Fréttir

Íslandsmótið í golfi 2026 fer fram dagana 6.–9. ágúst á Korpúlfsstaðavelli í Reykjavík. Mótið er eitt af stærstu golfmótum ársins og koma allir bestu kylfingar landsins saman til að sýna hæfileika sína. Golfklúbbur Skagafjarðar sendir þrjár stelpur til leiks í ár: þær Önnu Karen Hjartardóttir, Dagbjörtu Sísí Einarsdóttur, sem er nýkrýndur klúbbmeistari GSS, og Unu Karen Guðmundsdóttur.

Skráningu í fjallahlaupið Molduxi trail líkur á miðnætti í kvöld, fimmtudaginn 6. ágúst. Hlaupið sjálft er á morgun, föstudaginn 7. ágúst og mun það hefjast kl. 17:00 fyrir þá keppendur sem ætla sér 20 km em kl. 18:00 fyrir 12 km hlauparana. Rásmarkið er fyrir aftan heimavist fjölbrautaskólans en þar er líka komið í mark þannig bæjarbúar og aðrir gestir eru hvött til þess að kíkja við og styðja hlauparana áfram. 

Í 13. umferð Lengjudeildar kvenna fá Tindastólsstelpur lið ÍA í heimsókn. Leikurinn er í dag, fimmtudaginn 6. ágúst og hefst kl. 18:00 og er þetta fyrsti heimaleikur stelpnanna síðan 18. júlí. Spáin fyrir leikinn er fín, lítil háttar rigning og tíu gráðu hiti, þannig að það er um að gera að klæða sig eftir veðri og skella sér á völlinn.

Á heimasíðu Húnabyggðar kemur fram að á morgun fimmtudaginn 6. ágúst verður rof á ljósleiðarasambandi í Vatnsdal vegna tengingar nýrrar ljósleiðaralagnar. Ljósleiðarasambandið verður rofið á morgun fimmtudag klukkan 9:00 í vestanverðum Vatnsdal.

Á heimasíðu Skagafjarðar er vakin athygli á því að vegna framkvæmda við fráveitu verður gangstéttin frá Sundlaug Sauðárkróks að Faxatorgi lokuð í dag, miðvikudaginn 5. ágúst, og á morgun, fimmtudaginn 6. ágúst.

Lið Kormáks/Hvatar tryggði sér sæti í undanúrslitum Gatorade-bikarsins í gærkvöldi með 2-1 sigri á liði KFA í hörkuleik á Blönduósvelli. Kormákur/Hvöt er því komið í undanúrslitin annað árið í röð, en ásamt þeim verða Álftnesingar, Haukar og Selfyssingar í pottinum þegar dregið verður.

Hin fjölhæfa Ana Clara Paz frá Argentínu er gengin í raðir Tindastóls og mun leika með kvennaliði félagsins á komandi tímabil. En þetta kom fram á Facebook síðu Körfuknattleiksdeildarinnar fyrr í dag. Paz þekkir íslenska körfuboltann vel og kemur með mikilvæga reynslu inn í ungt og metnaðarfullt lið Stólanna.

Sleppa, myndlistarsýning i Listasalnum hAughús í Héraðsdal i Skagafirði hefur verið framlengd um eina helgi. Upprunalega átti sýningunni að ljúka 9. ágúst en búið er að breyta lengja opnunartímann og verður síðasti dagur opnunnar 15. ágúst, en það er á laugardegi. Opið hefur verið á föstudögum og um helgar frá 13:00 til 18:00. Ekki verður opið á föstudaginn 14. og verður sýningin síðan tekin niður á sunnudeginum 16. 

Fimmta og síðasta heimsókn skemmtiferðaskipsins National Geographic Explorer í Skagafjörð er í dag, þriðjudaginn 4. ágúst. Áður en skipið kom til hafnar á Sauðárkróki var stoppað í Drangey.

Á heimasíðu Húnaþings vestra kom fram að á 1283. fundi byggðarráðs úthlutaði ráðið styrkjum úr Húnasjóði en fundurinn fór fram 20. júlí síðastliðinn. Í ár bárust níu umsóknir og uppfylltu sjö þeirra skilyrði til úthlutunar. Styrkirnir hljóðuðu upp á kr. 100.000 hver.