Fréttir

Á nýafstöðnu landsþingi hestamanna sem haldið var í Hveragerði 30. – 31. okt. var lögð fram tillaga frá hestamannafélögunum á höfuðborgarsvæðinu um að landssambandið skildi stefna að því að fundinn yrði einn landsmótsstaður til frambúðar. Þó það væri ekki sagt beinum orðum var það augljóst að þessi staður skildi vera Víðidalur í Reykjavík.

Landslið Íslands í U15 karla vann flottan 4-1 sigur gegn Grikklandi í síðasta leik liðsins á UEFA Development móti í Austurríki en áður hafði liðið gert jafntefli við Austurríki en tapað fyrir Spánverjum. Líkt og Feykir sagði frá fyrir helgi er Guðni Bent Helgason úr Tindastóli með liðinu og hann gerði sér lítið fyrir og skoraði fjórða mark Íslands í leiknum gegn Grikkjum.

Það er stór dagur fyrir Silfrastaðakirkju því eftir 5 ára dvöl hjá trésmiðjunni Ýr, verður hún hífð á vörubílspall og flutt heim í Silfrastaði. Þetta mun gerast núna á milli 10 og 11.

Feðgarnir Patrik Snær Bjarnason og Bjarni Ottósson hafa nýlega kynnt til leiks bifreiðaþjónustu sína, Snæ ehf. Á Facebook-síðu Skagastrandar segir frá því að fyrirtækið býður upp á helstu bílaviðgerðir, neyðarþjónustu, bílaflutninga auk þjónustu á sviði krana- og gröfuverktöku. Síðastliðið sumar sinntu feðgarnir meðal annars fjölbreyttum verkefnum fyrir bílaleigur og aðstoðuðu ferðamenn á ferð um Norðurland.

Vefur Skagafjarðar vekur athygli á því að lokað verður fyrir umferð á Eyrarvegi á Sauðárkróki miðvikudaginn 4. nóvember vegna framkvæmda. Lokunin tekur gildi kl. 8:00 og stendur fram eftir degi.

Það gleður okkur að kynna að hann Matheus Gotler hefur skrifað undir nýjan samning við Tindastól. Matheus Gotler kom til okkar fyrir síðasta tímabil og spilaði 18 leiki í deildinni og skoraði 13 mörk. Á lokahófi Mfl. Tindastóls var hann valinn besti leikmaður meistaraflokks karla.

Hið árlega Dansmaraþon 10. bekkinga í Árskóla hefst á morgun, miðvikudaginn 4. nóvember kl. 10:00 og lýkur fimmtudaginn 5. nóvember kl. 10:00. Nemendur úr árgangi 2011 dansa því í heilan sólarhring. Logi Vígþórsson hefur stýrt dansinum um árabil en nú er Ingunn Margrét að taka við af honum og þetta árið stjórna þau dansinum saman.

„Ég var ánægður með karakterinn sem að liðið sýndi og baráttuna. Við leggjum mikla áherslu á það að gefa okkur allar í verkefnin og gerðu þær það í gær,“ sagði Hlynur Freyri í samtali við Feyki í morgun en hann var að stýra sinum fyrsta leik eftir að hafa tekið við liði Tindastóls fyrir helgi. Hann þekkir að sjálfsögðu liðið vel, enda búinn að vera aðstoðarþjálfari hjá Israel Martin

Hrekkjavökuballið mikla fór fram á Hofsósi síðastliðið föstudagskvöld. Alls konar lið dreif að víða af Norðurlandi þó krakkar af Norðurlandi vestra væru í meirihluta. Ballið var liður í Skúnaskralli, barnamenningarhátíð Norðurlands vestra, og þegar Feykir spurði Konráð Frey Sigurðsson hjá Félagsmiðstöðinni Friði í Skagafirði hvernig til hefði tekist á Hofsósi var svarið: „Algjörlega frábærlega!“

Það var spilað í Bónus deild kvenna í körfubolta í gær og fyrsti leikur Hlyns Freys sem aðalþjálfara Tindastóls var í Vesturbænum gegn spræku KR-liði. Þrátt fyrir að mæta fáliðaðar til leiks og án Maddíar (sem er ekki komin) þá börðust okkar stúlkur eins og hetjur og var leikurinn spennandi og jafn í fjórða leikhluta. Heimaliðið hafði þó betur á endanum og sigraði 83-78.