Fréttir

Menntabúðir 2026 fóru fram um helgina í Fjölbrautaskóla Norðurlands vestra, þar sem saman komu yfir áttatíu þátttakendur úr tuttugu björgunarsveitum víðs vegar af landinu. Um var að ræða dagslanga ráðstefnu fyrir björgunarsveitafólk þar sem lögð var áhersla á fræðslu, miðlun reynslu og samveru.

„Ég heiti Sigurvald Ívar Helgason og er með lögheimili á Hvammstanga en hef undanfarin misseri meira eða minna búið í ferðatösku, starfs míns vegna, út um hvippinn og hvappinn,“ segir Silli sem fæddist árið 1972, sama ár og Ziggy Stardust eins og hann segir sjálfur. Hann er fæddur og uppalinn á Hvammstanga, sonur hjónanna Helga Sæmundar Ólafssonar og Dóru Eðvaldsdóttur. Það var tíu ára ferli að fá kappann til að setjast niður og svara Tón-lystinni og í þriðju tilraun hafðist það.

Kafarar varðskipsins Þórs losuðu veiðarfæri sem festust í skrúfu Drangeyjar SK1 síðastliðinn miðvikudag en þá óskaði skipstjórinn eftir aðstoð Landhelgisgæslunnar.Togarinn, sem er í eigu FISK Seafood, var á veiðum um 25 sjómílur vestnorðvestur af Bjargtöngum. Varðskipið Þór sem var á siglingu í Breiðafirði var kallað út og kom á vettvang um fjórum klukkustundum síðar.

Tvö af toppliðum Bónus deildarinnar mættust í Síkinu í kvöld en þá tóku Stólar á móti Grindvíkingum sem hafa hreinlega varla kunnað að tapa í vetur. Úr varð hin besta skemmtun, leikur sem var allan tímann fjörugur og spennandi. Góður kafli heimamanna undir lok fyrri hálfleik reyndist mikilvægur og þó gestirnir kæmust nokkrum sinnum yfir í síðari hálfleik þó höfðu heimamenn undirtökin og náðu að landa sigrinum. Lokatölur 92-87.

Það er leikur í Síkinu í kvöld og það enginn smá leikur því topplið Grindavíkur kemur í heimsókn í Síkið. Þeir gulu hafa verið í miklu stuði í Bónus deildinni í vetur og aðeins tapað tveimur af 18 leikjum sínum á sama tíma og lið Tindastóls hefur tapað fimm. Athugið að leikurinn hefst kl. 19:00.

María Dögg Jóhannesdóttir er 24 ára Sauðkrækingur og uppalin á Sauðárkróki, dóttir Helgu Eyjólfs og Jóa Þórðar Hansen og í sambandi með Sverri Hrafni Friðsikssyni fyrirliða karlaliðs Tindastóls. María Dögg hefur verið í Tindastólstreyjunni frá blautu barnsbeini og staðið vaktina með liði Tindastóls í efstu deildunum tveimu og spilað yfir 150 leiki með meistaraflokki. Hún hefur varla misst úr leik eða mínútu. síðan hún spilaði sinn fyrsta leik með meistaraflokki fyrir tíu árum.

Fram kemur á vef Morgunblaðsins að Siglufjarðarvegur er lokaður vegna snjóflóðs en frekari upplýsingar liggja ekki fyrir að svo stöddu. Að sögn Magna Hreins Jónssonar, ofanflóðasérfræðings hjá Veðurstofu Íslands, sem ræddi við mbl.is féll flóðið úr Miðstrandargili, Siglufjarðarmegin við Strákagöngin, og niður á veginn. Segir Magni Veðurstofunni hafa borist tilkynning um atburðinn skömmu fyrir hádegi en flóðið mun hafa verið nokkuð stórt.

Það var skemmtileg frétt á Facebook-síðu HSN á Norðurlandi sem okkur fannst nauðsynlegt að deila með lesendum Feykis svona rétt fyrir helgina og má segja að þetta sé krúttfrétt vikunnar.

Jóhann Páll Jóhannsson, umhverfis-, orku- og loftslagsráðherra, hefur kynnt hugmyndir um róttækar breytingar á raforkulögum. Samkvæmt þeim yrði ríkinu og fyrirtækjum þess veittar auknar heimildir til að hraða innviðaframkvæmdum og „ryðja hindrunum úr vegi“ sem taldar eru hamla framgangi orkuflutnings. Þessi grein er ekki skrifuð í þeim tilgangi að gera lítið úr mikilvægi þess að efla raforkuflutningskerfið.

Þeim á Veðurstofunni hefur sennilega fundist nóg um hvað við hér á Norðurlandi vestra höfum sloppið vel frá veðrinu í vetur og hafa skellt á okkur gulri veðurviðvörun á morgun, laugardag. Sú gula stendur frá því 8 í fyrramálið og eitthvað fram eftir degi. Spáin fyrir næsta sólarhring er á þessa leið fyrir Strandir og Norðurland vestra: „Sunnan 13-18 m/s og slydda eða rigning með köflum, en él með kvöldinu. Hiti 2 til 9 stig að deginum. 15-25 í nótt og á morgun og slydda eða él, hvassast á Ströndum. Heldur hægari annað kvöld. Kólnandi veður með hita um og yfir frostmarki.“