Fréttir

Maður var fluttur með sjúkraflugi á bráðamóttökuna við Fossvog í gær eftir að hafa lent í slysi við uppsetningu skíðalyftu í Tindastól. Verið var að koma endahjóli fyrir á endamastur, gírnum á drifstöðina, þegar spotti slitnaði með þeim afleiðingum að hjólið féll ofan á manninn.

Fiskmarkaður Íslands hf. opnaði starfsstöð á Sauðárkróki sl. mánudag til viðbótar við þær átta sem félagið hefur rekið víða um land. Til þessa hefur ekki verið aðgengilegt að selja afla frá Sauðárkróki með endurvigt og verður það stærsta breytingin, að sögn Arons Baldurssonar, framkvæmdastjóra fyrirtækisins.

Hreindís Ylva Garðarsdóttir Holm var kjörin nýr formaður Ungra vinstri grænna á landsfundi hreyfingarinnar sem fram fór í Hafnarfirði um helgina. Í Ungum vinstri grænum eru starfandi tvær stjórnir; framkvæmdastjórn sem sér um daglegan rekstur hreyfingarinnar og við hana bætist landstjórn sem er æðsta vald milli landsfunda.

Ferðafélag Íslands stendur fyrir lýðheilsugöngum nú í september líkt og það gerði á síðasta ári. Göngurnar verða alla miðvikudaga í september og hefjast þær klukkan 18:00. Um er að ræða fjölskylduvænar göngur sem taka u.þ.b. 60-90 mínútur þar sem megin tilgangurinn er sá að hvetja fólk til útivistar og hreyfingar í góðum félagsskap og efla þar með heilsu sína og lífsgæði.

Á vef Húnaþings vestra segir frá því að Eiríkur Steinarsson hafi verið ráðinn í nýtt starf náms- og starfsráðgjafa við Grunnskóla Húnaþings vestra.

Í gær hófust malbikunarframkvæmdir á Skagaströnd en þá lagði malbikunarflokkur fyrstu fermetrana á útsýnisstaðinn á Spákonufellsöfða. Á næstu dögum er ætlunin að malbika alls um 15.700 m2,, bæði plön og götur. Þar af verða 8.500 m2 nýlagnir á plön og götur og 7.200 m2 yfirlagnir á gamalt og lélegt slitlag gatna að því segir á vef Skagastrandar.

Nafn: Sólborg Una Pálsdóttir. Hverra manna ertu og hvar upp alin: Alin upp í Austur-Húnavatnssýslu og er reglulega minnt á það hér í Skagafirði. Foreldrar eru þau Páll Þórðarson og Ingibjörg Guðmundsdóttir, stórbændur á Sauðanesi. Starf / nám: Héraðsskjalavörður Skagfirðinga. Er sagnfræðingur og fornleifafræðingur. Hvað er eftirminnilegast frá fermingardeginum? Man eiginlega bara eftir bleika dressinu og hárgreiðslunni. Hlýt að hafa misst meðvitund út af stórkostlegu magni hárlakks. Hvernig slakarðu á? Sötra kaffi, smjatta á súkkulaði og les eitthvað gáfulegt.

Heilbrigðisstofnun Norðurlands hefur ráðið Bryndísi Lilju Hallsdóttur í starf mannauðsstjóra. Bryndís er með B.S. gráðu í sálfræði frá HÍ og meistaragráðu í mannauðsstjórnun frá sama skóla. Þetta kemur fram á vef stofnunarinnar.

Sumir eru heppnari en aðrir og má segja að Hjálmar Jónsson, fv. prófastur á Sauðárkróki og síðar Dómkirkjuprestur, sé einn þeirra en hann náði þeim stórmerka áfanga að fara holu í höggi í þriðja sinn sl. mánudag. „Þetta er víst draumur okkar, kylfinganna. Fyrst hitti ég svona vel fyrir fimm árum en núna með hálfs mánaðar millibili. Öll skiptin á Urriðavelli í Garðabæ en hann er minn heimavöllur og ég leik hann oftast. Við hjón búum í Urriðaholtinu svo að það er stutt að fara,“ segir Hjálmar.

Umsóknarfrestur um stöðu sveitarstjóra á Skagaströnd rann út þann 27. ágúst sl. en á fundi sveitarstjórnar Skagastrandar þann 20. júlí sl. var sú ákvörðun tekin eftir mat á umsóknum að auglýsa stöðuna að nýju.