Fréttir

Hinir árlegu bændadagar hefjast í dag í Skagfirðingabúð en þá verður boðið upp á ýmis tilboð á kjöt- og mjólkurvörum. Eiður Baldursson mun sjá um að elda dýrindis prufur fyrir gesti og gangandi.

Á vef Heilbrigðiseftirlits Norðurlands vestra kemur fram að í nýjum úrskurði úskurðarnefndar umhverfis- og auðlindanefndar, sem kveðinn var upp þann 3. október síðastliðinn, komi það skýrt fram að heilbrigðiseftirlitið hafi heimild til að fjarlægja númerslausa bíla á einkalóðum, á þeirri forsendu einni að um sé að ræða lýti á umhverfinu. Þar segir að úrskurðað hafi verið í kærumáli á hendur Heilbrigðiseftirliti Suðurnesja sem fjarlægt hafi númerslausan, ryðgaðan bíl í slæmu ástandi af einkalóð.

Líf okkar sem búum á Vestfjörðum er eftirsóknarvert og mörg tækifæri eru í farvatninu til að efla samfélagið. Tækifærin felast fyrst og fremst í auðugri náttúru okkar í bland við hugvit og sköpun fólksins sem hér býr. Ég fullyrði að það sé ansi langt síðan svo bjart hafi verið yfir samfélaginu okkar. Við upplifum nú vaxandi þrótt eftir mörg mögur ár sjávarbyggða í tilvistarkreppu, gjaldþrot fiskvinnsla, kvóta sem seldur var hæstbjóðanda og fólksflótta. Nú er staðan önnur víðast hvar á Vestfjörðum, þó enn séu fámennustu byggðirnar í vanda. Ný tækifæri í ferðaþjónustu, menntun og fiskeldi hafa gjörbreytt trú fólks á samfélagið.

Í gær var haldinn fjölmennur íbúafundur í Skagabyggð þar sem sameiningarmál voru til umfjöllunar en eins og kunnugt er hefur sveitarstjórn Skagabyggðar átt í viðræðum við Sveitarfélagið Skagafjörð um sameiningu. Jafnframt hafa þrjár sveitarstjórnir af fjórum í Austur-Húnavatnssýslu samþykkt að hefja formlegar viðræður um sameiningu, að því gefnu að Skagabyggð taki þátt í þeim.

Í dag, miðvikudaginn 11. október, kl. 17:00 verður haldinn almennur íbúafundur á Blönduósi um verndarsvæði í byggð. Fundurinn verður haldinn í Félagsheimilinu á Blönduósi og verður þar kynnt tillaga og greinargerð til ráðherra um að gamli bæjarkjarninn á Blönduósi verði gerður að verndarsvæði í byggð. Fulltrúar frá Teiknistofu Guðrúnar Jónsdóttur munu kynna verkefnið og ræða málin við íbúa og aðra hlutaðeigandi aðila, að því er segir í tilkynningu um fundinn á heimasíðu Blönduósbæjar.

Þann 23. september síðastliðin fór uppskeruhátíð meistaraflokka Tindastóls í knattspyrnu fram. Þar voru bestu og efnilegustu leikmenn liðanna þriggja verðlaunuð. Einnig fengu markakóngur og drottning viðurkenningu. Það voru leikmenn sjálfir sem völdu besta leikmanninn en þjálfarar völdu þau efnilegustu.

Pálmi Jónsson á Akri, bóndi og fyrrverandi alþingismaður og ráðherra, lést á Vífilsstöðum mánudaginn 9. október. Hann var fæddur 11. nóvember 1929 á Akri í Austur-Húnavatnssýslu, sonur hjónanna þar, Jóns Pálmasonar, bónda, alþingismanns og ráðherra, og Jónínu Valgerðar Ólafsdóttur, húsfreyju.

Tíundu bekkingar Árskóla á Sauðárkróki hófu árlegt dansmaraþon nú klukkan 11 í morgun en dansað verður sleitulaust í sólarhring. Danssýning allra nemenda skólans verður svo klukkan 17 í dag og eru þá allir hvattir til að mæta í íþróttahúsið og fylgjast með. Nemendur hafa æft af kappi undir stjórn Loga danskennara, Vígþórssonar, undanfarnar tvær vikur en hans er ætíð beðið með tilhlökkun.

Skagfirðingafélagið í Reykjavík fagnaði 80 ára afmæli sínu sl. laugardag í samkomusal Ferðafélags Íslands. Í tilefni tímamótanna var ákveðið að gefa út afmælisdisk með 10 glænýjum skagfirskum dægurlagaperlum sem fluttar voru um kvöldið. Ber hann heitið Kveðja heim.

Réttað var í Víðidalstungurétt um helgina í prýðis veðri og samkvæmt venju mætti fjöldi gesta og fylgdist með bændum koma hrossum sínum í rétta dilka. Að sjálfsögðu var Anna Scheving mætt í réttina með myndavélina og kom svo aðeins við á Stóru-Ásgeirsá og myndaði þar kisu, geitur og nokkra graðfola hjá Magnúsi bónda.