Fréttir

Í dag er alþjóðlegi brandara dagurinn og á ég nú erfitt með að láta þennan dag fram hjá mér fara þar sem ég hef ótrúlega gaman að því að lesa góða brandara, stundum yfirfæri ég þá yfir á mig, mína vini og fjölskylduna, sem hefur vakið mikla lukku, því langar mig að deila nokkrum góðum með ykkur hér á feyki.is í dag.

Ef við fáum ekki gott veður um helgina þá er um að gera að setja í tertu, kveikja á uppáhalds tónlistinni, setjast niður í þægilegan stól, upp með fætur, njóta tertunnar og ímynda sér að maður sé á sólarströnd í góðra vina hópi.

Þetta myndband sprengdi krúttskalann hjá mér því það er alltaf svo gaman að sjá þegar börn og dýr getað notið tilvistar hvors annars. Hér eru bræðurnir Viktor Darri og Kristján Franz að fá sér súp með hestinum Yl í mestu makindum. Það var móðir þeirra, hún Stefanie Wermelinger, sem tók þetta upp og deildi á facebook síðunni sinni og hefur það vakið mikla lukku. Hún er menntaður reiðkennari og tamningarkona og eiginmaður hennar er Kristján Elvar Gíslason járningarmeistari, þau búa á Sauðárkróki.

Það hefur ekki farið framhjá neinum, sem býr á Sauðárkróki, að nýr bíll er í bænum. Um er að ræða breytta Toyotu Corollu og kallast NeuRat. Þetta er nýtt trend í dag sem tekið var upp til að minnast RatRod sem menn gerðu mikið af hér áður fyrr. Reynar er enn verið að smíða RatRod í dag en í þá er notað mikið eldri bíla en þá sem eru úr nútíma samfélaginu, eins og þessi er úr.