Fréttir

Í kvöld tekur meistaraflokkur Tindastóls í körfu á móti Hetti. Leikurinn hefst kl: 19.15 og verður sýndur í beinni á TindastóllTV.

Hjónin Sveinbjörg Valdís Lúðvíksdóttir og Davíð Jónsson taka við rekstri Húnavers þann 1. desember næstkomandi. Þá verður sonur þeirra, Snorri Davíðsson, þeim til aðstoðar fyrstu mánuðina.

Í gærmorgun var undirritaður samningur milli unglistahátíðarinnar Elds í Húnaþingi og stærstu styrktaraðila hátíðarinnar. Samningurinn felur í sér árlegan styrk til hátíðarinnar næstu fjögur árin, eða tímabilið 2016-2019. Frá þessu var sagt á vefnum Norðanátt.

SAMÚT, samtök útivistarfélaga, Ferðaklúbburinn 4x4, Ferðafélag Íslands, Íslenski Alpaklúbburinn og Ferðafélagið Útivist mótmæla hugmyndum um skerðingu á almannarétti og umferðarétti sem fram kemur í frumvarpi um breytingu á náttúruverndarlögum sem nú liggur fyrir Alþingi. Þetta kemur fram í fréttatilkynningu frá SAMÚT, samtökum útivistarfélaga.

Eins og greint var frá í Feyki á dögunum var Ingvar Skúlason, framkvæmdastjóri Klappa ehf., gestur ársþings SSNV og fjallaði hann þar um áform um uppbyggingu álvers á Hafurstöðum í Skagabyggð. Greindi Ingvar frá því að sveitarfélögin á Norðurlandi vestra, að undanskyldum Akrahreppi sem ekki hefur verðið boðin þátttaka, og stjórnvöld hefðu undirritað samstarfssamning um uppbyggingu orkufreks iðnaðar á svæðinu.

Á Árskóladaginn, 24. október sl., stóðu nemendur og starfsfólk Árskóla fyrir opnu húsi í skólanum. Sýndur var afrakstur þemadaga, nemendur seldu einnig ýmsar vörur sem þeir höfðu útbúið og seldu kaffi og meðlæti í kaffihúsi. Fjöldi manns lagði leið sína í skólann þennan dag og heppnaðist dagurinn afar vel. Alls söfnuðust kr. 435.003,- og var söfnunarféð afhent í íþróttahúsinu föstudaginn 30. október.

Vorið 2015 skrifuðu Sveitamennt. Mannauðssjóður Kjalar, Farskólinn og sveitarfélagið Skagafjörður undir samning um ,,Fræðslustjóra að láni" sem gengur út á að greina fræðsluþarfir starfsmanna sveitarfélagsins og gera áætlun um að sinna þeim.

Tvö umferðaróhöpp urðu í Húnaþingi vestra á mánudagskvöld vegna hálku. Annars vegar valt flutningabíll á þjóðvegi 1, við afleggjarann á Heggstaðanes, um þrjá kílómetra norðan við Staðarskála. Hins vegar fór fólksbíll út af skammt frá Reykjum í Hrútafirði.

Öryggismál sjómanna hafa mikið verið í umræðunni undanfarið í ljósi hörmulegs sjóslyss sem varð í sumar þegar Jón Hákon BA–60 sökk út af Aðalvík og einn maður fórst en þrír komust lífs af þegar nálægur bátur kom þeim til bjargar á ögurstundu.

Uppskeruhátíð Hrossaræktarsamtaka Vestur-Húnavatnssýslu og Hestamannafélagsins Þyts var haldin í félagsheimilinu á Hvammstanga síðasta dag október mánaðar. Daginn áður var haldin uppskeruhátíð æskulýðsstarfs Þyts. Á hátíðunum voru veittar ýmsar viðurkenningar, m.a. fyrir ræktunarbú ársins og knapa ársins. Lækjamót var valið ræktunarbú ársins 2015, þriðja árið í röð.