Fréttir

Samráðsfundur um deiliskipulag Gamla bæjarins á Sauðárkróki fór fram í Árskóla sl. mánudag. Í frétt á vef Skagafjarðar segir að ánægjulegt hafi verið hversu margir mættu á fundinn en um og yfir 100 íbúar komu saman og tóku þátt í umræðunni. Feykir spurði Eyþór Fannar Sveinsson, oddvita Byggðalistans og formann byggðarráðs Skagafjarðar, aðeins út í fundinn.

Feykir sagði frá því í gær að Bjarkirnar, félagsskapur kvenna í Skagafirði, ætla í októbermánuði að hengja upp bleikar útislaufur á ljósastaura við Aðalgötu og Skagfirðingabraut á Sauðárkróki. Með þessu vilja Bjarkirnar leggja Krabbameinsfélaginu lið í baráttunni gegn krabbameini hjá konum. Bleikar útislaufur verða einnig til sölu á 5.000 kr.

Á Facebooksíðu Húnabyggðar má lesa: „Í gær lauk Pétur Arason störfum sem sveitarstjóri Húnabyggðar. Við þökkum Pétri kærlega fyrir hans störf í þágu sveitarfélagsins og gott samstarf. Við óskum honum alls hins besta og velfarnaðar á nýjum vettvangi.

Nú á haustmánuðum eru sveitarfélög vítt og breytt að birta fjárhagsáætlanir sínar fyrir næsta ár. Er áhugavert að sjá hvaða tökum sveitarfélög vilja taka utan um þau mál. Ríkisvaldið boðar aukna gjaldtöku á ýmsum sviðum og ýmis merki eru um að lítið „góðæri”, sé í kortunum.

Tindastólsmenn kláruðu Evrópurúntinn í gærkvöldi með góðum sigri á liði Bristol Flyers í Brexitlandi. Heimamenn hófu leik af krafti en Stólarnir voru fljótir að grípa til vopna og verja og gerðu nánast út um leikinn með frábærum leik í öðrum leikhluta þar sem þeir héldu heimamönnum í átta stigum. Eftirleikurinn reyndist tiltölulega auðveldur og gátu Stólarnir leyft sér að taka fótinn af bensíngjöfinni á lokakaflanum. Úrslitin 68-85 og Stólar í Evrópustuði.

Snemma í morgun valt mjólkurflutningabíll með tengivagn, rétt austan bæjarins Skarðs ofan Sauðárkróks. Ekki er vitað um tildrög slyssins en ökumaður var fluttur á heilbrigðisstofnunina á Sauðárkróki til skoðunar. Vonast er til að meiðsli hans séu ekki mikil.

Þegar blaðamaður leit út á laugardagsmorguninn var þétt rigning í Blönduhlíðinni og í bókstaflegri merkingu ekki hundi út sigandi því hundstíkin á heimilinu aftók með öllu að fara út í suddann. Blaðamaður klæddi sig þá í regnúlpu og tókst að fá tíkargreyið með sér út svo hún gæti gert sín nauðsynlegustu stykki. Þá rann það upp fyrir undirrituðum að það væri réttardagur í Laufakálarétt og þangað hafði hann stefnt í erindum fyrir Feyki.

Bjarkirnar, félagsskapur kvenna í Skagafirði, ætla í októbermánuði að hengja upp bleikar útislaufur á ljósastaura við Aðalgötu og Skagfirðingabraut á Sauðárkróki. Með þessu vilja Bjarkirnar leggja Krabbameinsfélaginu lið í baráttunni gegn krabbameini hjá konum. Bleikar útislaufur verða einnig til sölu á 5.000 kr.

Fyrr á þessu ári var birt skýrsla um landbrot á bökkum Blöndu, milli bæjanna Geitaskarðs í norðri og Ártúns í suðri. Úttektin, sem Land og skógur vann, byggði á vettvangsathugunum og greiningu á loftmyndum frá mismunandi tímum. Í niðurstöðum kemur fram að virkjun Blöndu, vegagerð í Langadal og gerð nokkurra varnargarða hafi haft áhrif á rennslismynstur árinnar. Áin hefur í auknum mæli tekið sér ákveðinn farveg, sem hefur bæði aukið staðbundið landbrot og skapað nýtt ræktarland. Sagt er frá þessu á vef Landsvirkjunar.

Feykir hafði samband við Israel Martín þjálfara í morgun og byrjaði á að spyrja hvað honum fannst um leik Tindastóls og Keflavíkur sem Stólastúlkur unnu í gærkvöldi. „Við höfum verið að aðlaga varnarleikinn okkar vegna þess hve fámennur hópurinn er, og meginmarkmið okkar núna er að spila eins góða vörn og mögulegt er þegar við spilum á hálfum velli. Stelpurnar fylgdu leikskipulaginu nánast fullkomlega. Mikil einbeiting. Sennilega einn besti varnarleikur okkar frá upphafi.