðiganga var í fyrsta sinn haldin á laugadaginn á Sauðárkróki eftir fyrstu hinsegin dagaviku Skagafjarðar. Feykir heyrði í Maríu Neves deildastjóra þróunnar, miðlunar og menningar hjá sveitarfélaginu. En gefum Maríu orðið:

Alls hafa 2.216 laxar veiðst í sjö helstu laxveiðiánum í Húnavatnssýslunum tveimur sem af er sumri. Húnahornið segir frá því að mest hefur veiðst í Miðfjarðará eða 958 laxar en þar er veitt á tíu stangir. Næst flestir laxar hafa veiðst í Blöndu eða 393 en þar er veitt á átta stangir. Þetta er ágætis uppsveifla miðað við árið á undan en aðeins 54 laxar veiddust í Blöndu í fyrra.

Á fb. síðu sinni segir Gunnar Rögnvaldsson: „Hjaltadalurinn var baðaður sólskini um helgina þegar Hólahátíðin var haldin. Á laugardaginn var hún tileinkuð börnum með samkomu við Auðunnarstofu en einnig var gengið til helgihalds í Gvendarskál. Á sunnudaginn var svo hin hefðbundna hátíð, fyrst með guðsþjónustu og svo fjölbreyttri dagskrá í tali og tónum þar sem forsætisráðherra Kristrún Frostadóttir hélt hátíðarræðuna. Hún kom víða við og ekki annað að skilja en ráðuneyti hennar vilji veg Hólastaðar sem mestan. Fjöldi fólks sótti Hóla heim um helgina og naut vandaðrar dagskrár sem vígslubiskupshjónin sr. Gísli og Þuríður höfðu veg og vanda að.”

Orka náttúrunnar þarf að loka tímabundið aðgengi að hraðhleðslustöðvum sínum í Víðigerði vegna malbikunarframkvæmda á svæðinu. Aðgengi að hleðslustöðvunum verður lokað um kl. 8 í fyrramálið, þriðjudaginn 18. ágúst til miðvikudagskvölds, 19. ágúst.

Margrét Magnúsdóttir, landsliðsþjálfari U16 kvenna, hefur valið leikmannahóp til æfinga dagana 19.-20. ágúst. Einn leikmaður úr Lengjudeildarliði Stólastúlkna er í hópnum en það er Hrafney Lea Árnadóttir en hún hefur leikið flesta leiki Tindastóls í sumar auk þess að spila með 3. flokki.