Fréttir

Föstudaginn 15. janúar 2016, á efri hæð á Greifanum Akureyri, verður haldið námskeið um breytingar á virðisaukaskatt í ferðaþjónustu á vegum KPMG 11:00-12:00 og súpufundur um þróun og uppbyggingu í vetrarferðaþjónustu á Norðurlandi 12:00-13:00.

Eftir 30 ára hlé gerði fé sig heimakomið í hinum hrikalegu Hvanndölum milli Héðinsfjarðar og Ólafsfjarðar, sem fyrrum voru eitt einangraðasta byggðarlag landsins. Um var að ræða 16 kindur úr Fljótum og líklega hefur fé úr Fljótum aldrei farið þangað áður svo vitað sé.

Á útsölum er hægt að gera frábær kaup, ef þú veist af hverju þú ert að leita. Að fara á þær bara af því að allir aðrir gera það endar yfirleitt að maður kaupir einhverja vitleysu. Þetta gerðist svolítið oft hjá mér í innkaupaferðunum erlendis því þar fékk maður lítinn tíma til að fara í búðir, eins og t.d. H&M. Allt svo ódýrt og allt keypt sem þótti flott. Þegar uppi var staðið var þetta alls ekki ódýrt því maður notaði bara brot af þessu öllu. Góð kaup ekki satt!

Eins og greint hefur verið frá hér á vefnum voru styrkir úr Menningarsjóði Kaupfélags Skagfirðinga afhentir sl. föstudag. Við sama tækifæri var afhentur afreksbikar, sem er farandbikar til minningar um Stefán Guðmundsson fv., stjórnarformann KS og konu hans Hrafnhildi Stefánsdóttur. Er þetta í fimmta skipti sem bikarinn er afhentur og í þetta sinn var það hin unga og efnilega Frjálsíþrottakonan Þóranna Ósk Sigurjónsdóttir sem hlaut bikarinn.

Síðastliðinn föstudag, þann 8. janúar, var úthlutað styrkjum úr Menningarsjóði KS. Að þessu sinni hlutu 28 aðilar styrki til ýmissa menningartengdra verkefna, sem flest tengjast Skagafirði eða nærsveitum.

Fólks­bif­reið lenti utan veg­ar í Norðurár­dal, vest­an meg­in við Öxna­dals­heiðina, um há­deg­is­bilið í gær. Fjór­ir voru í bif­reiðinni, allt er­lend­ir ferðamenn. mbl.is greinir frá.

Nafn: Engilráð Margrét Sigurðardóttir. Árgangur: 1941 Fjölskylduhagir: Maðurinn minn, til næstum 50 ára, er Aðalsteinn J. Maríusson. Eigum tvo syni + tengdadætur og fjögur barnabörn. Búseta: Sauðárkrókur síðan 1975, komum frá Reykjavík. Hverra manna ertu og hvar upp alin/n: Ég fæddist í baðstofunni á Barkarstöðum í Svartárdal, dóttir hjónanna Halldóru Bjarnadóttur og Sigurðar Þorkelssonar. Ólst þar upp í miklu eftirlæti. Hvað gerir þú betur en allir aðrir á þínu heimili? Arfahreinsa garðinn.

Sjötta Króksamót Tindastóls í körfubolta, fyrir iðkendur í 1.-6. bekk, verður haldið í Íþróttahúsinu á Sauðárkróki á morgun, laugardaginn 9. janúar. Mótið hefst kl: 10:00 og stendur til um kl. 15:00. „Að þessu sinnui er 14 lið sem mæta til keppni, tíu lið frá Tindastól og fjögur lið frá Þór Akureyri,“ segir í fréttatilkynningu.

Það er gömul lumma að halda því fram að jólasteikin flækist fyrir körfuboltamönnum í fyrsta leik eftir jól. Það virðist þó ýmislegt til í gömlum lummum því leikur Tindastóls og ÍR í Síkinu í kvöld var ekki til útflutnings. Stólarnir gerðu þó nóg til að eigna sér stigin tvö sem í boði voru. Lokatölur 79-68 eftir sterkar lokamínútur heimamanna.

Þann 29. til 31. janúar næstkomandi verður haldið „Global Game Jam“ um allan heim, þar með talið á Kollafossi í Vesturárdal í Húnaþingi vestra. Þar hefur undanfarin tvö ár verið haldið hið óvenjulega Isolation Game Jam.