Fréttir

Leikmenn ÍR komu vel stemmdir til leiks er þeir mættu Stólunum í kvöld í öðrum leik þeirra í úrslitakeppninni í Domino´s deildarinnar í körfubolta. Eftir mikinn baráttuleik uppskáru gestirnir úr Breiðholtinu sanngjarnan sigur yfir heimamönnum með 106 stigum gegn 97.

Yfirskrift greinarinnar er raunar fengin úr öðru bindi rits Gunnars Bjarnasonar; Ættbók og saga íslenzka hestsins á 20. öld. Gunnar birti í bókaflokki þessum sem var 7 bindi, starfssögu auk ættbókar BÍ. Bókasamningin var einkaframtak Gunnars, en útgefandi var Bókaforlag Odds Björnssonar á Akureyri.

„Oft er gott að prófa sig áfram með eitthvað nýtt án þess að fylgja uppskrift, og er svoleiðis tilraunamennska oft stunduð hér á bæ. Svoleiðis tilraunamennska er einnig mjög hentug til þess að nýta afganga og mat sem er á síðasta snúning, eða á það til að gleymast aftast inn í ísskáp. Hafa skal þó í huga að sumar tilraunir mistakast og maður þarf að sætta sig við það að ágætis hluti afrakstursins getur orðið frekar ósmekklegur,“ sögðu Jóhannes G. Þorsteinsson og Arnfríður Hanna Hreinsdóttir á Kollafossi í Miðfirði en þau voru matgæðingar 15. tölublaðs Feykis 2016.

Snemma í morgun héldu meistaraflokkar karla og kvenna Tindastóls í fótbolta til Spánar í æfingaferð. Báðir hópar hafa, frá því í nóvember, unnið að því hörðum höndum að fjármagna ferðina, sem iðkendur greiða úr eigin vasa og má í því sambandi nefna fjáraflanir allt frá bílaþvotti til kleinusölu.

Nú sit ég fyrir framan arineldinn með tölvuna í kjöltunni og velti því fyrir mér hvernig Þóra náði að plata mig til þess að taka áskoruninni um að setjast niður og skrifa í blaðið. Það brýst um í huga mínum hvað ég eigi nú að skrifa tek svo ákvörðun um að skrifa um nýlega flutninga fjölskyldunnar til Danmerkur. Það er nú ekki langt síðan að við fjölskyldan tókum þá ákvörðun um að svala ævintýraþránni og flytja til annars lands. Við fórum nú svo sem ekkert mjög langt í burtu.

Mikið hefur verið rætt um lestur og læsi undanfarin misseri og hafa margir áhyggjur af minnkandi færni þjóðarinnar á því sviði. Kennarar eru margri hverjir duglegir við að hvetja nemendur sína til lestrar og gera hann oft að skemmtilegum leik.

B-listi Framsóknar og annarra framfararsinna í Húnaþingi vestra fyrir sveitarstjórnarkosningar í maí 2018 hefur verið birtur. Listinn, sem er skipaður sjö konum og sjö körlum, er talsvert breyttur frá síðustu kosningum og er þar mörg ný nöfn að finna. Elín R. Líndal sem lengi hefur skipað fyrsta sætið er nú í því 14. eða heiðurssæti listans. Oddviti listans nú er Þorleifur Karl Eggertsson, símsmiður, sem áður var í 14. sæti. Þrjú næstu sæti eru öll skipuð nýjum liðsmönnum, í öðru sæti er Ingveldur Ása Konráðsdóttir, þroskaþjálfi og bóndi, Sveinbjörg Rut Pétursdóttir, atvinnuráðgjafi í því þriðja og í fjórða sætinu er Friðrik Már Sigurðsson, hestafræðingur.

U20 ára lið kvenna í körfubolta tekur þátt í Evrópukeppni FIBA Europe í byrjun júlí í sumar. Þrjár skagfirskar stúlkur voru valdar af Finni Jónssyni landsliðsþjálfara í 25 manna æfingahóp leikmanna sem kemur saman eftir miðjan maí til æfinga. Endanlega lið verður svo valið í kjölfarið úr þeim hópi en hópurinn er skipaður leikmönnum sem fæddir eru 1998 og 1999. Aðstoðarþjálfari liðsins verður Hörður Unnsteinsson.

Guðrún Helgadóttir, prófessor við Ferðamáladeild Háskólans á Hólum, gegnir einnig um þessar mundir prófessorsstöðu í ferðamálafræði við Háskólann í Suðaustur-Noregi, (University College of Southeast Norway) í bænum Bø i Telemark, um 150 km frá Osló. Eitt af námskeiðunum sem Guðrún kennir þetta vorið heitir Nature, Culture and Guiding og fékk hún samstarfsfólk sitt á Hólum til að taka þátt í því með sér.

Á heimasíðu Byggðasafns Skagfirðinga segir frá því að á árinu hafi safnið sótt um styrki til margvíslegra verkefna s.s. úrvinnslu byggðasögu- og kirkjurannsókna síðasta áratugar, til ljósmyndunar og varðveislu safnmuna, innréttingar í geymslu, til útgáfu rits um torfrannsóknir, um Tyrfingsstaðaverkefnið/Fornverkaskólann, til fornleifarannsókna á fornum görðum í Fljótum og fleiri verkefna.