Fréttir

Fjáröflunarskemmtun til styrktar Minningarsjóði Rakelar Pálmadóttur verður haldin í Félagsheimilinu Höfðaborg á Hofsósi sunnudaginn 11. október kl. 14:00. Sr. Hjálmar Jónsson flytur hátíðaræðu. Nemendur Grunnskólans og Tónlistarskólans sjá um fjölbreytt skemmtiatriði. Dana Ýr Antonsdóttir tekur nokkur lög.

Krabbameinsfélag Skagafjarðar tekur þátt í árveknis- og fjáröflunarátaki um krabbamein og konur. Í tilefni af bleika mánuðinum býður félagið bleika filmu frítt fyrir þá sem hafa áhuga á að lýsa hús sín bleik.

Dansmaraþon 10. bekkinga í Árskóla lauk um hádegisbil í gær en þá höfðu ungmennin dansað sleitulaust í 26 klukkutíma. Sérstök danssýning var í íþróttahúsinu á miðvikudag en þar dönsuðu allir nemendur Árskóla undir stjórn snillingsins Loga danskennara.

23. ársþing SSNV verður haldið í Félagsheimilinu á Blönduósi 16. október nk. Þingið sækja 30 fulltrúar sveitarfélaganna á Norðurlandi vestra, stjórn SSNV, stjórnendur sveitarfélaganna og gestir.

Á laugardaginn kemur, þann 10. október, verða stórtónleikar í Menningarhúsinu Miðgarði í Skagafirði þegar Norðlensku tenórarnir, Kristján Jóhannsson, Óskar Pétursson og Árni Geir Sigurbjörnsson, stíga saman á svið. „Það er svakalegur heiður að fá að syngja með Kristjáni og Óskari. Þeir eru báðir mínir uppáhalds tenórar,“ sagði Árni Geir í samtali við Feyki.

VG í Skagafirði lýsir andstöðu við að gengið verði lengra í afnámi tolla á innfluttar landbúnaðarafurðir án fyrirliggjandi úttektar á áhrifum á íslenska landbúnaðarframleiðslu og án þess að gerður hafi verið nýr búvörusamningur til lengri tíma. Þetta kemur fram í ályktun sem gerð var á aðalfundi félagsins sem haldinn var í gær, 7. október.

Nú um hádegi lauk árlegu dansmaraþoni dag 10. bekkjar Árskóla á Sauðárkróki. Nemendur hafa dansað síðan klukkan tíu í gærmorgun en maraþonið er liður í fjáröflun þeirra. Seinnipartinn í gær var svo danssýning í íþróttahúsinu og í kjölfarið matarsala nemenda og foreldra þeirra.

Mánudaginn 12. október boða foreldrar barna á biðlista á leikskólanum Birkilundi til opins fundar í Menningarhúsinu Miðgarði. Fundurinn hefst kl 20:30. „Skorum við sérstaklega á fulltrúa sveitarstjórna sem hafa með þessi mál að gera til að koma og svara þeim spurningum sem brenna á foreldrum,“ segir meðal annars í fréttatilkynningu.

Bæjarnafnið Tannstaðabakki lætur kunnuglega í eyrum úr veðurfregnum fyrri ára. Bærinn stendur við Hrútafjörð og er sá fyrsti sem komið er að þegar beygt er áleiðis inn á Heggstaðanes. Þar er rekinn fjölbreyttur búskapur, meðal annars eina kjúklingabúið á Norðurlandi vestra.

Foreldrar ungra barna í Varmahlíð og nágrenni eru að vakna upp við þann vonda draum að trygga daggæslu fyrir börnin þeirra er ekki að finna í Varmahlíð eða nágrenni. Leikskólinn er sprunginn og þar eru komin mörg börn á biðlista. Eina dagmóðirin sem starfandi er í Varmahlíð mun hætta störfum frá og með 1. nóvember og er fólk farið að sjá fram á að þurfa að segja upp starfi sínu vegna vandans.