Fréttir

Dagana 11.-18. júní voru 3. flokks Stólastúlkur í fótbolta, staddar í Barcelona þar sem þær kepptu á Barcelona Cup. Liðið keppti fjóra leiki í heildina, sem hefðu átt að vera fimm en eitt lið mætti ekki til leiks. Þær stóðu sig ótrúlega vel og enduðu mótið í öðru sæti. Feykir heyrði í Benjamín Jóhannesi Vilbergssyni og fékk hann til að segja frá ferðinni.

Það er mikið framkvæmt í Húnabyggð þetta sumarið og það fer ekki framhjá nokkrum manni sem á annað borð fylgist með Valdimar Guðmannssyni á Facebook – eða Valla í Húnabyggð. Hann er alltaf tilbúinn að halda nafni Húnabyggðar hátt á lofti og því datt Feyki í hug á fimmtudaginn að það væri reynandi að plata hann til að safna saman nokkrum nokkrum myndum og útbúa framkvæmdafrétt. Það þurfti ekki spyrja hann tvisvar.

Það var bragðdaufur bragðarefur í boði á Blönduósi í dag þegar lið Kormáks/Hvatar tók á móti liði Víkings frá Ólafsvík í gulri viðvörun. Eftir að hafa borið sigurorð af Víkingum tvívegis í sumar þá náðu gestirnir að loka markinu sínu og það gerðu Húnvetningar líka. Það var því markalaust og liðin, sem bæði sigla lygnan sjó um miðja deild, máttu sættu sig við að skiptast á jafnan hlut.

Karlalið Tindastóls skaust í Kópavoginn í dag en spilað var við lið Ýmis í Kórnum. Keppni í 3. deildinni er jöfn og spennandi og þeð eru fimm lið sem á þessum tímapunkti gera sig gildandi í toppbaráttunni; Víðir og Tindastóll eru efst með 25 stig (Víðir á leik inni), KH er með stigi minna, KV er með 21 stig og Reynir Sandgerði 20. Stólarnir lentu í hörkuleik en höfðu öll stigin með sér norður.

Það mun verða hægt að minnast landsmótsins á Hólum fyrir margt. Þar undirstrikuðust orð Ingimars Ingimarssonar í viðtali í Feyki fyrr í vor þegar hann sagði að ofgnóttin af frábærum hrossum væri slík að maður mettast fljót og vill þá bara setjast niður og fá sér kaffi.

Kvennalið Tindastóls átti að spila við lið Keflavíkur í dag kl. 16 á HS Orku vellinum suður með sjó. Um var að ræða leik í fyrstu umferð síðari umferðar Lengjudeildarinnar. Það fór hins vegar svo að Stólastúlkur gáfu leikinn og teljast því hafa tapað honum 3-0.

Þó að kosningarnar í ágúst fjalli eingöngu um hvort halda skuli áfram aðildarumsókn þá hverfist umræðan um Evrópusambandið gjarnan um efnahagsmuni, tolla, markaðsaðgang, vexti og verðbólgu. Það er sannarlega eðlilegt að þessi atriði séu skoðuð og metin þegar tekin er afstaða til mögulegrar aðildar Íslands að ES. En Evrópusambandið (ES) er miklu meira og flóknara fyrirbæri. Evrópusambandið er í raun einstakt samstarfsverkefni þjóða sem byggir ekki aðeins á efnahagslegri samvinnu heldur einnig á sameiginlegum gildum um lýðræði, mannréttindi, félagslegt réttlæti og vernd umhverfisins. Frá stofnun þess hefur sambandið þróast úr efnahagsbandalagi ( European Coal and Steel Community, ECSC stofnað 1951/1952) í víðtækt samfélag ríkja sem leitast við að tryggja íbúum sínum öryggi, velferð og jöfn tækifæri.

Opnunarhátíð Landsmóts Hestamanna fór fram á aðalvelli mótsins í gærkvöldi. Þar kom saman fjöldinn allur og fylgdust með glæsilegu athöfninni. Karlakórinn Heimir flutti nokkur hestalög, heiðursgestir héldu ávörp og hópreiðin var glæsileg.

Brák íbúðafélaghefur tekið í notkun átta íbúðir að Norðurbraut 15 á Hvammstanga en frá þessu greinir á heimasíðu Húnaþings vestra. Íbúðirnar eru byggðar með stofnframlögum frá ríkinu og Húnaþingi vestra. Verkefnið byggir á samkomulagi sveitarfélagsins, innviðaráðuneytis og HMS um aukna uppbyggingu íbúðarhúsnæðis í Húnaþingi vestra sem undirritað var í mars 2024.

Síðastliðinn miðvikudag fór fram fyrsti fundur nýrrar byggingarnefndar skóla- og íþróttamannvirkja á Hofsósi. Fundurinn var haldinn á Hofsósi í blíðskaparveðri og fengu aðalmenn nefndarinnar, þau Eyþór Fannar Sveinsson, Sólborg Sigurrós Borgarsdóttir, Einar Eðvald Einarsson og Högni Elfar Gylfason, greinagóða kynningu á því hvar verkefnið er statt.