Fréttir

Svört atvinnustarfsemi hefur verið mjög í umræðunni að undanförnu og eru stéttarfélög nú í átaksaðgerðum til að sporna við henni. Slíkt eftirlit hefur raunar verið viðhaft um árabil, en eins og haft var eftir Þórarni G. Sverrissyni, formanni Öldunnar stéttarfélags í Skagafirði, í síðasta tölublaði Feykis er nú verið að „girða sig í brók“ og taka þetta fastari tökum.

Ísmótið Svínavatn 2016 var haldið á laugardaginn. Þátttaka var góð, en um 130 skráningar voru á mótið og fjöldi glæsilegra hrossa. „Veðrið var frábært, sól og logn og góð mæting hjá keppendum og áhorfendum og létt og skemmtileg stemming á staðnum,“ sagði Ægir Sigurgeirsson sem hefur umsjón með skipulagningu mótsins, í samtali við Feyki í morgun.

Þriðjudaginn 1. mars 2016 tók gildi ný gjaldskrá Strætó bs. Samhliða því fengu farmiðar fullorðinna breytt útlit. Áður voru 9 farmiðar í hverri örk, nú verða 20 farmiðar í örkinni. Jafnframt var gerð breyting á útliti farmiðanna þannig að álfólía er lögð í jaðra miðanna og einnig í merki Strætó, sem er á hverjum miða. Þetta er gert til að auðkenna betur miða sem gilda í vagna Strætó bs.

Kynningarfundir vegna búvörusamninga verða haldnir um allt land dagana 7.-11 mars. Á vef Landssambands kúabænda kemur fram að fundirnir á Norðurlandi vestra verða í Víðihlíð í Húnaþingi vestra og að Löngumýri í Skagafirði.

Raki í húsnæði yngra stigs leikskólans Ársala á Sauðárkróki hefur valdið áhyggjum nokkurra foreldra sem óttast að þar kunni að vera myglusveppur. Í Feyki vikunnar er fjallað um fundi sem boðað var til með foreldrum vegna þessa, þar sem foreldrar voru upplýstir um stöðu mála, fyrirhugaðar aðgerðir leikskólans og sveitarfélagsins sem og niðurstöður úr sýnatöku Heilbrigðiseftirlitsins.

UEFA ( Knattspyrnusamband Evrópu ) gefur reglulega út blöð og bæklinga sem dreift er til allra Knattspyrnusambanda í Evrópu. Í nýjasta blaðinu er fjallað um litla Ísland og hvernig það komst á lokamótið í Frakklandi.

Áhugahópur um menntun og framfarir, í samstarfi við Sveitarfélagið Skagaströnd og Farskólann á Sauðárkróki, boðar til fundar um menntunarmál í Félagsheimilinu Fellsborg á Skagaströnd klukkan 17:30 miðvikudaginn 9. mars.

Ákveðið hefur verið að halda hið árlega Molduxamót laugardaginn 16. apríl í íþróttahúsinu á Sauðárkróki (Síkinu). Að þessu sinni verður boðið uppá þrjá flokka eða: 40+, 30+ og kvennaflokk.

Ísmótið Svínavatn 2016 verður haldið laugardaginn 5. mars og hefst kl. 11. Ísinn er afbragðs góður og vel lítur út með veður og færi. Skráningar eru um 130 og fjöldi þekktra og spennandi hrossa mætir til leiks, eins og fram kemur í fréttatilkynningu um mótið.

Hann var alveg geggjuð skemmtun leikur Tindastóls og Íslandsmeistara KR í Síkinu í kvöld. Bæði lið hafa verið á fljúgandi siglingu í síðustu leikjum og það mátti búast við hörkuviðureign og áhorfendur voru sannarlega ekki sviknir um hana. Eftir erfiða byrjun unnu heimamenn sig inn í leikinn og spiluðu annan og þriðja leikhluta frábærlega. Stuðningsmenn Tindastóls voru heldur betur með á nótunum og hvöttu sína menn óspart áfram gegn urrandi baráttuglöðum KR-ingum. Lokatölur 91-85 fyrir Tindastól.