Fréttir

Í síðustu viku voru steyptir kantsteinar á nokkrum stöðum á Hvammstanga. Í frétt á vef Húnaþings vestra segir að því miður hafi komið í ljós galli í steypunni sem notuð var og er þess vegna nauðsynlegt að steypa steinana upp á nýtt.

Á vefsíðunni tia.is sem er heimasíða Tíunnar sem Bifhjólaklúbbur Norðuramts og er hollvinafélag Mótorhjólasafns Íslands á Akureyri er þessa skemmtilegu frétt að finna: Flagghjól Honda verksmiðjanna, farskjóti húnvetnskra hjóna. „Skagstrendingur kaupir Gullvæng.“

Það var mikið um að vera í íþróttahúsinu á Sauðárkróki um liðna helgi þegar Atvinnulífssýning Skagafjarðar var haldin. Það er talsvert handtak að koma svona sýningu upp en sýnendur voru 42 og voru rúmlega 100 manns á þeirra vegum starfandi yfir helgina samkvæmt því sem Hugi Halldórsson verkefnisstjóri fræddi blaðamann um. Við það bættist fjöldi starfsmanna sveitarfélagsins sem komu að ýmsum verkum við uppsetningu sýningarinnar.

Á Facebook síðu Skagafjarðarveitna kemur fram að vinningshafi er fundinn í mjög svo krefjandi getraun sem veiturnar stóðu fyrir á atvinnulífsýningunni 2026 sem haldin var í íþróttahúsinu á Sauðárkróki dagana 19. og 20. september var Kristján Leó Steinsson.

Feykisliðar ráku augu í það í einni af fjölmörgum yfirreiðarferðum um grösugar grundir Fésbókarinnar að góðborgarar í Félagi eldri borgara í Húnaþingi vestra höfðu brugðið undir sig betri fótunum og skellt sér í ferðalag fyrir Skaga. Það var því ákveðið að hafa samband við góðvin Feykis, Guðmund Hauk Sigurðsson á Hvammstanga, og kanna hvort hann væri ekki reiðubúinn til að segja frá og jafnvel senda nokkrar myndir. Það klikkaði ekkert á þeim bænum og afraksturinn er hér á opnunni.

Íslenska kvikmyndahátíðin í Reykjavík (RIFF) verður sett nk. fimmtudag, 24. september, í Háskólabíói Í Reykjavík. Menningarmálaráðherra, Logi Einarsson, setur hátíðina formlega við hátíðlega athöfn og að henni lokinni verður sýnd opnunarmynd hátíðarinnar, heimildamyndin Hinsta ferðin á K2. Skagfirðingurinn og kvikmyndagerðarmaðurinn Árni Gunnarsson hjá Skottafilm frumsýnir tvær myndir á hátíðinni; annars vegar Veg 75 um Tröllaskarð - Álög Grímu og hins vegar Ævintýri á hestbaki.

Að þessu sinni er það Ragnheiður Erla Stefánsdóttir, lögfræðingur og fulltrúi sýslumannsins á Norðurlandi vestra, sem svarar Rabb-a-babbi. Hún er dóttir hjónanna Sigríðar Gestsdóttur og Stefáns Jósefssonar, fædd árið 1988 og alin upp á Skagastönd ásamt þremur eldri bræðrum.

Karfan.i segir frá því að Tindastóll innbyrti sinn annan sigur á Gastec æfingamótinu í Varðarhöllinni á Egilsstöðum í dag þegar liðið hafði betur gegn Sindra, 93–79, í öðrum leik mótsins í dag. Áður höfðu Stólarnir lagt lið Hattar sl. fimmudagskvöld, 65-69, og eru því sigurvegarar mótsins.

Vatnsdalshólarnir í Austur-Húnavatnssýslu, líkt og eyjarnar á Breiðafirði og vötnin á Arnarvatnseheiði, verið sagðir óteljandi. Kannski eru þetta gamlar fréttir en á Vísindavef Háskóla Íslands var greint frá því í gær að hólarnir í Vatnsdal væru annað hvort 729 eða 1836 en niðurstöðutalan fer eftir því hvaða viðmið er notað. Aðrar aðferðir eða önnur viðmið geta gefið aðra niðurstöðu en þessar niðurstöður er samkvæmt talningu frá árinu 2018, sem er byggð á gögnum sem aflað var með dróna og síðan unnin áfram í landupplýsingakerfi.

Á Mannskaðahóli á Höfðaströnd í Skagafirði búa Bjarni Salberg Pétursson og Sunna Dís Bjarnadóttir ásamt börnum sínum Árnýju Birtu 8 ára, Halldóri Helga 6 ára og Þorbjörgu Evu 1 árs. Bjarni og Sunna eru bæði búfræðingar frá Hvanneyri. Bjarni og Sunna keyptu jörðina af foreldrum Sunnu 2018. Jörðin er u.þ.b. 400 ha. Túnin 75 ha. Feykir náði Bjarna í spjall.