Fréttir

Í dag er dagur íslenskrar náttúru. Mörgum finnst náttúran aldrei jafn falleg og á þessum árstíma þegar haustlitirnir skarta sínu fegursta. September hefur boðið upp á nokkra dýrðardaga hvað veðrið snertir og þá er gaman að fanga með myndavélinni. Meðfylgjandi myndir tók blaðamaður Feykis í Skagafirði í gær, og gefa þær smá innsýn í góða veðrið og haustlitina.

Stjórn Félags sauðfjárbænda í Skagafirði boðaði til opins fundar sl. mánudagskvöld vegna mikillar lækkunar á afurðaverði til sauðfjárbænda, sem nemur allt að 12%. Á fundinn mættu um 70 manns, sem má teljast gott þar sem um annasaman tíma er að ræða fyrir bændur en göngur og réttir voru þessa helgi.

Fyrsti leikur Tindastóls hér á Tenerife var móti Santa Cruz sem Jou Costa spilaði með á sínum yngri árum og þjálfaði svo síðar meir, [leikinn sl. miðvikudag]. Þetta lið var uppbyggt svipað og lið Tindastóls þ.e eldri hetjur sem kunna leikinn uppá 10 í bland við unga og upprennandi leikmenn með ferska fætur. Leikur Tindastóls var kaflaskiptur, vantaði áræðni í vörnina og lítið flæði í sóknarleik liðsins sem varð til þess að það hægðist heldur á leiknum sem var gegn uppleggi þjálfarans.

Ég var á fundi í gærkvöld í Ljósheimum [mánudagskvöld: innsk. Feykir]. Þar fór Ágúst Andrésson sláturhússtjóri Kaupfélags Skagfirðinga yfir helstu ástæður verðfellingar fyrirtækisins á kindakjöti til bænda, það er að segja útgáfu Kaupfélagsins á því. Hann hélt því fram að ástæðan væri eingöngu vegna útflutnings en innanlandsneyslan kæmi þessu máli á engan hátt við. Þarna er ég í grundvallaratriðum ÓSAMMÁLA sláturhússtjóranum.

Hjá Samtökum sveitarfélaga á Norðurlandi vestra, SSNV eru sjö starfsmenn í 6,5 stöðugildum, þar af fimm atvinnuráðgjafar. Hlutverk þeirra er meðal annars að liðsinna þeim sem vilja koma upp atvinnurekstri á starfssvæðinu sem nær yfir Húnaþing vestra, Austur-Húnavatnssýslu og Skagafjarðarsýslu. Einn þessara ráðgjafa er Magnús Bjarni Baldursson, sem tók til starfa á Blönduósi sl. vor. Blaðamaður Feykis hitti Magnús á föstudagseftirmiðdegi og spurði hann meðal annars út í starfið, bakgrunnin, áhugamálin og hvernig það er fyrir borgarbarn að flytjast á Blönduós.

Eva Pandora Baldursdóttir efsti maður Pírata í Norðvesturkjördæmi og unnusti hennar Daníel Valgeir Stefánsson eignuðust stúlku sl. þriðjudag. Eva Pandora segir að litla daman hafi látið sjá sig eftir nokkuð langan aðdraganda.

Byggðarráð Húnaþings vestra lýsti á fundi sínum á mánudaginn yfir þungum áhyggjum vegna ákvarðana sláturleyfishafa um 8 –12% lækkun á afurðaverði til sauðfjárbænda í yfirstandandi sláturtíð.

Kæru Húnventningar nær og fjær, Ég, sem yfirmaður sjúkraflutninga hjá Heibrigðisstofnun Norðurlands á Blönduósi, vil hér með svara fyrirspurn sem kom á Húnahornið í síðustu viku. Fyrirspurnin var um það hvernig því væri háttað ef sjúkraflutningsmaður á vakt færi í forgangsútkall og væri staddur heima hjá sér austan Blöndu? Hvernig hann ætti að komast í forgangsútkall ef hann lendir á rauðu ljós við brúnna?

Löggæslumál á Norðurlandi vestra, ekki hvað síst í Húnaþingi vestra, hafa verið mikið í umræðunni í kjölfar þess þegar bíll fór í höfnina á Hvammstanga 24. ágúst sl. Sveitarstjórn og byggðaráð Húnaþings vestra hefur fjallað um viðbragðstíma lögreglu, og einnig hefur verið fjallað um aðstæður á Blöndubrú vegna viðhalds þar.

Ég hef verið að velta því fyrir mér hvernig það verður leyst að koma sjúkraflutningsmönnum og öðrum viðbragðsaðilum yfir Blöndubrú hratt og örugglega, en eins og háttar til núna þá standa framkvæmdir yfir þar. Ef slys eða veikindi verða austan megin brúar og sjúkraflutningsmaðurinn sem er á vakt í það skiptið býr austan megin við brúna, þá er viðbúið að miklar tafir geti orðið.