Byggðarráð ítrekar mikilvægi þess að ráðist verði í úrbætur vegna bensínleka á Hofsósi
Á fundi byggðarráðs Skagafjarðar 19. maí sl. lýsti byggðarráð furðu sinni með að Umhverfisstofnun hafi ekki formlega svarað erindi sveitarfélagsins sem sent var þann 17. mars sl., þrátt fyrir loforð þar um. Í erindinu var Umhverfisstofnun krafin um upplýsingar vegna magns og upphafs mengunar á bensínleka sem varð á Hofsósi útfrá bensínstöð N1 þar í bæ, en fjölskylda á Hofsósi neyddist til að yfirgefa húsnæði sitt í Desember 2019 sökum bensínlyktar í húsnæðinu. Svar frá Umhverfisstofnun barst síðan þann 19. maí sl.
„Byggðarráð lýsir yfir furðu með að Umhverfisstofnun hafi ekki formlega svarað erindi sveitarfélagsins frá 17.03. 2021, þrátt fyrir loforð þar um. Er sveitarstjóra falið að ganga eftir formlegu svari við erindinu.“
Erindið var svo hljóðandi.
"Byggðarráð samþykkir að fela sveitarstjóra að kanna, með aðstoð lögmanns sveitarfélagsins, bótagrundvöll og móta kröfugerð gagnvart þeim sem ábyrgð bera á mengunartjóninu á Hofsósi. Jafnframt að leita allra leiða til þess að knýja fram upplýsingar, m.a. frá N1 og Umhverfisstofnun um magn og upphaf mengunar og enn fremur að leita viðræðna við N1 um fullnægjandi kortlagningu mengunar og um það hvernig heppilegast er að standa að upprætingu hennar."
Umhverfisstofnun svaraði erindinu þann 19. maí sl. en í því bréfi leitast Umhverfisstofnun við að veita yfirsýn yfir þau afskipti sem stofnunin hefur haft af bensínlekanum á Hofsósi, þó ekki sé tæmandi talið.
Byggðarráð tók fyrir bréfið frá Umhverfisstofnun á fundi sínum þann 26. maí sl., þakkaði veittar upplýsingar og ítrekaði mikilvægi þess að ráðist verði í viðeigandi og varanlegar úrbætur á Hofsósi sökum bensínlekans.
„Byggðarráð þakkar fyrir veittar upplýsingar og felur sveitarstjóra að taka efni bréfsins til skoðunar í tengslum við vinnu sem varðar bótagrundvöll og kröfugerð gagnvart þeim sem bera ábyrgð á mengunartjóninu á Hofsósi sem og vegna seinagangs í tengslum við úrbætur vegna tjónsins. Byggðarráð ítrekar mikilvægi þess að nú þegar verði ráðist í viðeigandi og varanlegar úrbætur.“
Tengdar fréttir:
Líklegast að mengun komi frá lekum eldsneytistanki N1 á Hofsósi
Olíutankur á Hofsósi stóðst ekki lekapróf
Umfangmengunar vegna bensínleka skoðað á Hofsósi
Starfsleyfi bensínstöðvarinnar á Hofsósi rann út 1. janúar sl
Jarðvegssýni tekin á Hofsósi í síðustu viku
Gagnrýna Umhverfisstofnun fyrir seinagang í bensínmengunarmálinu
Hvar liggur ábyrgðin?
Kanna bótagrundvöll vegna bensínleka
/SMH
Fleiri fréttir
-
Vignir Vatnar varð Íslandsmeistari í skák
feykir.is Austur-Húnavatnssýsla, Íþróttir, Lokað efni 22.06.2025 kl. 17.10Æsispennandi Íslandsmóti í skák lauk í gær á Blönduósi með sigri Vignis Vatnars Stefánssonar, stórmeistara í skák, og hann stóð því uppi sem Íslandsmeistari í skák með sex og hálfan vinning að loknum átta umferðum. Fyrir lokaumferðina voru fjórir skákmenn efstir og jafnir með 5,5 vinning.Meira -
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira
